صمت الوداع
 

فارقت من لاكان ودّي أفارقـه ..... عقب الصلاة وتوّها الشمس شارقه


الفجر يوم الناس تسعى لرزقها ..... أنـا عيوني بازرق الدمع غـارقه


بكى وأنا أبكي يوم وقّفت أودعـه ..... والكـل منّا يذرف دموع حـارقه


سـلّمت ويديني بياديـه ترتجف ..... ويديه بيديني من الخـوف عارقـه


وأقفا وأنا قفيت والصمت حيلتي ..... عز الكـلام ودمعـة الياس فارقه


وحسّيت كن القاع حدري تزلزلت ..... يـوم ألتفتلي وأسـتهلّت غـوارقه


سـرقت من دنياه لـذّات دنيـتي ..... برضـاي سارقني وبرضاه سارقـه


همّي وهـوجاسي وحـبي وغيرتي ..... للي بوسـط القلب ناصـبٍ بيارقـه


وعـوّدت للمطلاع حزينٍ ملتجي ..... والقلب مـّني طـارق الهم طارقــه


ضلعٍ ورا المطـلاع شـوفه يريحني ..... عسـا الحيـا يسقيه لالاح بارقه


كتبت في عاليه حـرفي وحـرفها ..... ورسمت قلب الحب والسهـم خـارقه


ذكرى غـرام مات من قبل ينولد..... بفـراق من لا كـان ودي أفارقــه

سـلّمت ويديني بياديـه ترتجف ..... ويديه بيديني من الخـوف عارقـه



يسلمــوو..

تسلمين يااااارب

مشكوووووووووووووووووووووووووووور يالغلا

سلمت يمينك عالطرح الغاوي

يعطيك الف عااااافيه

عسااااااااااااااك عالقوه

نتريا يديدك

صح لساانـــج

وما شاء الله ع الابدااع الغااوي

ان شاء الله الى الامام دوووووم

اشكررررررررررررررفننننج ع القصيده الغاااااوي وصح السانج الشااعر

والله يعطيج العافيه ونتظر منج زوود

كلمات فى قمة روعة

وتقبل مرورى