|
المسألـه ماهـي قصايـد وجمهـور ولا هي بعد قصـة كرامـه وهيبـه غرتني الدنيا وانا اصبحـت مغـرور وحطمت قلب اللي غمرنـي بطيبـه اصبحت عايش خالي احساس وشعور ماعـاد افهـم وش حبيـب وحبيبـه غادي عن الدنيا لـي ايـام وشهـور صارت حياتي فـي عيونـي غريبـه ظلام لف الكـون ماعـاد بـه نـور غربه خذت ثامر مـن ايـدي نهيبـه بنيت بيني وبيـن نفسـي انـا سـور ابعدت نفسي وهـذي اكبـر مصيبـه ترى الذي مايسمع الـراي والشـور كلمـه تـودي بـه وكلمـه تجيبـه وانا غلطت وقلـت مانـي بمعـذور ومن يعترف بالحق محدن يعيبـه !!! وياصاح سامحني اذا جيت بقصـور مثلك يسامـح لازعـل مـن قريبـه لو منت غالي كـان مانـي بمجبـور اجي و ادوّر عنك مـن بعـد غيبـه اقسم بـرب البيـت ان لزمـن دور واني بدونك عشـت حالـه صعيبـه انام ضايق اصبـح الصبـح مقهـور تخيّـل ان راسـي بـدا فيـه شيبـه المسألـه ماهـي قصايـد وجمهـور ولا هي بعد قصـة كرامـه وهيبـه مسرور من هالناحيه حيـل مسـرور مرتاح في وضعي كذا ومهتنـي بـه ماهوب اكبر همي اصيـر مشهـور كلن بياخذ مـن كتـب مـن نصيبـه بس انت ارجع لي وانا اكون مشكور واقلب يـدي وبوسهـا وابتـدي بـه يومن معك مافيه شاعـر وجمهـور مافيـه الا بـس حبيـب وحبيـبـه |
رغم إنه ما عندي خلفية كبيرة عن الشعر ... لكن بحط لج رأيي بكل صراحة حلوة أبيات الشعر المكتوبة ... بداية يتكلم عن حاله وحالته الشخصية ثم(ن) يطلب السماح من صاحبه وراضي بالقدر والمكتوب (النصيب) وبرد وبقول: ومع ذا طرب قلبي بهد الجرانيس اللي لها طلع على الصيد وأطيار يا صاحبي زادت علي الهواجيس بس اكثرن عن كثرة الصد يا جار يعطيج ألف عافية يا ربي على النقل الجميل ... |
مع كل قصيدة قصة في محتواها ,, محتوى القصيده المطروحه في ابياتها الاعتراف بالخطا والاقتناع الكامل من ان دوام الحال من المحال ,, شكراً على النقل يا فتنة الكون وعلى تواصلج الياسي |
مشكورين ع المرور الطيب . . |
السلام عليكم ورحمة الله وبركاته الصراحه لاهنتي يفتنه على هالابيات الجميله قمة الابداع فالتعبير يعطيج ألف عافيه ياربيه على النقل جليس القمــــر |
| الساعة الآن 09:35 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir