|
قـدر الله وافترقـا ويمكـن انـه للأبــد..! قـــدّر الله وأفترقنـا .. ويمكـن إنــه لـلأبـد والمفارق .. والله إنـه والله إنـه بالغصيبـه !! ( قصة الفرقا ) غريبة .. ما أعتقد تطـري لأحـد والسبب مدري !! ولكن يا نصيبي يـا نصيبـه !! حسبي الله .. كان فرقانـا تحـت عيـن الحسـد و حسبي الله من تسبب بين محبـوب وحبيبـه !! حالف إني ما أخون .. و حالف إنـي مـا أصـد و المصيبه كيف خلاني !! هنا أصـل المصيبـه !! أعترف يومي تركته .. وأعتـرف خنـت العهـد وأدري إن له عزة ٍ بالنفـس عيّـت لا تجيبـه !! افترقنـا و يعلـم الله .. لا حصـدت ولا حـصـد غير هم ٍ بالحنايا .. و غير غـم ٍ يقتفـي بـه !! أفترقنـا .. ولا هنـت عيـن ٍ ولا جفـن ٍ رقـد غير دمع ٍ لا ذرفته .. جابت عيونـي سريبـه !! كنت أحبه مـن ثـلاث سنيـن .. وآحبـه بعـد من ثلاث سنين غالي .. والغلا مافيـه ريبـه !! علموه إنـي خطيـت .. ولا بقـى فينـي جَهـدْ ولا بقى ذرة صبر فيني على الفرقـا الصعيبـه !! علموه إن الخطـا بالغصـب مـا هـو بالعَمـد شئ ٍ اجبرني على الفرقـا وفرّقنـا غصيبـه !! و علموه إنـي بعـد فرقـاه عايـش فـي نكـد كان يعرف جرح قلبي .. كان يعرف وش طبيبه !! علمـوه وعلـمـوه ولا ادري والله وش بـعـد غير ابي منه السموحه .. جعل عيني تهني به !! |
يسلمو يا اختييي همس العشق كلمات روعه صح لسان القائل وسلمت ايادي الناقل وننتظر المزيد &&& إخواني الشعراء واخواتي الشاعرات مشاركاتنا في هذا القسم بالقصائد النصيه والمسموعه والخواطر تضفي عليه النور من لاحمى وجهه قبل طلعـت الشيب محــــد يعوظــه وجه لاصـــار شايـــب لاصـار ذكـرك فـوق روس المراقيــــب خلك على دربـك ترى الدرب صايـــــب تصير بعيون النشاما كما الذيــــــــــب وعيـون عـدوانك عطيـب الظـرايــــــب & الودعاني عاشق الريان القطري & |
وعليكم السلام والرحمه ( قصة الفرقا ) غريبة .. ما أعتقد تطـري لأحـد والسبب مدري !! ولكن يا نصيبي يـا نصيبـه !! تسلم ايدياتج ع الطرح يالغلا ابيات كلماتها رووووعه الف عافيه من ربي نبي الزود واليديد منج لاهنتي |
اقتباس:
منور |
اقتباس:
منوره الصفحه |
| الساعة الآن 02:28 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir