منتدى استراحات زايد - دَعـْوةْ مِنْ الّشـيخ مُحَمَدْ العَريْفيْ لِمُناصَرَة أَهِلْ غَزَةْ بِطَريقَة جَديدة

الـــــــسلام علــــــيكم و رحمة الله وبركاته

دَعـْوةْ مِنْ الّشـيخ مُحَمَدْ العَريْفيْ لِمُناصَرَة أَهِلْ غَزَةْ بِطَريقَة جَديدة

أمس كنت أشوف برنامجه على قناة اقرأ [ ضـــــع بصمتـــــكـء ]

و كانوا مستظيفين واحد فلسطيني مسؤول عن الاعمال الخيريه

واقترح طريقة يديدة لمناصرة أهـــــل فلـــسطين معنـــــــويـــــاً

وهي عن طريـــــق الاتصال فيهم ومواساتهم وتذكريهم بإن لهم

اخوان يدعون لهم بالفرج بظهر الغيب ,,وإنكم تواسونهم

وتطمنون عن احوالهم .. وتذكرونهم بكل شي طيب ..طبعـــا

الشيخ محمد العريفي قام وجرب واتصل ..ولو تسمعون الشخص إلي

رد عليه ورمسه ومستانس انه في حد يطمن عليهم رغم انه ما كان

يعرف الشيخ ولا الشيخ يعرفه هو منو فقط ,بس اطمن عليه وسأله عن وضعه

وصبره ..وقاله ندعي لكم ...والفرج قريب ..وقوا إيمانكم بالله ....الخ

إلي يحب يتصل ويفرح هالناس إن نحن المسلمين حاسين فيهم يتصل

والارقام كلها ارضيه يعني ارقامكم ما بتطلع عندهم ...^^

أنا بحط الارقام والشكل # ...يعني انتوا حطوا رقم من تخمينكم

يعني رقم افتراضي (منقع)وشوفوا الناس إلي بترد عليكم وسلموا عليهم واطمنوا

إلي يحب بتصل على رفـــــح
00970821
بعدين خمنو 6 ارقام
# # # # # #

إلي يحب يتصل على المنطقة الوسطى
00970825
# # # # # #

إلي يحب بتصل بمنطقة غزة
00970828
# # # # # #

إلي يحب بتصل بخــان يونس
00970820
# # # # # #

ندآء

يا عالم الاسرائيلين كل يوم يتصلون ويشتمونهم ويخوفونهم
كم بيكلفنا لو اتصلنا فيهم ودعينا لهم و صبرناهم
كم بيكلف ؟؟؟

يا اخواني ويا خواتي ...

انشروا الموضوع قد ما تقدرون ..واسوهم
اليهود مب احسن منا يخوفون اخوانا الفلسطينين في القطاع

نشروه عن طريق msm

عن طريق المنتديات ..

عن طريق الايميلات ..

ادعلوهم وصبروهم

والله بيفرجها عليهم ان شاء الله

ملاحظة

شي يزعل والله في كذا منتدى سكروا الموضوع اون ما يناسب

كيف تبين ريال يكلم حرمه <<<انا ما قلت دقوا غازلوا ..خافوا ربكم

وكيف تبين حرمه تتصل ويرد عليها ريال <<< شفت تجارب الناس في امنتديات إلي اتصل على ريال طلبت منه حرمه من حريم البيت وعطاها ...ووين الغلط يوم الوحده بتدعي لهم بالصبر
وهم لا يعرفون رقمها ...ولا يعرفون منو هي ؟؟

الوضع مب مناسب انا اندق نسولف دقيقة ونسكر نحسسهم انه حد متذكرنهم
اليهووود مب احسن منا 24 ساعه يتصلون ويسبون ...

استغلوا الدافع النفسي لصالح غزة واهلها ...

إلي ايرد عليها ريال وتستحي ترمسه تطلب منه يعطيها حرمه من حريم البيت ..
ما كان في حريم ...تسكر بهدوء ...مب لازم تخبر منو هي ...ولا تقول الله يصبركم
او تعطي حد من اهلها يرمسهم ..

مب قلة حيا ان نواسي وندعي لهم ...ونعزز الوضع النفسي
بس قلة حيا يوم بنطلع اعذار لمواقف حلولها موجودة وبساطة ...