آذونا الله يصلحهم اصحاب الشوازن بالكويت محنا قادرين نطرح
 

السلام عليكم و رحمة الله و بركاته
تحياتي لكم اهل مكشات و اتمنى تقبلوني عضو جديد بالسايت .
انا جديد بالصقارة و طرح الطيور العام الماضي بديت فيها بأني شريت لي شيهانه (البجا) وحش و الله وفقني بتدهيلها و تربيتها و الفضل يعود لله سبحانه و لتوجيهات الصقارة اللي بالسايت الله يجزاكم خير على مجهودكم ، لكن للاسف مرضت عندي و أخذتها لمستشفى الصقور بالكويت لكنهم ما لقوني وجه لانها ماهي بشاهين أو صقر يسوى و ماتت (عسى الله يغفر لي اذا كنت قصرت و ما يحملني ذنبها)
آسف على الاطاله ، موضوعي : هذا العام عزمت انا اطرح طيري بنفسي و التوفيق من الله و طلعت بالاسبوعين الماضيين الى اماكن العبور حسب وصف لقيته بمواضيع السايت و شفت لي طيرين (ما كان عندي دربيل عشان اعرف نوعهم ناهيكم انني عليمي) ، لكن الله يصلحهم اصحاب البنادق منتشرين بكل مكان و يرمون حتى الكيس الطاير ما خلوا شي الا و طردوا وراه لكن الحمدلله انه سلم الطيور و ارتفعوا قبل ما يصوبونهم !!!
و انا مستغرب اني ما شفت الا طيرين فقط مع انه حسب ما سمعت ان الموسم ابتدأ ؟
الله يجيب اللي فيه الخير
ملاحظه : انا اطلع للصبيه و بر الخويسات حوالين المحمية ، شغلي مضبوط و الا انا مضيع ؟؟ ارجو الافادة ، و شكرا":good2: