منتدى استراحات زايد - يالربع ابي تندة لجيب سفااااري ربع ..... لا تذخرون اللي يعرف

سلام عليكم ورحمة الله وبركاتة

أنا سلمكم الله عندي جيب سفاري ربع وله تنده قبة عشانه كان حكومي..!!

فااخواني ذلوني كل مايشوفوني يقولون عطنا واحد فانيليا
وواحد مشكل (على سيارة الآيس كريم )......:(

المهم ابي اغير تندته بحذفها.... وابي له تنده حقة ربع عاديه...... وين القاها عند من ؟؟

وكم سعرها؟؟

وكم يكلف شغل اليد ؟؟

ولوو أحد يعرف هل هي تطول على مايركبونها؟؟

وياليت اللي يعرف هالورشه ولا التشليح يكون يركبون جلب وربلات للموتر مره وحده !!!

عشان يبيله جلب وربلات أبي اخليه عندهم يركبون التنده والجلب والربلاة...

ومافي مشكله في اي مكان في القصيم أو الرياض....

وأدري إن اسئلتي واجد بس الله يجزاه الجنة اللي يجاوبني..:)

وتكفون يالربع اللي يعرف شي لا يذخر شي

تراها أول مشاركه وانتم عاد تبيضون الوجه ان شاء الله