منتدى استراحات زايد - ياالله يافارج هموم المخاليق

يالله يافارج هموم المخاليق = تفرج هموم بالضمير محشوره
قامت تدق طبولها بالتخافيق = تزفن وتاخذ حول الاظلاع دوره
ماتنتشي ياكود في ساعة الضيق = حتى الفرح تهدم مباني قصوره
والصدر شال اثقل من النير وطويق = وفي تالي الايام سلم اموره
لمكون النطفه ومرس الشواهيق = ومجرالسفن مواخر في بحوره
يارب انا حالي وصل نشفت الريق = والنفس من جورالزمان معصوره
كل مابغيت اصحى من الهم وافيق = داهمني الاخر بليا مشوره
تطاول الشريان وتل المعاليق =ووزع على جسمي مقادم سبوره
قام يتهيض في جميع الطواريق =ويلعب بقلبي لعب طفل بكوره
صاريتداحم في حشايه ولااليق = اصبح الخفجي وامسي شروره
تكفون ياهل المرجلة يامطاليق = اخذوا لمن بكته الايام صوره
ماهي دعايه عهد ذمه وتوثيق = وعزاء نفوس من الزمان مغدوره
شربوا وانا شربت كاس التفاريق = افراق غال مارجينا حضوره
افراق من شالوه فوق العواتيق = وحطوه في حفرة ظلام محفوره

شعر: غيث داوردِ