مـرحبـآ مـلآيــن ~

شحـــآلكمـ .. ؟ ان شـآء الله كلكـو زآي الفُـل

حيبت اطرح عليكم قصه في قمة الرووووعهــ

القصـهـ فيهـآ مـوآقف مضحكـهـ و حزينـهـ و احــدآثها وآيــدهـ و ان شـآء الله تستمتـعون بقـرآيتهـآ .. ~

------------------------------------------




في احدى مناطق بوظبي تحديداً في بيت بو مايد .. ميـثا يالسه في غرفتها و معاها امهـا يتناقشـون في مـوضوع صـارلهم اسبـوعين يتكلمون عنه ..

ميثا : خـلاااص يـا امـايه انـا مقتنعـه بهالقرار لا توقفيـن نصيبي !!
ام مايد : ياحبيبتي يا ميثاني والله انه قلبي مقبوض من هالزواج
ميثا : الله يهـداج يا امـايه انا صليت استخـاره و ارتحت .. بس انتي جي قلبج مقبوض من هالزواج لأنج ماتبيني افارجكم و طبعاً ماترومون على فراقي ( وايد واثقه خخخ )
ام مايد ( شويه و بتصيح ) : هيييــــه فديتج والله مادري كيف بصبر بدونج ..!!.. انزين شحقه ماتترين منصـور لين مايرد من السفر بيكون جي مخلص دراسته و مشتغل بعد و انتي تعرفين انه منصور يباج اليوم قبل باجر ..
ميثا(نزلت راسها) : امـااااايـه الصراحه يعني انا مابغي منصور اعتبره مثل اخويه .. و بعدين مليون بنيه تتمنـاه خله يختار على كيفه
ام مايد : الله يهداج بس .. اوكي انا خلاص بروح اقوللهم انج موافقه بس ماتحسين يا ميثا انه نحنا وايد بنستعيل .. اصبري شوي تراج تـوج مخلصـه الثنـويه بنسبه زينه على الأقل ادخلى الجامعـه و بعدين يصير خير ..
ميثا : اووهـ يا امايه أي نسبه زينه انا بروحي ماصدقت اني خلصت من المدرسه تبيني ادخل جامعه بعد.. ولا انتي شكلج تبيني اعنس و ايلس على جبدج ..
ام مايد : ااه منج .. خلاص عيل عالبركـه فديتج .. الحين بـروح ادق حق ام خـليفه ابشرهـا..
و ظهرت ام مايد بس في افكـار شاغله بالـها .. انه بنتها ميثا اول مره اتم مصره على رايها لأنه قبل وايد خاطبينهـا و ترفض على طول حتى بدون ماتعرف اسم المـعرس..!! بس على طول شلت هالأفكار من بالها ..
اما عند ميثا من ظهرت امها راحت صوب الباب و قفلته و ركضت صوب موبايلها
و دقت حق [ تـوأم روحــKـي ] ...
ميثا : اوفف يـالله رد !!!! ..


خليفه : يـا مرحبا يـا نـاعم الصوت و العـود ..
ميثا : خلـووووووفي بقولكـ احلى بشارهـ
خليفه : هـاااا بشـري شـو صاااار ؟ ..
ميثا بمستحى : توني قلت حق امايه اني موافقه و بدق حق امك و تبشرها بالموافقه ..
خليفه : صـــدق !! .. يــالله فديتــج احلى خبر سمعته بحيـاتي .. زين رديتـو عنبـو كل هـا تفكرين
ميثا : جب اوكي شو تباني اول مايقولولي انه يايينج معرس اقوللهم موافقه على طول جي بيشكون ولا بيقولون هاي مو شايفه خير تتريه أي حد يخطبها ..
خليفه : هههههه انزين فديتج هدي اعصابج .. انتي اصبري عليه خليني اخذج شوفي شو بسويلج ..
ميثا : يـااامييه من اولها تهددني .. شـوف عـاد من الحين اقولكـ لا اتم تتعامل معايه بأسلوب التهديد ولا بضربكـ بالنعال على راسكـ
خليفه : اضربيني على راسي و ان شاء الله تكسرينه بعد مايهمنـي .. المهـم و الأهم انج بتكونين ملكي و معايه بصقـف واحد و محد يـروم ياخـذج مني..

و على هالحال يلسو هالأثنين يرمسون بعض لمدة 3 ساعات و اكثر من سالفه ورا سالفه طبعا مع شوي كلام غزل و يتضاربون و يردون يتراضون بعد دقايق ..

الحين عاد بعرفكم على عايلة ميثا ..
ابو مايد ( سلطان): ريال متوفي صارله 3 سنين .. توفى في حادث سياره ( الله يبعدكم عن الحوادث )
ام مايد ( فاطمه ): حرمه كبيره شوي في السن .. عمرها 43 طيبه وايد و همها بس تربي عيالها احسن تربيه وتـوفر لهم احسن عيشه .. الله رزقها بـ 3 عيال .. عيالها عندها اغلى ماتملكـ

مايد : عمره 22 يشابه ميثا وايد.. من توفـى ابوه و هـو يحس انه صار مسؤول عن اخـوه و اخته و امه .. و هو طيب و في نفس الوقت عصبي و مايسكت عن الغلط ..يشتغل في شركة خاله .. بتعـرفون عنه اكثر من خلال القصه

ميثا : البنت الوحيده عمرها 18 توها مخلصه ثنويه بنسبه زينه .. و هي ضعيفـوونه و شوي قصيره .. فيها جمال يجذب ..و شعرها طويل يوصل لين اخر ظـهرها و لونه بني غامـج و هي طيبـه و ينقـص عليها بسرعه .. و متسرعه وايد ..
بتعرفون عن سالفـتها مـع خليفه بعدين ..

محمد : عمره 15 سنه.. اول ثنوي ..احلـى واحد فيهم .. وااايـد شيـطان .. و يحب يسوي مشاكل و حشره .. بس قلبه كبير و ابيض .. مشكلته ربعه وايد مأثرين عليه عاد هذيل تقدرون تسمونهم رفاق السوء .. (( الله يهديهــم ))

و جي خلصنا من عايلة بـو مايد .. بنتعرف بعدين على شخصيات ثانيه ..

:
المهـم .. نرجع للقصـه
:

عند خليفـه خطيب ميثا ..

كان يالس في شقة ربيعه جاسم

جاسم : اييه خلوف انته خلاص يعني بتاخذ هاي ميثوه الي ترمسها ؟!! ..
خليفه : اووف شو اسوي عاد الحين انا ابتلشت فيها .. و بعدين الوالده حاشرتني حشره تباني اتزوج و انا ماريد اخذ وحده من الأهل قلت خلني اخذ هاي الهبله و العب على كيف كيفي ..
جاسم : اهـاا الحين فهمت زين زين عيـل .. عاد انته شدراك ان هاي بتكون هبله مثل ما انته تريد يمكن تظهر من هالبنات القوايه و تراويك العين الحمرا ..
خليفه : لا ياحبيبي اطمن هاي هبله ينقص عليها بسرعه و ماتفهم شى ..
جاسم (بطنازه) : ههههههههه عيل مبـروووكـ بتدخل القفص الذهبي

و قطـع محور حديثهم رنة موبايل خليفه ..

جاسم : ليكـون خطيبتك الي دقت؟
خليفه : لا لا اونه ميثوه قالت مابدقلك لين يوم العرس عشان اونه اشتاقلها .. ههههههههههه مصدقه عمرهـا

خليفه : الـو .. مرحبـا مـلاييييين ولا يسدن بذمتيه ..
منال : اسكت ولا كلمــه !! .. لا تتحـراني مادريت عن خطبتكـ !!
خليفه (وهـو يعطي نظره قويه لجاسم): اخخ انتي منو قالج اكيد ها جسوووم .. فديتج والله منـول شو اسوي الوالده وايد وايد حاشرتني اخطب ولا بروح فيها ..
منال : لا تحاول تعتذر و تبرر موقفك .. بعدني زعلانه عليك ..
خليفه : اااهـ منكن يالحريـم .. انزين انا اعرف كيف ااراضيج .. اليوم تعال شقة جسوم و هني بخليج ترضين غصبن عنج ..تعالي انتي بس
منال : هههههه انزيـن فديتكـ يايتنكـ .. بس خل الشقه فاضيه مافيها حد ..
خليفه : اوب اوب اليـووم شغل عدل ..
انروح صوب ميثا الي يالسه اتكلم سلامه في التلفون

ميثا : احــم سلامي تراني وافقت على خلفوني
سلامي : ميثانــي حرام عليج يعني ليش مافتكرتي في منصور اخويه الي يحبج مـوت !! .. و انتي مقتنعه بخلـوف هاا !! .. يعني ماتخـافين يكون مرمس غيرج .. اصلا انتي ماشفتيه بس كلمتيه كيف تحبينه ؟
ميثا : اولاً منصور ان شاء الله يحصله بنت الحلال الي تحبه و بينساني ..و انا واثقه من خليفه مو مرمس حد غيري و بعـدين بقولج شى بس لا تعاصبيـن عليه .. انا شفت خليفه مره !! ..
سلامي بعصبيه : نعــــــم !! .. وين شفتيـه !!!
ميثا : اييه هدي اعصابج ..تواعدنا في المول و شفته و هو شافني و عيبنا بعض ! .. و كان دوم أيي المدرسه يشوفني اخر الدوام
سلامي ( بقهر ) : افـااا والله يا بنت عموه ماتوقعتج من هـالأشكال طحتي من عيني
ميثا بندم : سلااااامي لا تفهمينـي غلط والله هو قالـي يبا يشوفـني بس انا رفضت في البدايه بعدين قالي اذا ماخليتـه يشوفني بيقطـع علاقته فيني .. انا بموت اذا انقطـعة علاقـته فيني ..
سلامي : غبيه والله طول عمرج غبيه .. اوكي خلاص اوعديني انج مادقيله ولا تردين عليه لين العرس
ميثا : قلتله من زمان ياحليله كاسر خاطريه والله وايد حزن و قالي انه مابيقدر يصبر بدون مايسمع صوتي !! =(
سلامي : اوفف منج تعرفين اتنرفز يوم اسمع اسمه .. كنت اتمناج لأخويه .. بس شو نسوي كل شى قسمه و نصيب .. يـالله بسكر عنـج ياني رقاد من سوالفج السخيفه
ميثا : جب جب محد سخيـف غيرج .. يـالله ببــاااي سويتي ..

بما انه وصلنا عند سلامي بعرفكم على عايلتهم ..

ابو منصور (فيصل) : يستوي اخو ام مايد .. ريـال همـه فلوسه و يحـاول قـد مايقـدر يـوفر لعياله و حرمته الراحه التامه عنده شركه .. يحب عياله وايد و يخاف عليهم ..عصبي وآآيـد الكل يخاف منه
ام منصور (عايشه) : حرمه تحب لمة الحريم و سوالفهم طبعا ( الحش في خلق الله ، و فلانه اطلقت و فلانه عرست ، و هاي لبسها مو حلو .. والـخ) طبعا انتو تعرفون سوالف الحريم كيف.. تحب كل شى يصير بأمرها .. هي وايد حبـوبه ..
و عيالها هم :
منصور : عمره 24 يدرس في الخارج .. ماشاء الله عليه وسيـم وايد ( يطيح قلوب البنـات ) يحب ميثا وايد وهو طيـب واااايــد .. كشخه وايد يحب يهتم بعمرهـ ..
سلامه : 18 خلصت من الثنويه بنسبه حلوه .. جميله بس مش احلى عن منصور , مليانه شوي.. متفهمه وايد .. و هي واايـد ويا ميثا و دوم تنصحها .. ماتحب الغلط الي يالسه تسويه ميثا .. و هي راعية كشخه وتنحب بسرعه و يـا بخت منو بياخذها ..
مريم : عمرها 16 .. في ثاني ثنوي - ادبي - شيطـوونه وايـد تحب تيلس ويا محمد لأنه دوم يضاربون.. الكل يحبها .. لسانها طويل ماتسكت اذا حد غلط عليها .. دوم تاخذ حقها بأيدها ..
راشد : عمره 15 .. اول ثنوي .. دووم ويا محمد بس هو عكسه في كل شى .. طبعه هادي مايحب يختلـط في النـاس وايـد .. و الكـل يحبـه علـى هـدوئه و طيبته ..


*

يــوم الجمـعـــه

بيـت بـو مايـد كلهم يالسين يتغـدون ..

محمد : اااخ .. والله حدي يـوعـاااااان .. ميثــووه هاتـي السلطه !! ..
ام مايد : حبيبي محمد شوي شوي لا تاكل بسرعه مابيطير الأكل
ميثا : هههههه حمود عـن تاكل الصحن بعد ..
محمد : جب جـب انتي محد رمسج لازم تدخل عمرها في شى مايخصها
ميثا : اييه حمود احترم عمركـ ولا بعطيكـ كف وآحد اطيركـ فلبيـن
مايد : جــب انتو الأثنين افف شو ها حشره تراكم .. عنبـو حتى عند الغدا تضاربون !!
محمد : ميـوود والله مايخصني انا !! .. ميثـوه وايـد رزه ..
مايد بأستهزاء : ههه من يومكـ انته تسوي المشاكل و تقول مايخصني ..
ام مايد : اسكتو شوي .. ميثاني حبيبتي تراني رمست ام خليفه من كـم يـوم و قـالت بيـون اليوم .. جهزي عمرج و اكشخي عـدل و البسي احلى لبس عندج ..
ميثا ( مستحيه ): ان شاء الله ..عن اذنكم بروح ادق حق سلامي بخليها تي عندي.. وراحت ميثا ادق حق سلامي عشان تي عندها
ام مايد : مايد اليوم لا تظهر من البيت لأنه الريايل بيون بعد و قوم خالك فيصل بيون .. محمد انته بعد يـاويلك ان سويت حشره و شطانه .. خلك هادي مثل راشد ..
مايد و محمد : ان شاء الله ..
محمد : يـالله باااي بروح برع ربعي يتريوني ..
مايد : انا هذيل ربعكـ ما ادانيهم .. والله ينخاف منهم
محمد : ميود انته مايخصكـ في ربعي .. و على طول شرد قبل مايسـمع رد مايد
مايد : الله يهـدييـــــه !! ..

ستــــــــ StoP ـــــــب !!

تتـوقـعون خليفــه صـدق بيـآخذ ميثـآ .. ؟ ولا بتصيــر مشكلهـ ؟!

بصــرآحـهـ عيبتكمـ القصـهـ و البـدآيــهـ .. يعنـي اكملهـآ ؟! .. ~

-------------------------------------------------------------------------------- اتوقع انه مايد يسأل عن خليفة وتستوي مشكلة والقصة ما علييها كلااام نترقب الباارت اليااي