طفح الكيل يا اخوان ,,,,
 

<div>السلام عليكم ورحمة الله و بركاته
حي الله اخواني الاعضاء و الاداريين و الزوار واحد واحد
كل عام و انتم بخير ولو انها متأخره لكن وش نسوي

والله ان منتدانا يضرب به المثل بوجود امثالكم من الرجاجيل و هذا فخر لنا كأعضاء
لاكن ما نراه في هاليومين بديت اعرف ان المنتدى صار مفتوح لاي طفل يسجل و يرد
و كان فيه اعضاء ما عنده الا ردين لاكن عقب هالسخافه صار عنده 500 مشاركة مدري وشلون بس يالله
الكل مستغرب من هالكلام لاكن والله انه ما جاء الا عقب ما كثر الكلام عن المنتدى عموما و الاعضاء خصوصا

طلعت لنا مشكله هاليومين الي هي خزان الوادي عندي كم كلمه وديس اقولها
اتمنى انه ما يجي كل يوم بزر و يحط موضوع وش صار على خزان الوادي ولا اي شي زي كذا
محد طقك على يدك و قال اشتر
خلاص سكرو على الموضوع عندك كلام دق على الخزامى و تفاهم معهم لا تجي و تقلق راسنا هنا افتكينا من الدوامات تجي تزعجنا هنا بعد
و الشي الي يرفع الضغط انه يجيك واحد و يقول نرفع قضيه عليهم وهو توه طالع من مدرسته يا اخي موب على كيفك ترفع الرجال ما غصبك و قال اشتر الرجال عرض سلعته اعجبك حياك الله ما اعجبك الله يستر علينا و عليك

و العض يظن اني اعرف خزان الوادي ولا احد من شلتهم لا والله اني ما اعرف اي شخص يشتغل معهم بس شي يغبن
ما نقول انهم ما قهرونا الا والله و انا شاري خزانين منهم بس خلاص انت استخدمة الخزان و اعجبك خلاص تحمل الي يترتب عليها بعدين
ولا يجيك واحد نوا بس انه يشتري منهم بعدين هون يدخل لموضوعهم و يبدا يسب فيهم
و والله اني معجب برد اخي يا وجودي طبعا البعض بدا يتهجم عليه لاكن لا يضر السحاب .....
<div style="margin:20px; margin-top:5px; "> اقتباس:
المشاركة الأصلية كتبت بواسطة ياوجودي http://www.mekshat.com/vb/images/buttons/viewpost.gif
السلام عليكم ورحمة الله وبركاته

ياشباب ياإخوان

أولاً يشهد الله إني لاأعرف الأخ خزان الوادي لامن قريب ولامن بعيد
إلا أني رأيت بعض المواضيع هنا وكأني إستوعبت المشكله:

اللي فهمته إن الأخوه اللي معترضين حيث إنهم اشتروا من خزان الوادي سلعه قيمتها مثلا بـ 600 ريال.
وبعد فترة إكتشفوا عند الزامل نفس السلعه بقيمة 200ريال.

طيب نآخذها وحده وحده...

أول شي من حق الأخ خزان الوادي أن يقاضي أي شخص هنا وصمه أو ناداه بالنصاب أو الجشع.(وهذا حسب النظام والقانون وتحت قانون الجرائم والقضايا الالكترونيه).(وهنا أنصح الأخ خزان الوادي أو غيره ممن ناداه أي شخص أو غلط فيه او في عرضه إنه يصوّر الرد بالتاريخ ويوثقه مع إدارة المنتدى اذا كان ناوي يرفع قضية مستقبلاً)

ثانياً : لايحق لأي شخص اشترا منه سلعه المطالبه بالفارق المادي اللي هو حسب مافهمت 400 ريال.( بين البايع والشاري يفتح الله..لو أعرض فكسآر موديل 98 بـ100.000ريال محد يقدر يقول عني نصاب لأني أنا حر بمالي. ولو شرا مني أي شخص هالشي لايحق له استرداد المبلغ) وأتمنى التفرقه بين بيع الغبن والبيع الحر.

<i>ثالثا : لو إكتشفنا إن الزامل مثلا (انا اقول مثلا) لقينا فواتير شراء الجمله للزامل من الوكيل مثلا سعر السلعه 50 ريال