منتدى استراحات زايد - جولة في شارع الغرابي .. طلعت بالمزيون هذا ..

بسم الله الرحمن الرحيم

السلام عليكم ورحمة الله وبركاته ..

حياكم الله جميعا ..

في البداية كنت كتبت موضوعين عن مشكلتين واجهتني وماقصروا الأعضاء وساهموا معي في تقديم بعض الحلول والإقتراحات لي على هذه الروابط

مشكلة بسيطة قد تتحول إلى كارثة .. انتبه قد تقع فيها ..

والله ماعني وعن هالجهازين .. بس وين القاهم تكفون ؟؟

طبعا أنا توكلت على الله وأخذت بنصايح الإخوان وتوجيهاتهم ورحت للغرابي تحديدا لمؤسسة الشراع وأخذت من عندهم ماطور أبوجمل الأصلي .. طبعا الغرابي مايخفى عليكم أي شيء يخطر في بالك تلقاه عندهم أشكال وألوان ..
بإذن الله بيكون لي موضوع ثاني عن بعض الأشياء اللي شفتها هناك للفائدة ولرد الجميل للمنتدى هذا اللي استفدت منه أيما استفادة وللأعضاء الكرام اللي ساهموا في الموضوعين السابقة ..

..
نبدأ على بركة الله ..
طبعا روحتي كانت لحاجتين أساسية الماطور حق الهواء ودريل فك وربط على البطارية ..
وبتكلم الحين عن الماطور ..

طبعا الإخوان في المنتدى ما قصروا دلوني على مؤسسة الشراع ورحت لهم على طول ..
وما شاء الله لقيت اللي أبيه عندهم .. والحقيقة تعاملهم هناك ممتاز ورائع ..
لقيت أنواع كثيرة جدا للمواطير بستم والا بستمين وكبار وصغار شيء يخليك تحك راسك ..
بعد مداولات وتفكير أخذت هالماطور :
Camel desert edition
طبعا على البطارية 12 v
وزنه 4.4 كيلو
يعمل في 20 درجة تحت الصفر حتى 80 درجة
سلك الكهرب طوله حوالي 5 متر
والحين شوفوا الصور

صورة الكرتون :
http://www.m5zn.com/uploads/2010/9/2...9566rotm7u.jpg

الماطور في الشنطة الداخلية :
http://www.m5zn.com/uploads/2010/9/2...c3yn4evj1v.jpg

الماطور بجلالة قدرة :
http://www.m5zn.com/uploads/2010/9/2...1chjd0nex2.jpg

سلك الكهرب ..طوله 5 متر تقريبا يوصل من البطارية إلى جميع الكفرات بسهولة :
http://www.m5zn.com/uploads/2010/9/2...0ppia41997.jpg

مسكات البطارية ..حجمها كبير وتستحمل الجهد .. تقريبا نفس حجم الإشتراك أو أقل شوي :
http://www.m5zn.com/uploads/2010/9/2...iypswk5a8a.jpg

هذا صمام الهوا اللي في الهوز .. طبعا بعد التركيب يتم تثبيت الصمام في مسمار الكفر حق الهوا وأنسه وراقب معيار الضغط :
http://www.m5zn.com/uploads/2010/9/2...ffri0orzmb.jpg

وهذي فاتورة الشراء والضمان .. الضمان سنة .. وسعره 250 ريال عد ونقد :
http://www.m5zn.com/uploads/2010/9/2...7drz50aoe6.jpg

يا اخوان .. الموضوع أخذ مني تقريبا ساعتين ونص مابين كتابة ورفع الصور لقلة معرفتي في طريقة الرفع والتنزيل !
مكافأتك لي دعوة إن الله يرزقني بالذرية الصالحة ..