منتدى استراحات زايد - رساله الى ..........

[align=center]الســــــــلام عليـــــــــكم

لا املك اي مقدمات لأني لا اجيد حبكها

ولكن عندي ابيات متواظعه تعبر عن ما يكنه الخفوق

عسى وعسى ان تنال على الأستحسان

تقبلوا اطيب التحيات

اخوكم

سعيد الكتبي[/align]

[align=center]اذا ظفر حظي معك بالخير يامال الغنــــــــــاه
فوايدي تحسب معاك انجاز لو باعدهــــــــــــا

وان ماظفر بالخير لي طلبه من المولى عساه
يجيرني من ضيم الأيام وهموم تكدهـــــــــــا

والعبد لامنه عطاه الله يرضى من عطـــــــــاه
لو كان نفسه ودها ولا ماهوب بودهـــــــــــــا

في ساعتن فيها الرجل مايلتفت للـــــي وراه
نويت والنيه عليم الله بنية قصدهـــــــــــــــــا

أدفع طموحي فوق وانته كل مرفع مستــــواه
تهدم طموحاتي وتتجنا علي بهدهـــــــــــــــا

أن جان في خاطرك شين تبغي توصلي نـــباه
قد قيل كلمه تستحي منها فديتك بدهـــــــــا

خليتني بين الرجا والياس ضايع في هـــــــواه
والسالفه ما عدت اعرف مزوحها من جدهــــا

شاري شريتك بالعمر والحال والمال ورضــــاه
بايع مكانتك فوادي مثل ماهي بعدهــــــــــــا

يصير لمفارق لكن الغالي ما يرخص غـــــــلاه
مهما ابتعد رجعتة لو طال الزمن لابدهـــــــــا

وعشرت كريم النفس لي بالطيب ممدوده يداه
ماتنسى عند الذي ماكل وشارب ودهـــــــــا

ولا انا ياوجد حالي وجد من وقته رمـــــــــــــاه
أقولها لا لامست دمعة عيوني خدهــــــــــــا

أجرها مــــــوال واقلبها علــــــــــى ونـــه وآه
يلين تتطابق ظلوعي من حسايف وجدهـــــــا

عليك ياللي كل ماحاولت ابين له خطــــــــــاه
طلعتني غلطان والغلطه علي تردهــــــــــــا

هذا قصيدي لك وفهم من سمعه ومن قــــراه
بني عشيرن مات في حبك وميت بعدهـــــــا

هذا اذا حظي ظفر بالخير يامال الغنـــــــــــــاه
فوايدي طبعن معاك انجاز لو باعدهـــــــــــــــا

وان ماظفر بالخير لي طلبه من المولى عســاه
ايجيرني من ظيم الايام وهموم تكدهـــــــــــا[/align]

[align=center][align=center]والعذر منكم[/align][/align]