منتدى استراحات زايد - محال تصير في الدنيـا بشـر فـي داخلـه قلبيـنـ ..!!

انا ماشفت نفسي يـوم لانـي منخلـق مـن طيـن
ولو اسمـي وصـل عالـي بظـل الـي عرفتينـي

ولكـن لـلاسـف هـانـت لياليـنـا بغمـضـة عـيـن
وعلـى الفـرقـا اسبـابـك نـعـم انـتـي جبرتيـنـي

توصيتـي بطعناتـي وبعـد مــا تـنـزف السكـيـن
وقبل لا الفظ انفاسـي علـى نفسـي توصينـي!!

دخيلـك قلـبـي الـوافـي لاتخليـنـه ولا تطـريـن
وراس الـي تحبينـه تصـدي عـن مــدى عيـنـي

وصلتي حـق نهاياتـي وش اللي بـس بقـا تنهيـن
على مـا اظـن ماباقـي ولا حاجـه تحـس فينـي

مـدام انـك تحبيـنـي وبنـفـس الـوقـت ماتوفـيـن
ومدام انـك وفيتـي لـه وبنفـس الوقـت خنتينـي

وش اللي بـس تحسينـه اذا انتـي كنتـي تحسيـن
تحـبـيـنـي وتحـبـيـنـه ..تـحـبـيـنـه وتـحـبـيـنـي

حضنتي قلبي ونمتي وعلى صوتي انا تصحين
وإلا مـنــك تمـلـلـتـي تحضـنـيـنـه وتمـسـيـنـي

"محال تصير في الدنيـا بشـر فـي داخلـه قلبيـن"
تبينـه بقـلـب وفــي قلـبـك بـعـد قـلـبٍ يناديـنـي

انـا مابيـك لـو انـك علـى الفرقـا دهــر تبكـيـن
صعـب ارضـى بنـزواتـك ولوحـتـى بغيتيـنـي

ثـلاث سنيـن أو أربـع وكـاد انهـا كثيـر سنـيـن
بعـد هـذا العمـر كلـه علـى ايـامـي صدمتيـنـي

بعـد لاتنطقـي بكلمـه رجيـتـك اسكـتـي تكفـيـن
اخـاف انـك ان تكلمتـي خطـأ باسمـه تسميـنـي

واذا مــره ذكرتيـنـي مــع الايــام اب تنـسـيـن
ويبقـى لـك مثـل ذكــرى جميـلـه لا ذكرتيـنـي

كثيـر الـي يتمنونـك واكـيـد انــك تبـيـن تلقـيـن
وانـسـي يــوم مـــا انـتــي تمنـيـتـي ولقيتـيـنـي

انا وش جابني لدربك انـا ويـن وغرامـك ويـن
انـا اكبـر مـن عيوبـك وعيـب انـك عرفتييـنـي

وانسـى انـك ذبحتينـي وامانـه ادفنـي السكـيـن
وعلى قبري بدال اسمي ابـي كلمـة خسرتينـي

منقول ^^