اغْلِقْ جِهَازكْ بَعْد وقتْ مُعَيَنْ تِحددونـَه بنفسكُمْ و بدونْ بَرْنامَجْ السلام عليكم شحالكم أعضاء منتديات استراحات زايد اليوم يابلكم طريقة كيف تبدون الكمبيوتر بعد وقت معين بدون برنامج من هالطريقة تقدرون انكم تطفون جهازكم بعد مدة معينة و انتوا تحددونها بنفسكـــم وهالشي بدون اي برنامج !~ م: نفترض ان حد منكم يبا ينزل شي من موقع معين Download وهالـــ Download يباله تقريبا ساعة او اكثر على ما يكتمل وكنتوا مستعيلين و تبون تطلعون وتبون بنفس الوقت بعد ما ينتهي الــ Download يتبند الكمبيـــوتر بنفســه وتكونون متأكدين ان النت فصل و ان الكمبيوتر تبند بشكل سليم " م 2 : عندكم حد يستخدم لابتوباتكم او كمبيوتراتكم سواء كانوا ربعكم او الصغارية و تبون الكمبيوتر يبند بوقت معين / يعني يستخدمونه لفتره معينة انتوا تبونها ,,,, بخليكم مع الخطـــوات،،، http://www.alamuae.com/up/uplong/1175858669049822.gif 1- اول شي نروح لأبـدأ start 2- تشغيل RUN http://www.alamuae.com/up/uplong/22758591133663168.gif 3- نكتب الامر التالي في المربع الفاضي shutdown -s -t 3600 " مع مراعاة عدم ترك الفراغ ما بين هالكلمات ,,, 4- نضغط على موافــــق ملاحظـــة : الرقم 3600 يعني ساعة كامــلة وبهالمدة راح يتبند الجهاز روحه وطبعا تقدرون تزيدون المدة او تنقصونها على حسب ما تبون .. ملاحظة2 : المدة تحسب بالثواني -- يعنى الساعة 60 دقيقة و الدقيقة 60 ثانية -- يعني الساعة = 3600 ثانية -- واذا مثلا تريد بعد ساعتين يطفي الجهاز 3600×2=7200 بعد كتابة الأمر السابق وتنفيذه راح يظهر لكم مربع يقولكم كم بقى من وقت على اطفاء جهازكم بالساعة والدقيقة والثواني نفترض مثلا ان ردينا البيت من وقت و ما نبغي اللابتوب او الكمبيوتر يتبند وتبون تلغون الامر عسب تتابعون شغلكم http://www.alamuae.com/up/uplong/3375861266834987.gif 5- نروح مرة ثانية لأبدأ start 6- نكتب الأمــر التالي shutdown -a وبجي راح نلغـــي الــــ shutdown للجهـــــــــاز اتمنى انكم استفدتم من الدرس ,,,, وحياكم الله |
مشكور أخوي على المعلومة |
تسلم اخويه على الدرس.. ونترياا منك الزووود |
وعليكم السلام والرحمة تسلم أخوي ع الشرح والله يعطيك العافية ولا تحرمنا من يديدك |
تسلمَ اخـِوي ع الطريقهـَ .. اللهـِ يعطيكَ العافيهـَ لاهنتـُ |
الساعة الآن 01:22 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir