منتدى استراحات زايد - (( قوانـين الطبيـعه ))

قـوانيـن مـهمـة

أهم قوانين الطبيعة

& قانون الاصطفاف: إذا صاف في طابور بطيء وقمت غيرته ,, طابورك اللي غيرته فجأة يصير يمشي أسرع من اللي انت الحين فيه ..

> >

& قانون التلفون: عمرك ما تتصل على رقم غلط ويطلع مشغول ..

> >

& قانون التصليح: بعد ما إيدك تتزيت وتتوسخ من الشحم ودهن الماكينة ,, خشمك يبدأ يحكك ..

> >

& قانون المعدات: إذا طاح من إيدك أي شيء ,, تأكد انه بيتم يتـدحرج إلى أن يوصل لألعن مكان ما تقدر تطلعه منه ..

> >

& قانون الأعذار: إذا تأخرت عن الدوام وقلت لرئيسك أن كان عندك بنشر ,, اليوم اللي بعده يبنشر من صج ..

> >

& قانون المسبح: بعد وضع جسمك في الماء ,, يبدأ التلفون يرررررن وما يسكت ..

> >

& قانون الالكترونيات: إذا وديت الجهاز الخربان عند المصلح تبغي تراويه انه ما يشتغل ,, حزتها يشتغل أحلى كلام ..

> >

& قانون السينما: اللي حاجزين كراسي في النص لازم يجون آخر ناس ويدوسون على رجولك ..

> >

& قانون القهوة: أول ما اتيب لك كاس قهوة حـار ,, ايي رئيسك ويعطيك شغله و ما تخلص الا لما تبرد قهوتك ..

> >

& قانون المصادفات: إذا كنت مع واحد ما تبغي حد يشوفك معاه ,, فجأة كل اللي تعرفهم يطلعون من كل مكان ..

> >

& قانون الأقساط : إذا عندك سيارة أو طراد أو أي سلعة مطلوبة للأقساط ,, مجرد ما تنتهي الأقساط تخترب ..

> >

& قانون الزواج: بعد شهرين من زواجك ,, يسألونك ها في شيء بالطريـج ..؟؟

> >

& قانون نهاية الأسبوع: وأنت نايم يوم الجمعة في عز نومتك ,, تدز أمك أخوك الصغير يلعوزك لين تنش عشان الغدا ..

> >

& قانون المعاش: آخر الشهر لازم كل العزايم والهديا والطلبات تزيد (حبكت يعني)!!

> >

& قانون الطقس: لازم بنهاية الأسبوع وأنت حدك متحمس بتطلع حداق أو تروح البر مع الربع ,,
يصير الجو هوى وغبار وحر ورطوبة بمعنى ثاني { الفصول الأربعة } بيوم واحد ..

> >

& و أخيرا قانون البحث: إذا حبيت تدور شيء معين(ما تلقاه) ,, مع إنك كنت كل يوم تشوفه مجابل ويهك ..