تسولف لي عن الضيقه وانا كلي ألم وأحزان
 

تسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي


تسولف لي عن الضيقه وأنا عنوان للحرمـان
دخيلك لا دخيل الجـرح لا تكشـف معاناتـي


دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي


عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي


حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي


أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي


عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي


طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتـي


أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي


أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي


أكمل لك عن الضيقه اكمل لك عـن الأحـزان
تأكد لو بكمل لـك تصيـح وتطلـب سكاتـي

صح لساانـــج

وما شاء الله ع الابدااع الغااويه

ان شاء الله الى الامام دوووووم

اشكررررررررررررررفننننج ع القصيده الغاااااويه وصح السانج الشااعرة

والله يعطيج العافيه ونتظر منج زوود

كلمات فى قمة روعة

وتقبل مرورى

ماشاء الله عليج ابدااااااااع


يسلمووووووووووووووووووووو ع الطرح

صح بدنكم

ثانكس عالمرور الراقي

أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتـي

صح السـآنج

رووووعه ماشاءالله

ثانكسووو ع الطرح

و الله يعطيج العافيه

و لانحرمينااا من اليديد