اين اداب الصيد يا اخوان...وهذا ما حصل معي
 

السلام عليكم ورحمة الله وبركاته

نازل من السياره وادقس بصيد قميريه وخويي مخليه في السياره من بعيد ويجي واحد مسرع على السياره يسابقني على الشجره ويطيرها والمشكله معه ساكتون وبيصيد من السياره وانا معي نص ولاحقها من قبله اقسم بالله فار دمي
والثاني ماهو بعيد عنه انا رايح ادقس كلعادة لشجره ومخلي خويي بعيد شوي ومعي شوزن ام خمس ما ابي اضيع الصفارتين الي في هالشجره وامشي بالهون ومركز ومتجهز للصافري
ويجي راعي هايلوكس ويطيرها لا ومن زود البجاحه مسوي نفسه ما شافني ويوقف بعد يبي يصد من نفس الشجره وانا جاي رجلي قدامه والمشكله طارت وانا ملتفت عليه ابيه يوقف وانا مابيني وبن الشجره الا حول 17 متر ولا امداني ارمي بيني وبينها الشجره

انا لو اشوف واحد بيرمي دخله اوقف الين يرمي اذا انا حوله واذا بعيد عنه شوي امشي بالموتر على اقل من مهلي
لكن ماني عارف وش دخل هالخلق الصيد وهم ما يعرفون ادابه
اول لا شفنا واحد يمشي قدامنا في مزرعه دورنا غيرها او رحنا لطرف ثاني غير اتجاهه
واليوم العالم اذا شافوك تلحق شي سابقوك عليه
يا اخوان قبل كم سنه لاحق صفاريه في نخل وصلت لاثله وصادها واحد يوم شافني درى اني لاحقها قالي خذها انت الي سايقها طبعا من باب الادب وقلت لا والله ما ابيها بيرزقني الله والله الي ساقها لك

وسلامتكم