الغيت مع كل الهموم ارتباطي قصيدة روعة
 

الغيت مع كل الهموم ارتباطي***ولاني بغير مراود الصبر مربوط
وحطيت مابالنفس تحت المواطي***وسلكت خط(ن) يلتقي باربع خطوط
الحزم صعب ومركب العجز واطي***ولافيهن اللي يكتمل غير بشروط
ولاتكفي الهقوة عن الاحتياطي***عرفتها لكن عقب مانتهى الشوط
ولاني بلا مخطي ولاني بخاطي***لكن بلا في ذمة الغيب محطوط
لامن ركى ويله معه قلب ساطي***ويانفسي اللي صابها ياس وقنوط
واهديت بالبر الجميل اختباطي***وعز الله اني صرت بالصبر مظبوط
تصفعني الامواج مع كل شاطي***ورغم الظلام وهيبة البحر مبسوط