السلام عليكم ورحمة الله وبركاته

كل عام والجميع بالف خير

حدث حيرني وقهرني امس كنت متحرك من ابها متجه الى الشرقية مع العائلة
مروراً بوادي الدواسر طبعاً عبيت بنزين في ابها وقلت ماراح اعبي مرة ثانية غير في الوادي واتفاجاء لما وصلت الوادي حوالي الساعة 11.00 صباحاً جميع المحطات مغلقة
وللاسف كان ماعني بنزين يوفي معي الا حوالي 80 كيلو واصلت طريقي ومريت على كل المحطات الي في الوادي على الطريق العام وكلهم مسكرين حتى الي برة الوادي بطريق السليل مسكرين السيارة ولعت اللمبة حقة السيارة وعشت في قلق خوف تطفي ومعي العايلة والجو حار ومعي ولدي الله يحفظه رضيع مايتحمل الحرارة لو طفت السيارة بعدها مالقيت الا بعد ماوصلت اطرف السليل
حصلت الهندي موجود وترجيته يشغل البمب يعبي لي بنزين قال بابا الان صلاة قلت يابن الناس الصلاة خلصت من خمس دقايق وانا بسفر صليت قصر وجمع بعد ما اغريته بزيادة المبلغ وافق يعبي


سؤالي هنا مالسبب الي يخلي جميع المحطات تسكر يوم العيد وهي تقع على خط سريع ؟؟؟ >> اتمنى احد من اهل ذيك المنطقة يفيدنا؟

ثانياً ليش اهل الوادي يوافقون اصحاب المحطات باغلاقها ولا يعترضون عليهم ويجبرونهم على العمل يوم العيد حتى لاتتعطل امورهم لاني كل محطة امر فيها الاقي اثنين ثلاثة يبحثون عن بنزين وسياراتهم مصفرة ويعانون مساكين من هالامر وكل واحد مستعد وكاشخ بيعيد ويظطر للوقوف بسبب البنزين

واخيراً من وجهة نظري اغلاق المحطات الي هي شريان للمسافرين واهل الوادي في مثل هذا الوقت اعتبره قرار وتصرف ينم عن غباء فادح وحمق كبير.


وسلامتكم