مساكم الله بالخير أخواني وأخواتي

هذه قصيدة غزلية للشاعر منصور الدرين اتمنى تعجبكم كما اعجبتني:

ياويل قلبي على من هو سكن قلبي وياويل فكري على من هو سلب فكري اللي تعلق بطيبه قال أنا وش بي واللي تدهور بحبه مارقد بدري صحيح هو داخل القلب وتلاعبي يلعب بقلبي مع افكاري ولا يدري ذاك الغزال السمين اللي نصا دربي من قبل أشوفه وهو دايم على صدري البرق يبرق شمالي والهوا غربي والمشكله طالبينه والنقل حصري عزي لمن هو خضر قلبه خضر عشبي إن كان صاحبه لابايع ولايشري الحسن فيها ولافيها ولا سلبي أم الجمال الهنوف وحبها عذري أخلاقها زادت البسمات في قلبي أقول تحت أمرها وتقول تحت أمري ياليت حلم الزمان الزين يرجع بي ونعيش سن الطفوله كبره وكبري شف عيني اللي تناعس ماتغمض بي وعظامي اللي تراعش كل ماتطري ما أقول غير الله الكافي وهو حسبي يلطف بحالي ويجزيني على صبري

وسلامتكم .~