منتدى استراحات زايد - [♥ قالو ترى ♥] > مالكـ امل في قربـ ـ ـ ـ ـها لو يوم <

©

.

.

♥♥ الســ ـ ـلام عليــ ـ ــكم ورحـ ـ ـمة الله وبركاته ♥♥

بعـ ـــ ــد نجاحـ ـ ـ ـ ــي و انشـ ــ ـ ـ ـالله يسـ ـ ـ ـ ـتمر فـ ــ ـي قصـ ـ ــ ــ ـة

>>تدرى ويش يغيـ ـ ـ ــ ض الرجل في هوى البـ ـ ـ ـنت <<

ولان نهايتها قـ ـ ـ ـ ـربت فاحبيت انزل قصتـ ـ ـ ـ ـي الثانيه وهيه بعنـ ـ ـ ـ ـ ــوان

[♥ قالو ترى ♥] > مالكـ امل في قربـ ـ ـ ـ ـها لو يوم <

الروايه او القصه بالاحـ ـ ـ ـ ـ ـرى تحكي عن الثقه »

..¦¦.الثقه¦¦ الي كل حد يمـ ـ ـ ـوت و لا يضيعها ♥ ( )

وكل انسـ ـ ـ ـ ـان لازم يثق في الثاني عسـ ـ ـ ـ ب يحبه {♥}

و تشد الاحداث بحــ ــ ــ زن مؤلم و سعاده تفــ ـــرح و تغامر بالشجاعه و الثقه بالنفـ ـ ــ ـس ()

تتحارب بجانب فقير و جانب غني ♥♥

تتصــ ــ ــارع بين (الحب) و الكره بين الحــ ــ ــ ـقد و المحبه بين السعاده والحزن

واخيرااا بين الواقع و الخيـ ــ ــال ♥♥

تصف بعض حالات مجتمـ ـ ـ ـعنا الي عايشين فيه وبين بعــ ـ ــض شباب هال ايام وبنات هالايام ()

رواية القصه بتكـ ـ ـون غير عن القبلييييـ ـ ـ ـه يعنـ ـ ـ ـي مابتكـ ـ ـ ـون بحكاية البطـ ـ ـ ـ ـ ـل♥

فيها حب وماعتقد الانسان يعيش بدوون الحـــ ـ ــب ..♥ ! !

وطبعن قصـ ـ ـ ـتي فيها اكشن شووويـــــ ـ ـ ـه و مابحرمكم منها ♥ ()

وانشــ ـ ـ ـ ـاللله تنــــ ـ ـ جح القصه و بمشاركاتكم الحلــــ ـ ـوه ()

♥♥الجزء الاول ♥♥
.

.

الامارات وايد وسيعه والشيوخ ماقصروا فيها

في انحاء الامارات و خاصه في العاصمه بوظبي

في عاصمة بوظبي حيث كل الكل عايش بامان

في وحده من اكبر بيوت في ابوظبي و اوسع بيوت

قاعد بطلنا منصور في غرفته في واحد من لاباته عالنت

بعرفكم علا بطل القصه

منصور ولد عز يعني تربى طول عمره في عز وكل شي يريده ياخذه
تعود بهل عاده يوم كان صغير بس يوم كبر تغير كل شي ابوه توفى و على
الحسبه هوه اكبر واحد فالبيت اهتم بدراسته اول شي تخرج من احسن الجامعات
و الحين شتغل صح الوالد ماقصر و حط لكل عياله بيزات في البنك يكفن قرن بس هوه
البووس يعني فالبيت يهتم فكل حد يحاول يرضيهم يحاول يحسسهم بالحنان الي فقدوه من ابوهم
يحاول انه مايحتايون شي و من هوه 18 تحمل المسؤؤليه عن البيت واخوانه وامه و ها همه الكبير
انه يخيب ظن ابوه و ابوه موصنه عليهم ومابا يكسر المسؤليه ويحس عمره مب قد المسؤؤليه ..
♥

منصووور شخصيه شجاعه مثل كل ريال يتصف بالمروه يعطي الخير للناس يتمنى الخير لكل الناس
انسان حنون وطيب ويا اخوانه ومايحب الظلم و هوه قوى مب ضعيف منصور بطلنا عمره الحين 23 سنه
يشتغل في شركة ابوه كمدير الشركه و يهتم بامور الشركه و ماغيرها من ابوه توفى و من غير يهتم بالبيت
و امه اهم شي عنده فالحياه يبا يحسسها انه البيت عقب وفاة ابوه نفس الشي يعم بالافراح و السعاده وامه ماتقصر
منصور عنده 5 اخوان و اخت يعني متربى وياهم وهوه السادس بعرفكم على كل واحد منهم .
♥
امه اسمها عايشه من مات زوجها وهيه همها تربي عيالها تربيه صحيحه وفرحانه بولدها وايد لانه قد المسؤؤليه
بس ماتبا تبين له هالشي وايد عن يخليها العيوز الله يسلمكم تحب الاكلات الشعبيه البيت دوم متروس اكل و ماتقصر
في العزايم و الزيارات و كل الي يدش البيت يشم الريحه يقول بيت عز البيت كله دهن عود و روايح حلوه و ماتخلي
اكل مايسونه مع ذالك تحب تطبخ الاكلات الشعبيه وعيالها يموتون في اكلها تعطي كل الحنان الازم لعيالها بس منصور
تعتقد منصور مب فاقد حنان لانه قد المسؤؤليه ولازم يتم مسؤؤل .
♥
زايد اخو منصور الي بعده عمره 21 انسان كله همه يضحك ويسولف وهوه الي يخرش البيت ويا منصور طبعاا يحب يخلى
الكل يضحك و الكل يستانس مايحب يتم حد متكشر اما عن حياته المهنيه هوه في الشرطه رفض يشتغل ويا منصور لانه يبا
يعتمد على عمره و الى خلا منصور يفرح وايد عشانه بس هوه شوي شرطي مغازلجي صح انه مايغازل بس وايد يتغزل بامه
ويسولف وياها انه يغازل وهزاب طول الليل من ناحية الجمال كان زايد جماله طبيعي عيونه مرسومه و عاديات لا كبار ولا صغار
و لا ابيض ولا اسمر خشمه طويل و شعره ناعم كالباقيين طويل شوي وجسمه عادي يحب وبتعرفون سالفته.
♥
عنود البنت الوحيده الي في العايله وهيه اكبر هم منصور منصور مايبا يحسسها بالوحده لانها كانت دلوعة الوالد عنود انصدمت
بموت الوالد بس منصور حاول انه يخليها تتفهم الحياه ونجح عنود متروس قلبها طيبه يعني تحب الخير للناس بس الي يشوفها يقول
انها خقاقه و شايفه عمرها من جمالها عنود كانت وايد حلوه عيونه وساع و سمارها سمار بدوي و شعرها اسود فحم وشايففها شوي كبار وناعمات و جسمها كان ضعيف شوي بس يناسبها عمرها 19 سنه وهيه تدرس في جامعة زايد 3 سنه الها وكما هيه البنت الوحيده كل
شي عندها يعني مب ناقصنها شي مثل كل بنت وهيه تحب الربشه شوي ودوم ترتبش ويا اخوها زايد و اكثر ويا تؤامها .
♥
حمدان هوه تؤام عنود شو اقولكم عنه هالانسان تقولن عنه الي على قلبه علا اللسانه عنوانه في الحياه مقدر اجامل يعطي في الويه
يحب يسوي مشاكل وهوه اكثر شي مشاكل في البيت يعني مايمر شهر الا ومشكله يديده هوه مايحب الدراسه ويبا يشتغل في الشركه
بس منصور قايل له اتخرج و بشغلك و هوه طبعن دوم شردات من الكليه و يدخلونه مرات بواسطه مرات مايدخلونه و هوه علا قولت المثل نور البيتل يعني يسوي جو قوي فالبيت صح زايد يضحكهم وجيه بس حمدان مب بس يضحك حمدان يطنز ويسولف و يخلي الكل يهتم فيه يعني يسوي حركه فالبيت مايخلى حد ملان لازم يسوي اكشن صح تقولون شكله مغازلجي هوه مب مغازلجي بس يحب يطنز عالبنات الخايسات الي فالمول يعني يطنز عليهم يوم يمشن وجيه و عن جماله كان هوه غير عن كل اخوانه واخواته كان ابيض وبياضه مب اي بياض بياض حلو يليقله وهوه ثاني بطل في القصه ماكان نفس جمال منصور بس كان حلو و هوه شوي خقاق .
♥
راشد عمره 16 سنه بس عقله عقل واحد 30 سنه يعني مطوع مايحب الغلط كل شي يحبه صح صح يسمع اغاني بس مب وايد شرات اخوانه يحب الخير و يحب يدرس دحيح كتبه كله همه دراسته وعبادته مايفوت فرض ماشالله عليه و دوم ينصح البيت باشياء وناوي يدش
محاماه يحس عمره قادر يدافع عن حقوق النفس وفخاطره يدش و دوم شاد حيله فالدراسه راشد يسمونه نسخه من زايد اخوه يشبه يعني جماله عادي هوه فالعمر مراهق بس عقله مب مراهق ودوم منصور يثق فيه اكثر عن اخوانه كلهم يحب امه وايد وبارنها و دوم يقعد وياها وطيب ويصدق كل شي بسرعه يعني يخبرونه سالفه يصدق و محبوب بين ربعه الزينين و فالبيت له طعم خاص اي حد عنده مشكله يروح عنده و يخبرهم ويرتاحون عنده وخاصه امه تحب تروح عنده كل جمعه و تقعد وياه قبل الصلاه ب 3 ساعات يسمعلها القران يعني انسان مطيع لربه بس كل انسان له مشكله يعني غلط يسويه وبتعرفون غلطه قريب انشالله.

♥
سيف عمره 14 سنه و هوه يعتبر مراهق وتوه دش المرحله وايد متاثر بموت ابوه ومنصوور يحاول يخفف عنه بس متاثر سيف كان ويا ابوه فالحادث عشان جيه متاثر وايد و هوه دومه عالنت و اللعاب وهوه متواضع ويا ربعه يعني واحد راهى شراته يرابع راهين لا هوه يرابع ناس عاديين ويحبهم عكس اخوانه مايحب الخقه يحب يكون بسيط مايحب يطلب فلوس وايد وهالشي مخلى منصور يحس انه ناقص شى سيييف نسخه كوبي بيست من منصور نسخه منه بس مصغره هوه فالدراسه مب زين وايد يعني علاماته مب زينه لين هناك ومحد يضغط عليه لانه وايد متاثر بابوه يعني مايضحك وياهم وايد دومه عالنت بس يضحك ويا ربعه و اصدقاءه وكان صغير يوم توفى ابوه.
♥
محمد اصغر واحد و دلوع البيت بكبره و خاصه منصور يدلعه وايد ويطلعه و ام منصور دوم وياه و مب مخلتنه روحه يعني دوم ويا امه كله ماتطلع وياها دلوع امه و منصور مب مخلى لعبه مب ماخذله و ثيابه كله ماركات و كل شي يباه ياخذله اياه و مدخلنه احسن مدارس بوظبي ومحمد يشبه العنود و هوه عمره 6 سنوات وماتاثر بموت ابوه وايد لانه كان ياهل يوم توفى ابوه فهو عادي عنده و همه يلعب بس و وايد يصيح ودلوع ويحب حد يدلعه ويقوله انت حلو يستانس و اللسانه قوي شوي يعني يرد مايعطي ويه ومايرمس عدل ويوم جد يعايب عليه يتم يصيح .

♥
هاي عايلة منصور و البيت طبعن عود و مايقصر بقولكم كيف كان البيت كان 3 طوابق من كثر هوه كبير كل واحد عنده غرفه و الغرفه كبيره وايد يعني فيها صاله و فيها تلفزيون و غرفة ملابس عوده وعندهم 8 غرف و اقسام زياده لغرف الضيوف و في طابق تحت الارض وها الطابق نصه فيه حوض داخلى و سونا و غرفة بخار و غرف تبديل و النص الثاني غرفة اللعاب لمحمد وسيف وكلها اللعاب اللعاب ماتتصورها العين و كان البيت فخم بيبانه فخمه وكان عندهم حوي عود انا ماقول انه اكبر بيت بس من البيوت الكبار وحويهم كان عود و مليان ورد وشير وخاصه شي نخل للعيوز تموت فيهم وشي كان حوض خارجي وحوض يهال و السياير كانن وايد للبيت
كان شي سيارتين وحده ستيشن وحده مرسدس و منصور عنده 3 عنده رنج روفر حمرا و عنده اس ال ار و عنده فراري و كل من اخوانه عنده سيارتين زايد عنده نيسان وعنده اكس فايف سوده و حمدان عنده بورش كايين و عنده بي ام كان الحوي متروس سياير عندهم ميلسين ميلس للحريم وميلس للريايل و ميلس الريايل دوم مفتوح و يكون فيه شباب و الاخوان يتيمعون فيه دوم
♥
مارمسنا عن جمال منصور .. منصور جماله بدوي هيه بدوي الخشم سيف والعيون وساع والي يفرقه بينه وبين اخوانه عيونه عسليه طالع على امه شعره ناعم نفس كل اهل البيت لحيته دومها مرتبه و رموشه كثاف بدرجه فضيعه و يبين انه متجحل و كل من الى يشوفه مايخوز عينه منه منصور جماله جمال ريايل وبدوي و اسمه يهز الميالس و كل ريال يتمنى ولده يظهر نفسه متحمل للمسؤؤليه وهوه في سن صغير وايد منصور من النوع الكتوم مايخبر اي حد بس شخص واحد وبتعرفونه فالقصه ..
♥
نرد للقصه وبتعرفون الشخصيات الباقيه من القصه

منصوور: ياربيه متى بدش اااااف الساعه الحين 8 و هيه قالت ادش بس مادشت خلني اشوف منو اونلاين اف محد كيف بترياها الحين يارب بصبر شو بسوي.

[ فتحت وحده من السدات و كانت متروسه حلاوه انا مدمن حلويات اموت فيهم بطلت لي باتشي وكلته ]

منصور: خلني اجيك مرثانيه يمكن دشت

العنود: منصور افتح الباب شويه طق طق

منصور: لحظه عنودي

منصور [ فتحت الباب وشفت اختى وهيه شاقه الابتسامه و منزله راسها تترياني افتح الها الباب ]
العنود[ رفعت عيني وشفته اخوي الجميل الله يخليه اللنا]

منصور: هلا العنود بغيتي شي
العنود: هلا منصور لا مابغيت شي بس تعرف انا ملانه شويه ابا اطلع
منصور: وين تبين تروحين فديت روحج
العنود: ماعرف والله ابا اروح شوبينق نزلن شنط يداد في ال في و ابا اروح اخذهم
منصور [ابتسمت ]: من عيوني هاي قبل عيوني هاي كم عنودي عندي
العنود: تسلم فديت روحك [ حبيته على راسه]
منصور: بس هاه خمس دقايق و ان ماجهزتي بروح عندج تعرفين ماحب اتريا
العنود: شويييييييييييييه 5 دقايق
منصور: انزين يالله بسرعه بسرعه
العنود: اوكي [ فديت اخويه والله دومه يحبنا نكون مستانسين]

[ دخلت الغرفه وفجيت المسن مرثانيه مالقيت حد اون لاين وخاصه الي اترياهم سكرت المسن عسب اروح ويا العنود المول ماحب اكسر بخاطر اختى يمكن الاخوان مايحبون يظهرون اخواتهم بس انا احب اظهرها وايد ]

[ شفت عمري بالمنظره الي يشوفني يقول هاذا سعيد ومستانس الفلوس ماتيب السعاده انا ناقص حنان اميه ماتفهم محد يفهم غيرها هيه الوحيده الي تفهم !! ]

لبس منصور كندوره سوده و غتره حمرا و حط العقال الاسود كان وقت الشتاء و منصور لازم يلبس على الموضه راح و تعطر بعطره المفضل [ Narciso radregoze] اتسبح فيه تشبيه بالمعنى و حط دهن العود عخشمه السيف و رد شاف عمره فالمنظره شاف عيونه قال وهوه يتنهد :

منصور : متى بيشوفون الحزن الي في عيوني متى ليش ماتقدرون تفهموني

.. طق .. طق .. طق

[ رحت وفتحت الباب شفت العنود اختى كانت لابسه عباه بحرينيه و شنطة ال في عوده وحاطه ميك اب خفيف ونعال ال في يعني مب معنقشه ولا شي ]

العنود: خلصت شو رايك فيني

منصور : هههه خسفه

العنود[ بوزت ] : افا

منصور: لا لا حلوه طالعه على طبعن

العنود: اكيد منو شراتك يالغاوي يالله عيل سارينا

منصور: صبري بلبس نعال

[ لبست نعالي الي من فندي ]
.
.
[فتحت الباب مراثنيه شفت عنود تتريايني و هيه قاعده ]

منصور [ ابتسمت ]: يالله قومي

العنود: يالله سرينا

[ رحنا وركبنا السياره و حطيت الغنيه الي دوم احبها ( لو تشوف ) مل ميحد صدق بدوي ]

منصور: الزمن تطعني سيوفه وين بالقى درعي الواقى

عنود: الله عالصوت اخويه

منصور: تسلمين والله

[وصلنا المول وتحوطنا انا وعنود و ماخلينا محل الا وخذت فيه في قسم الماركات ]

منصور: عنود بس تعبت

عنود: اخر محل منصوري اوكي انتارتاح اهنيه فالكرسي

[ كان الكرسي وحذاله وايد كراسي تميت قاعد اتريا عنود رفعت راسي اشوف شلة بنات يطالعوني ويضحكون صدق
قلة ادب والله وين اهلهم عنهم لفيت ويهي شفت وحده شكلها تعبان وماسكه اكياس وايده و يالسه تمشي حسيت ريلها
تعورها قعدت عالكرسي الي قريب مني بس مب وايد كانت تهوس على ريلها شفتها ومغمضه عينها حسيت انه صدق
تعورها ريلها قعدت و كانت شاله كم كيس من محلات عاديه ومن كارفور تمت قاعده وتطالع عالارض استغربت اكثر منها
كانت البنت بسيطه غير عن البنات الي اشوفهم فالمول عباه عاديه ساده مسكره و شيله ساده و شنطه خفيفه وناعمه وماكانت
محطيه اي شي في ويها اول مره اشوف جي يعني بنظري انا خليت البنت فحالها وماشافيتها غضيت البصر عنها وشفت عنود
يايه وماسكه الكيس شكلها خلصت ]

عنود: منصوور انا يوعانه

منصور: امم وين تبين تاكلين

عنود: ماكل فاست فود تعال نروح بيل
ا
منصور : اوكي

عنود [ انا صدق مالى بارض اكل فاست فود خلنا عالمطعم]

[ كلينا ثنيناتنا وردينا البيت و قعدت عالمسن اترياها تميت اتريا واتريا حطيت راسي عالاب ورقدت ]

ترن .. تررررن

[ حسيت بشعور يهز الشاشه قمت بسرعه وشفتها دخلت ]

قلبي رهيف : السلام عليكم

قلبي رهيف: وينك

سيد المزايين: هلا والله

قلبي رهيف: اهلين والله ساعه لين مارديت

سيد المزايين : اسف خذتني النومه

قلبي رهيف: امم خلاص ماعليه بخليك عيل

سيد المزايين: لا شمسه ويت تمى انا اصلن كنت اترياج ماعرف منو قال بيدش 8

قلبي رهيف: سوري والله خالد ماكنت ابا اخلف وعدي بس تعرف ظهرت لي ظروف

سيد المزايين : لا ماعليه شحالج؟؟

قلبي رهيف: الحمدالله وانت شحالك

سيد المزايين: والله ماعرف شو اقولج

قلبي رهيف: خالد شو فيك حد مضايقنك ولا شي

سيدالمزايين: ماعرف ضايج وايد احس عمري بروحي فالدنيا

قلبي رهيف: ليشش تحس جيه؟؟ وين ربعك وين اهلك

سيد المزايين: انتى تعرفين اني اكبر واحد انا مسؤؤل عنهم ماريد احسسهم انى مب قوي و احس ربعي كل ماقعد وياهم
بعد اضايج والله انتى تخففين كل الضيجه .

قلبي رهيف: تسلم والله .. اممم انزين قولي من شوه الضيجه

سيد المزايين: ماعرف والله لو عرفت قلتلج

قلبي رهيف: حاول شووويه تسلي من نفسك

سيد المزايين: حمدالله دشيتي الحين بسولف معاااج

قلبي رهيف: ويا ويهك انزين تخيل اليوم شو استوى

سيد المزايين: شوووووه استوى

قلبي رهيف: ههه بنت عمي قالتلي اونه قومي نتحوط قتلها اوكيه رحنا تحوطنا ورحنا المول واونه تباني
اركب في عربانه كارفور جان هيه تنط و كل البتانيه يطالعونها جان ترد تطلع وقالت اونه فشله والله .

سيد المزايين: هههه جان نطيتي انتى

قلبي رهيف: ودي انط بس مالى شجاعه

سيد المزاين: خلج قويه شمسوووه جيه راوينا عضلاتج

قلبي رهيف: هههههه ويا ويهك

....: سارووووووووووووه سارووووووووووووووه وصمخ فجي الباب

قلبي رهيف: لحظه خلود برد على اختى تباني

سيد المزاييين : عراحتج تيت

ساروه: هاه هاه كسرتي الباب شو تريدين

عليوه: اختى العزيزه بما انى ملانه ابا اسولف وياج شو تسوين

ساروه: ماسوي شي عالنت بعد شوه

عليوه: اوووه كله مجابله النت

ساروه: وانتى شو يخصج ابلعى ويهج واطلعي

عليوه: ههه كيف ابلعه

ساروه: ماعرف تعلمي من اختج

.

.

[ عرفتوها بطلتنا بطلتنا اسمها ساره الله يسلمكم ساره بنت مثل ماتشوفون خريش شوي بس مب وايد ساره بنت عاديه
وعايشه في بوظبي مستواها عادي يعني لا فقيره و لا غنيه ساره مثل ماتقولون وحده من تقعد وياها ترتاح نفسياااا
تشكيلها كله همومك و تناقش وياك وترتاح دوم يوم ترمسك تنجذب بسرعه لرمستها هيه تحاول تخلى الناس بدون هموم
شعارها فالحياه عيشوا حياتكم و شعارها الثاني حياتكم ماتسوى كل هالزعل ودوم جي يعني تحب ترتبش دوم وكتومه
بس هيه ماتخبر حد تخلي كل شي في قلبها صح ماعندهم فلوس بس عايشه حياتها و سعيده هيه ماتحب حد ولا مخطوبه
ولا معرسه كل ماي حد يخطبها ترده تبا تكمل دراسها هيه في جامعة زايد تدرس تغذيه و عمرها 19 سنه 3 سنه جامعه
تحب تعتمد على عمرها في كل شي ماتعتمد عالغير عندها سياره بسيطه بي ام و هيه تسوقها من غير سيارة البيت اهلها
ناس عاديين يعني هيه تلبس ماركات بس ماتاخذ وايد يعني تنوع ]

[ ساره من ناحية جمالها كيووت تقدرون تقولون عنها عندها بيبي فيس وهيه لا بيضه ولا سمره عاديه شعرها مب ناعم وايد
شعرها عادي ولونه كستناءي فاتح عيونها بني و شعرها يبرز لون عيونها شفايفها صغار وشوي فيهم احمرار عيونها عاديه بس
حياتها مرسومه رسم جسمها عادي لا دبه ولا ضعيفه بس مليانه شوووووي وطالع حلو عليها انا مابقولكم انها حلوه بس هيه
بنت عاديه من ناحية العايله ساره ترتيبها الكبيره عندها 3 اخوات و اخو واحد بس و ربيعتها العنود الروح بالروح ]

ام ساره [ انسانه في منتهه الروعه طيوبه وايد و بسرعه تخاف على عيالها وحليلها على نياتها يعني توافق على كل شي ساره
تقوله تسمع شور بنتها ويظهر صح ام ساره تحاول تربي عيالها تربيه صح وها همها العود وهمها الثاني المزرعه والحلال والهوش
لازم تشوفهم كل اسبوع و الشيبه طبعن مايقصر وياها]

بو ساره [ انسان يحب الخير لناس محد سمع عنه شي مب زين يشتغل مديرفي وحده من الشركات عنده كم من بيوت اجار و يحب
عيالها موت ويحاول مايقصر فيهم بشي بس عياله متعودين مايطلبون وايد يحب ساره ومدلعنها و يعطيها الحنان الللازم ]

مريم [ اخت ساره وهيه بالمرتبة الثانيه هيه وايد قوية عين بالنسبه لساره يعني ويها بعد لوح وتلاسن وايد لسانها يوصل وتحب شي
اسمه ربشه تعشق الربشه عمرها 18 سنه اخر سنة جامعه ماشالله عليها دحيحه اتيب 95 وفوق و هيه احلى وحده تعتبر مناخوانها
كلهم عيونها وساع و هيه سمرا و خشمها سيييف شعرها انعم شعر فالبيت يعني شرات الفلبنين و صابغتنه بعد بني على احمر و بارز
لون عيونها العسليه وطالع جنان عليها تحب تضحك وتخبل بالخلق وخبله مرات يقولونعنها من سوالفها تقعد وايد ويا ساره ودوم ويا
بعض هم ]

عليا[ اخت ساره الثانيه وهيه بعد ملسونه بس رومنسيه بدرجه محد يتصورها تحب الرومنسيه وتقرا قصص وايد و تحب تسوي
شي يلهيها عن الملل ماداني الملل عن جمالها فهيه تشبه مريم بس مريم احلى عنها بوايد وهيه عمرها 15 سنه تحب تقصص في
ساروه مرات ودوم يضاربون بس يردون يتصالحون ]

جاسم [ ولد الوحيد في العايله مدلعينه بس مب وايد الي يشوفه يقول اكبر عن عمره يصلي ويصوم يعني وايد ويحب يحافظ على
صلاته ساره دوم اطلعه وتوديه اي مكان يبا يسيرله و يشتريله الي يباه يحب بعد يلعب سوني وهالسوالف عمره 14 سنه وربيع
سيف الروح بالروح ]

روضه [ دلوعة البيت عمرها 4 سنوات بالضبط ماشالله عليه اتجنن و خاصه يوم ترمس الكل يتم يضحك ويحبها ويها بعد
لوح ظاهره شرات اختها مريم بس بدلع ترد دلوعه وايد و مايرفضولها طلب خاصه ساره]

المهم نرد للقصه ..

..عند منصوور ..

[ بلاها تاخرت ياربي خلني اترياها شوي ]

..نرد لساروه ..

ساروه: اقولج روحي عند مريوم انا مب فاضيه الحين

عليوه: اوهوه انزين

ساروه: باي سكري الباب

[ عليوه دوم جيه ونحن متعودين مب انه نكره بعض بس متعودين جيه يلست عالنت ]

قلبي رهيف: باكـ

سيد المزاين: احلى ولكم

قلبي رهيف: تسلم والله سوري تاخرت

سيد المزاين : لا ماعليه

[ بقولكم عن علاقة خالد وشمسه الي هم ساره ومنصور منصوور كان عمره 18 قبل موت ابوه كان يحب يلعب عالبنات كان
يضيف ايميلات بالهبل بنات عنده هكر ويهكر فجاءه في يوم يته اضافه استغرب منوه هاي وهاي كانت ساره ضايفه ربيعتها
وظهر كاتبه الايميل غلط ]

... قبل عدة سنوات ..

قلبي رهيف: السلاااااااام عليكم

سيد المزايين: وعليكم السلام

قلبي رهيف: شحالج عاشوه

منصور[ هههه تتحراني بنت خلني اكمل وياها صيده حلوه هاي ]

سيد المزايين: اهلين شحالج منوو؟؟

قلبي رهيف: منو يعني شمسووه ( تطنز على دريولهم اسمه شمس )

سيد المزايين: هلا والله بشمسه عرفتج والله شحالج

قلبي رهيف( خلني اللعب عليها تتحراني شمسه ) : هلا والله

سيد المزايين: شحالج والله من زمان ماشفتج

قلبي رهيف: حتى انا تولهت عليح

[ تموه جيه لمدة شهرين بلضبط منصور عيبته سوالف شمسه الي هيه ساره وماحب يهكرها بس كل شي اختلف من مات ابوه
حس عمره روحه فالدنيا وله حمل ثجيل واعترف لساره صح ماطاعت ترمسه بس ساره من شافت همومه ماقدرت تخليه روحه حست ا
انه بحاجه لحد يرمسه و هوه ما كان جدامه غير ساره تم يرمسها و ساره تمت ترمسه وتهديه و حس براحه وصارت
ساره كنز اسراره كل مايضايج يشكيله همها و هيه تريحيه صارت له راحه يحب يسولف وياها كل يوم وان مر يوم ماسولف وياها
اضايج و دوم يخبرها عنه بس هوه نادم انه ماخبرها اسمه الصدقي وساره كانت تحس براحه وايد وياه بعد كانت ترمسه بكل شي وهوه
يشاورها يقولها الي تسويه غلط وصح مثل الجامعه وهل سوالف كان يطرشلها بحوث واشياء ويساعدها فالدراسه ويهدي نفسيتها يعني
ساره و منصور كانوا اكثر من اخوان ويا بعض دوم ويا بعض في المسن لمدة 5 سنوات بالضبط و هالشي خله منصور يتعلق بساره وساره تتعلق بمنصوور درجه فضيعه ماتتصورها العين وهوه كل مايفتح سالفة التلفون ساره تزعل وماترمسه عشان جيه مايفتحها ]

قلبي رهيف: ها خلدوووه شو يومك كان اليوم ملىء بالمغامرات

سيد المزايين: دخيلج لا تضحكيني

قلبي رهيف: افا ليش

سيد المزايين : كان ملل بعد مارمستج اليوم رقدت وقمت الساعه ثمان وتريتج مادشيتي طلعت اختي وياي المول

قلبي رهيف: اها .

منصور [ ياربي كيف افتحلها السالفه الحين اخافها تزعل بس انا بكون فالقنص وابا ارمسها يارب يارب فرجها لي يارب ]

سيد المزايين: شمووس

قلبي رهيف: هااه

سيد المزايين: امم ممكن طلب

قلبي رهيف: امر

سيد المزايين: عادي ارمسج بالفون

قلبى رهيف: انت تعرف راي بهالموضوع

سيد المزايين: بس والله لي ظروف بروح شهر القنص و ماقدر مارمسج ومناك ماشي نت تعرفين والله ماقدر مارمسج شمسه افهميني انا بعد

قلبي رهيف: خالد انا ماقدر والله انت تعرف انا روحي اخون ثقت اهلى كيف تباني اسوي جيه اكبر عن الى اسويه

سيد المزايين: شمسه نحن نعرف بعض من 5 سنوات صح شو الي بيخليني اسويلج شي انتى تعرفيني اكثر من كل انسان يا شمسه
تعرفين انتى اكثر وحده و شخص فالعالم اسولف وياه كيف تبيني اسويبج شي خايس ثقى فيني صدقيني شهر والله انتى ماتحسين انا
ابا ارمسج انا اضايج يوم مارمسج يا شمسه انتى صرتي جزء في حياتي ماقدر اهده

قلبي رهيف: مستحيل خالد مستحيل ارمسك انا بعد بتوله عليك

سيد المزايين: اذا بتتولهين على قولتج جان ماقلتى مابترمسين اعرف ساره انج انسانه زينه انا واثق منج انج زينه و انا مب شرات ثاني الاولاد شمسه نحن مبينا صداقه وانتى تعرفين هالشي صح بس شكلج ماتبين ترمسيني

قلبي رهيف: خالد لا تزعل بس انا مابا اسوي شي واندم

سيد المزاين: ليش تندمين ياشمسه انا رايح بس شهر ومن ارد امسحي رقمي وبمسح رقمج صدقيني

قلبي رهيف: اسفه خالد ماقدر

سيد المزاين: تسلمين والله توقعت لي معزه عندج

منصور [ طلعت سيده واحس الضيجه كلها يت فصدري هيه ليش ماتحس فيني تعرف اني بدونها ماقدر على الحياه تعرف هالشي
كيف بفارقها شهر اف ويا هاي سيرة البر ماودي اسير بس الاهل يبون ياربي شو اسوي الحين ماتخيل شهر كامل مارمسها
ماتخيل هالشي مستحيل اصلن اسبوع ماقدر عيل شهر كييف الله يصبرني عليج لازم استسمح منها اكيد الحين زعلت ولا شي
عالرمسه الي قلتها ليتج تفهمين يا شمسه كيف معزتج غاليه عندي بس ليتج انتى غير عن كل البنات والله غير ]

ساروه [ ياربي ها طلع ليش اكيد زعل يالله انا انسانه استغفرالله هوه مب ناقص ضيج بعد اضايجه الحين شو اسوي بس
ماقدر ارمسه صح انى واثقه منه بس ماقدر احسه غلط هوه قال شهر بس مابياثر شي امممم خلاص برمسه والي يصير
يصير المهم راحة خالد ها اهم شي روحه الظروف الي مر فيهم مب شويه و الصراحه غلاته وايد عوده بس ماريد ابينله
هالشي لانه هوه قال الي امبينا صداقه وبس وبتم صداقه وبتنتهي صداقه لازم اقوله ]

منصور[ دشيت المسن لقيتها اون لاين]

ساروه [ اكوه دش ]

قلبي رهيف: خلووود

سيد المزايين: هلا

قلبي رهيف: مب قصدي والله مب قصدي

سيد المزايين: ماعليه المهم لا تضايجين

قلبي رهيف: خالد امممم برمسك بس بشرط

سيد المزايين: شوووه

قلبي رهيف: لا تاخذ فكره منى سياءه وعندك اخت خاف على شراتها

سيد المزايين: شمسه شو تقولين انتى مب واثقه منى

قلبي رهيف: انا واثقه منك

سيد المزاين: شسمه انا واثق منج مليون مره انتى غير عن البنات كلهم والله ومستحيل اشك فيج غلط

قلبي رهيف: تسلم

سيد المزاين: امم انزين كم رقمج

قلبي رهيف: اممم ها ********

سيد المزاين : سيفته بو اسم بو خالد

قلبي رهيف: ههه انا ابووووووك المهم لا ادق الحين من تطلع

سيد المزاين: بطلع باجر وبدقلج

قلبي رهيف: طرشلي مسج قبل مادق

سيد المزاين : اوكيه

قلبي رهيف: عيل انا برتاح اخليك

سيد المزايين: على راحتج و نوم العوافي وتيك كير والله يحفضج

قلبي رهيف: احلام سعيده خلوود و الله يحفضك مع السلامه

****

♥

♥♥الجزء الثاني ♥♥

.

.

ساره [ ياربى انا شو سويت ليش سويت جيه اصلن ليش عطيته رقمي بس ماباه يزعل خالد انسان طيب
وماعتقد يسوي جيه وكل اسراره عندي يعني ليش يسوي جيه ياربي صدري قام يعورني ليش سويت جيه]

وراحت ساره لنوم

ومن الصوب الثاني منصور ماياه ارقاد

منصور[ يعني باجر بسمع صوتها اممممم ليش مرتبك و مستانس فنفس الوقت انا واثق من شمسه بس شو نسوي
يارب تمر اليوم بسرعه انا وين بيني رقاد الحين ليش قصيت عليها بتم شهر هناك اممممم بستسمح منها بخلىها تتعلق فيني
وبنتعود عهل شي اكيد احس اريد اعرفها ]

اليوم الثاني يوم الاربعاء

حمدان [ راقد]

زايد وراشيد دشوه الغرفه

وكانت معفوسه كان بهل شكل

اول عند الباب كانت كندوره و عقب غتره وعقب نعال و عقب فانيله لين الفراش

زايد: قوم قوم قوم يا حمدان

راشد: لا حياة لمن تنادي

زايد: حمدانوه وعله قووووم

زايد: حمدان حبيبي عمري قوم

حمدان: اووووووووووووووووه شو تبووون خلوني ارقد

زايد: اتلبس ورانا سيرة بر ولا نسيت

حمدان: انجلعوا انتوا ويا عزبتكم لارتبك فيكم جريمه

راشد: افا يا خوى

حمدان : اهوه [ هايل شو يبون انا فيني رقاد ومتكسر اااه يا محلى الرقاد ]

راشد: يالله بسرعه بيروحون ويانا قوم عمي

حمدان: طططططز فيهم ينجلعون

زايد: هات دبت الماي

راشد: تخبلت

[ مسك دبة الماي والا كلها في ويه ححمدان]

حمدان [ بررررد ]: يالحمير

راشد: شررده

[ تم حمدان يلحقهم و صار وصك الغرفه عقب بعد ماتععب ]

حمدان[ الله يغربلهم ماعليه اراويهم اخ راسي اف بعد سيرة العزبه مافيني اسير بجابل شيف مناك عاده عيال عمي ااااف
شو اللبس امم خلني اعق بنات عمي كالعاده و اخليهم يتخبلون على لبست بنطلووون جينز من اد هاردي و قميص بعد لونه
برتقالي و كاب اد هاردي برتقالي وجوتي اد هاردي برتقالي ااه اسميهم بيتخبلون على ]

عند منصووور

منصور[ الله يعينى على السيره بجابل حرمت عمي اف مادانيها دوم تقولي انت لبنتى وحريم عماتي كلهم جيه يتحروني
ميت على بناتهم وبناتهم كل وحده تتحرى اني احبها بس انا مايهمني كل ها اليوم برمس شمسه و انشالله بتحاول تخوز ضيجت البر
منى ليش ماتعدل امممم بخليهم يتخبلن على و انا بسويلهم طاف كالعاده هههه وايد يغهرن يوم يدلعن ظهرت كندوره بنيه و غتره حمرا سويتها حمدانيه يا سلام عليك يا منصوور لبست نعال من مندوس و تعطرت بعطر بوووس و حطيت دهن عود الي طر البيت من ريحته شفت عمري فالمنظره كم مره ورحت ]

منصور: عنود
عنود: هلا
منصور: شو تسوين
عنود: اتعدل ليش
منصور: كل ها
عنود: بلاك
منصور: ماشي بس خلصي بنرووح
عنود: اوكيه
منصور: يالله عيل

نزلت تحت

ام منصور: هلا والله بولدي
منصور: هلا الغاليه
حبيت راس اميه
منصور: عساج اهون مرتاحه
ام منصور: دام وياكم اكيد مرتاحه فديتك تبا شي تشربه
منصور: لا الغاليه شبعان وبمر فالدرب الشيشه
ام منصور: عراحتك الغالي
منصور: انزين شو الاخبار
ام منصور: بنمر على يدتك تراه
منصور: والله
ام منصور: هيه ماطاعت تركب وياهم الا وياك تبا تركب
منصور: ههه فديت يدوه والله

[ نسيت اخبركم منو رايح البر كانوا رايحين اليده و عيالها الي هم اعمام منصوور
شهاب وحرمته اسمها شيخه و عندهم بنتين وولدين
حمد و صقر و ميثا و ميره
و احمد و حرمته اسمها فاطمه وعيالهم بنت و وولدين
ملاك و سعيد و خليفه
و اخيرااا عموه موزه و بناتها ال 3 و ولد

عزه و حمده و خلود و عيسى

هم هايل كلهم الي بيون العزبه ]

حمدان: السلام عليكم
ام منصور ومنصور: وعليكم السلام
حب حمدان راس امه: شحالج الوالده
ام منصور: بخير فديتك وانت
حمدان : بخير و خاشم منصوور شحالك الغالي
منصوور: تماام الحمدالله الله يعافيك
ام منصور: فديتك تبا اكل
حمدان: انا بطنى لاصق فظهري من اليوم
ام منصور: واي فديت ولدي تعال كل فديت روحك مايوز اتم يوعان تعال الغالي

وتم حمدان اياكل

حمدان: اميه تعرفين هايل عيالج التيوس شو سوووو
ام منصور: وايدي شوووه
منصوور:ههه شو سوووا
حمدان: صبوا علي ماي الحمير
منصور: تستاهل
حمدان: افا ليش
[ونززل راشد ]

راشد: ان الفتنه اشد من الغتل
[حمدان قام بسرعه ومسكاه]
حمدان: شو قلت
راشد: سلامتك و[حب راسه] وها حبيناك
حمدان ههه خلاص عيل

حمدان: امييييه [ يار باططيع]
ام منصور: هلا فديتك
حمدان: فدتج الينه اخبرج تراني بروح ابموتر روحي انزين
ام منصور: شعنه تروح بموتر روحك
حمدان: اميه الله يهديج السياره ماتكفي
ام منصور: الا الا ماتشوووق انت
حمدان: جيه انشالله
ام منصور: ادريبك بتشوف حد من عيال عمك وبتسابقهم
حمدان: اميه عيال عمي كحونه مايعرفون يسوقون هاك اليوم اختهم هاي شو اسمها ملك شدراني ملاك اونها عاطينها الليسن تسوق اول ماساقت لفت عالدوار و دعمت الرصيف
منصور: ههههههههههههههههههههه
حمدان: واللله مدلعينها عالفاضي المشكله مايليق عليها الدلع
ام منصور: خلاص لا تحش فبنات عمك عيب
حمدان: انشالله تامرين عالشي انا رايح العزبه مع السلامه
ام منصور: هييييد هداك ند قول امين
حمدان: هاه
ام منصور: خذ راشد معاك و سيف وايدي وين ولدييييييييييييييييييييييييييييييييييييييييييييييي ييه محمد وينه
منصور: محمد تلبسه الشغاله
ام منصور: فديت روحه بروح اشوفه
حمدان: امييييييييييييييه انا الحين مافين ياخذهم راشد اوكي بس سيف بيتاخر
سيف: السلام عليكم وين بتاخر
حمدان: انت شعنه لابس جيه ولد فقارى
سيف: والله انا مب خقاق و ابا الناس تشوفني
حمدان: والله يحق على الخقه دام انى ولد ناصرر منصوور ال ..
سيف: والله كل الناس شرات بعض
منصور: انتوا اي بسكم ضرابه سيف روح ويا اخوك
سيف: مابا
حمدان: انا ميت فيك
منصور: ولا كلمه حمدان خذ سيف الحين وسيف سير وياه ومابا اسمع ولا كلمه
حمدان: يالله عيل انا رايح
منصور: توكل عالله عن السرعه
حمدان: انشالله يديه ااا قصدي منصور اخوي الغالي
منصور: هههه الله يحفضك
حمدان : يووو تووو [ لبس نظاره الشمسيه وطلع]

[ ركبنا انا وعنود و زايد واميه و محمد مع بعض فالسياره وخدامتين فالدبه ]

منصور شغل المسجل

منصور: شو تبون تسمعون
زايد: حط ميحد وحياتك
منصور: افا عليك ماطلبت الغالي

[وحطينا ميحد وكانت غنية كم عنيييت]

زايد : كم عنيت ويت متوله مقصدي يا شيخ روياكم
عنود: ماحصلي حد في الحله يخبرني وين سكناكم

[يوم سمعت مقطع ليت عندي رقم بسجله تلفون اقراب وانصاكم]

فز قلبي فزه مافزها ولا مره ياالله متى بي المغرب وبدقلج اااه الوقت يمر بطىء]

[في ابوظبي في وحده من البيوت المتوسطه كانت ساره تسحي شعرها وتغني ]

ساروه: عود على وانا ترياك لا هنت الحال واحد والظروف تشابه
واذا سالت تحبني قلت لى كنت و انا ابتسم من باب حب الدعابه

[تررررررررررررررن ترررررررررررررررررررررررررررن ]

ساروه [ بنعومه الصوت الي كل بنت عندها ]: الوووه
....: هلا والله
ساروه: اهليييييييين شمووه توني افكر فيج
شموه: شو كنتى تفكرين
ساروه: ماشي كنت افكر
شموه: المهم صبوحه بنتيمع انا وبنات عماتج كلهم عقب
ساروه: اوكيك وين
شموه: في بيتنا اوكيه
ساروه: اوكيه متى
شموه: قبل المغرب ولا تين دون اكل
ساروه: ههه اوكيه يالله باي
شموه: باي

[ هاي شموه بنت عمي وايد كيبه حليلها كل بنات شلتنا الي هم بنات اعمامي وعماتي كلهم طيبين وحبوبات
ونحن انا وشموه وعواش و ريم و بخيته و امنه كلنا دوم نزور بعض ونطلع مع بعض كل يوم تقريبااا ومانشبع
من بعض وانا وايد استانس يوم اقعد وياهم واحبهم ]

[نرد بين درب بوظبي وسويحان تتواجد العزبه ]

منصور: ووصلنا
زايد: حمدالله عالسلامه
منصور: هه كلهم واصلين
ام منصور: هيه والله
عنود: طاح حمدان كيف موقف سيارته
منصور: محد بيذبحني غيره

[ دشينا كلنا داخل عشان نسلم طبعااا ]

منصور [ دشيت وشفتهم كلهم يطالعوني نزلت راسي وبديت اسلم ]

[سلمت اول شي على حريم اعمامي وكل وحده تتفداني ووتحببني وسلمت ععيال عمي و عقب على بنات عمي

وقعدنا كلنا ]

عنود[ ياربي ليش يتم يطالعني جيه دخيلك يا حمد لا طالعني اف الحين كيف برفع راسي ولاه مستانس الحبيب
يخي انا استحي جيه اعرف انك تحبني بس لا تبين اكثر خلاص استحي والله ]

ملاك [ فديييييته منصور دوم يحلوا اراويكم بنات عمي جان ماخليته يحبني ويموت فثراي واخلى كل بنات الجامعه
يقولون انه الي يحبها انا ]

منصور [ ياهى حاله من هالبنات يدلعن جدامي ]

ملاك [ بدلع زايد ] : منصوور ممكن تناولني الهوه الي جدامك

منصور [ تتحرى صوتها حلو يوم تنكر دلعها اااف يا شينه عليج ]

منصور: هيه هاج تفضلي

ملاك [ بدلع ]: دام فضلك وقعدت

عنود: وشخبارج الميث
الميث [ بدلع عسب منصور يشوف منو احسن انا ولا ملاك فقتها ]: بخير بس تعرفين انا اتعب من شغل الجامعه يكرفونا
حمدان بمصخره: ليش داشه جيش واي عليج عن اطيحين
ام منصور [ القت نظره حاده لحمدان ]
حمدان: هههه
الميث [ فقته منو يتحره عمره ها يتحسب عمره ملك او شي ]
زايد: ههههه اسمعوا بقولكم نكته
كلهم: قووول
زايد : اسعاف رايحه المخبز ليش
كلهم ليش
زايد: لانه خبزه محترقه ههه
منصور: ههههههه ويا ويهك
حمدان: الله يغربلك فطستنا
والكل ضحك على زايد
سيف رن تلفونه
سيف: هلا جسووم
جاسم: اهلين وسهلين شحالك سواف
سييف: تمام ومن صوبك
جاسم :يسرك الحال وينك
سيف: فالعزبه ويا الاهل
جاسم: خلاص عيل ماعليك بسكر
سيف: داقلك عقب بسولف وياك هاه
جاسم: اوكييييه .

عيسى: منو ها
سيف: ربيعي جاسم
عيسى: لا يكون جاسم ناصر ال ..
سيف: هيه
عيسى : بسالك انت ترابع هالاشكال
ملاك: ههه ماتعرفه سيف مستوى لو كلاس ربعه لو كلاس
عنود: احترمى عمرج ربيعتي ساره اخته
ملاك: وووووووع ساروه هاي كيف ترابعينها
عنود: والله انها اشرف منج
سيف: مافي انسان فوق وتحت ملاك تتوقعين بتندفنين غيرعن الناس قبرج من ذهب كلنا بنروح عند ربنا مافي في اي بي خاص لج
منصور [ رمست سيف عيبتني وايد ] [ صفقت]: والله انك كبرت فعيني يا سيف وايييد وايييد
سيف: تسلم اخوي العود تربيتك وحب منصور عراسه
منصور[ حسيت بشعور تفاخر بنفسي حسيت اني سويت شي صح وينك ابويه تشووف كيف استويت ريال احس عمري استويت زين ] ابتسمت في ويهه : تسلم والله
حمدان : انا طفرت بطلع
[وطلع حمدان
طلعوا عقب الحريم يتمشن والشياب يشوفون الحلال وبقيننا احنا وطبعن محمد راح ويا امي مرافقتنها رسمي ]
عنود: ههه بقولكم سالفة تضحك
حمد [ فديت روحج] : قولي
عنود: ههه انا وربيعتي كنا نتمشى فالجامعه انزين و يانا المدرس
عقب تمينا نسولف تخيل قاللنا انه يبا يعرس وحده من اهنيه ربيعتي تمت تمدحله وحده
قالتله الخصر وشعرها طويل لريلها وهوه قال واو منو هاي جان اتاشر لمونيكا خدامت القسم ومونيكا قالت له : شو يريد ]
حمد: هههههههههههههههههههههههههههههههه
ملاك: ابدا مايضحك
حمد: لا يضحك
زايد[ فديت روحج يا عزه منى بتحسين فيني ااااااااااااااااااااه يا قلبي وانتى تضحكين ]
منصور[ امم سامع هاسلالفه فمكان بس ماحيد تولى لاه ]

طلعنا عقب نحن والشباب برع تمشينا انا وحمدان

حمدان: منصور شو فيك [ شفته منزل عينه و مبتسم بسمة حزن ]
منصور [ شو اقوله]: اممم ماشي بس مضايج شوي
حمدان: من شوووه الغالي افا ماتقولي وانا اخوك
منصور : من بنات عمك كله يتمن يطالعني اخاف اميه تغصبني اتزوج وحده منهم
حمدان: اميه مابتغصبك على شي وبعدين تقدر تقولها لا
منصور: اخاف اي هاليوم و اقول لا وتزعل تعرف ماتحمل زعل الوالده
حمدان: امم ماعليك اي وحده طرتها بقول انا اباها ههه لين ماتمل بقولها ها يباها
منصور: الله يعيني
حمدان: اوه منصوروه لا تضايج لا اعفد عليك الحين واقرقطك
منصور: عن تسويها اخوك العود انا
حمدان: حبيبي منصوري حياتي انا احبك لاء لاء ماقدر اعيش وعفد فوقه
حمدان: تتزوجني يا منصوور
منصور: خيبه تخيبك قوم عني جايفني ريلك اننا خوووووووز اسطلب ههه خنقتني
حمدان: ويا وييييهك
حمد: مرحبا الساعه
حمدان: مرحبا باقي
حمد: شو تسووون
منصور: حمدان يبا يتزوجني تصدق ولا لا
حمد فتح حلجه بكبرها: لا اهلاهى ومتى الزفاف
حمدان: الليله وانت لست معزوم
حمد: لماذا
حمدان:مانبا شاحنات فالعرس
حمد: ماعليهه انا زعلت
حمدان: يوا ويييهك تعال

راح حمد وحمدان وتم منصور روحه وكانت الساعه 6 ومابقى شي عالاذان الساعه 7

نرووووووووح لابوظبي دار الظبي

ساروه [ اممم شو اللبس خلني اللبس بنطلون جنز وقميص فوشي لبستهم و عباه مفتوحه ساده شليت موبايلي و خطيت الشيله
تعطرت بعطر مس ديووور و طلعت ]

ساروه: السلام عليكم اميه
ام جاسم: وعليكم السلام ها بنيتي الغاليه وين سايره
ساروه: اميه بعد اذنج طبعن بروح بيت عمي البنات متيمعات مناك
ام جاسم: فديتج لا تاخذين هم روحي واستانسي شو تبين نسوي عشا
ساروه:امممم ماريد [ كان خاطري ماك دونلد الصراحه ]
ام جاسم : عراحتج مريم وينها
ساروه: مريوم صبري بدقلها
ساروه: الووه مريوم
مريم:هااااه
ساروه: الناس تقول هلا
مريم: هلا خير شو تبين
ساروه: انتى وين
مريم: انا وين يعني فوق
ساروه: اميه مريوم فوق
ام جاسم : قوليلها شو تبا عشا
ساروه: تقولج اميه شو تبين عشا
مريم: اممممممم قولليلها تسولي ذاك الخبز الرقاق وتحط فيه نوتيلا
ساروه:اوكيه
مريم: اجلبي ويهج
ساروه: انا اختج زعلت
مريم: جدامج اليدار دقي راسج باي

ساروه[ صدق اللسانها طوويل]

[طلعت للسياره و ركبتها شغلت غنية وين انت اموت فيها الغنيه ]
ساروه: اه وين انت يا خالد الحين شو تسووي شو تاكل مستانس ولا لا

..

منصور: ووووووووووووووووووووووه بنط بنط
حمدان: لا تنط بي فيظان

[ الا وشوي ونط منصور فالحووض ]

راشد : الله يغربلك خرستناا ويا ويهك

خليفه: يحيكم والله تسبحون

حمدان: ليش ماتنط

خليفه: اليروح مابرن بيحرقني الكلووور

سعيد: عادي لاه اخوي يعورك المهم تستانس

راشد: ليش ايذي عمره عسب وناسه

سعيد: قمت تتفلسف يا ولد عمييييه

راشد: كيفي

حمدان يصاصر منصوور : شوووف كيف اخوك سرحان في عزه

منصور: من دخلت وهوه يطالعها واقف

حمدان: شوف اخوك الفنان

حمدان[ قمت من الحوض مشيت اوني بيب شي شفت زايد يطالع عزه بنظرات حب و اربع وادزه ]

زايد: ياحححححححححححححححححييييييييييييييييييييييييييييييي يييييييي [ ماكملها لانه طاح ]

حمدان: يا حي الحياه

حمدان: قمت ورحت عند البنات وشعري كله يقطر ماي

ميثا [ اف شو يابه الحيوان شو يبااا بعد هااا ]

عنود: هلا والله باخووويه

حمدان : اهليييييين

ميثا : ذهبت الملائكه وجاءت الشياطين

حمدان: اونه

ميثا: هيه

حمدان: زين يوم عرفتي عمرج ههههه

ميثا: هه قوم ويا ويهك الي تقول قوطي

حمدان: تغارين من ويهي الحلو تتمنين يكون ويهج جيه

ميثا: وع شو ابابه كله شعر ييييييييييييييييع

حمدان: هه تتمنينه

ميثا: خوز لا تخرسناا

حمدان: مابا

حمدان[ خلني اتقرب منها وتقربت منها وهي شكلها خافت حطيت ايدي وحده عيمين الكرسي والثانيه عيسار الكرسي الي
يالسه فيه نزلت راسي و تميت اكشكش شعري الي خرسان ماي وهيه فاجه حلجها لو ادش ذبابه و تخمس ويلات داخل وتطلع مابتحس من الصدمه ]

الميث: يال
حمدان: حيوان **** امم خلني افكر نذل ههه اي شي حلوو على جاااااز

عنود [ تستاهل والله وايد خقاقه ماعرف علا شوه ]

عزه[ امم بلاه جيه يطالعني زايد احسه يبا يقول شي يمكن شي في ويهي ياربي احس يحترق ويهي يمكن يحبني شو يبا فيني
من زيني يحبني كل حد احلى عني والله خلني اشله من بالي الحين ]

نرد لساره

[ وصلت بيت قوم عمي نزلت وانا امشي دخلت الميلس ]

[ شفتهم كلهم قاعدين امنه و عواش والريم و شموه وبخوت شفتهم يسولفون يوم يالسه ابطل نعالي ]

امون: اااااااااااف فقتها يت

بخوت: ااف ليش عزمتيها

شموه: خلها اتي ناخذ الي نباه اول منها

بخوت: اف كرييهه والله مادانيها مسوي عمرها طيبه وماعرف شووه

الريم: مالت عليها بعد طع ويها وع مافيه مكياج ولا شي يايتنا جلحه ملحه

امون:هههه ويا ويها الخايسه خلني اخذ الي اباه منها تعرفون انى احبه واموت فولد خالها

وهيه تحبه اونها فا لازم وهوه يحبني انا وبس و المشكله تتحرى يحبها مالت عليها يخليني انا

ويروح صوبها .

ساروه: هاي بنات

امون: هلا والله نور الككان

ساروه: احم لا تجاملون

بخوت: ليش انجاملل

ساروه[ والله احبهم دوم يحسسوني بقيمتي والله صدق ربع هايل ]

الريم: او ماي قود تخيلوا منو شفت فالمول من كم يوووم

كلنا منوو

الريم: منصوور ناصر ال ...

امون: اااااااااااااه محلاته هالانسان فعمري ماشفت احلا عنه

بخوت: هيه والله عندهم بيزات لو خذاني بعيش حياه حلوه كل شي اباه بخذه

شمووه : تحلموون اصلن اونه هوه مب راعي بنات وجيه

امون: ها ها مافي ولد مب راعي بنات ييسوي عمره شريف مكه وتلاقونه من الصوب الثاني يسكر ويا بنات

ساروه: ايه حرام عليكم هوه صدق مب راعي بنات

الريم: شدراج

عواش: هيه شعرفج

ساروه: اخته ربيعتي

عواش: اقولج قصي علينا اونه ترابعين اخته اخته هاي كلاس اونها ماترابع حد

امون: من زينها والله تتحرى عمرها حلوه

ساروه: اي عن الغلط هاي ربيعتي

عوش : طز انزين شو نسويلها تولى

امون: ماهتم اصلن فيهم جنه الي يقول واقف حذالنا هوه

ساروه: هيه شدراج

امون: انتى وايد خيالج واسع بابا انتى عيال خالتج وعمج مايسولج سالفه تتوقيعين واحد كل بنااااااااااااااات البلاد
يتخبلون عليه ويموت فيه ماسوالهم سالفه بيسويلج

عواش: ههه هههه احلمي

امون: ههه والله

ساروه[ بلاهم جيه اليوم مشتلين على ]

امون تصاصر عواش : شلي تلفونها بتلاقين اسم وفا ظهريه هاي اخته الصغيره عمرها 14

عواش: اوكيه

عواش: ساروه حياتي

ساروه: هلا

عواش: ابا اطرش رنات ممكن

ساروه: امم عادي

عواش[ اممممم وفاء وفاء وين وفاء طرررن وصل مسج فتحته كان مكتوب ( بدقلج بعد 10 دقايق عادي ) اف منو هاي متفيجه خل ادقلها ونفتك منها ( اوكي ) رديت دورت دورت اخيرااا سيفت الرقم عموبايلي بسرعه )

امون تصاصر عواش: سيفتيه

عواش : هيه هيه

امون تصاصر شموه: خطه ب

شموه: اقول ساروه نحن طالعين الحين

ساروه: وين

شموه: معزومين ربيعتنا عازمتنا كلنا

ساروه: اممم وانا

شموه: ماعزمتج ماتحبج المهم المطلوب يعني تروحين

ساروه: لا والله

شموه: هيه يعني تعرفين بنطلع الحين يالله بنات نروح فوق نتكش

كلهم مشواوراحوا

شموه: باااي

ساروه[ حسيت اني مب مرغوبه بلاهم اليوم على دموعي تنزل وصوتي مخنوق طلعت برع و قعدت فالسياره مشيت فالسياره بسرعه اي مكان اوقف فيه ]

نروح صوب سويحان

حمدان: وينك ليش قاعد بروحك
منصور: ااا ممم ماشي برمس الحين ربيعي فسالفه مهمه عن الشلغل
حمدان: اوه شغل عيل رايح

منصور[ اف خلني اروح بعيد عن حد يزقر اسمي بس لازم تعرفه جي ولا جي مشيييت بعيد بعيد عن العزبه وقعدت مكان فيه نوور شووي صوب الخيوول مابقى الا 3 دقايق وبدق الله يستر ]

[ ترررن ترررن ]

ساروه[ اف منوه بعد انا ضايجه الحين اف هاي مريم]

ساروه: هلا مريوم
مريوم: ساروه وين الفلاش
ساروه: مارعف يالله انجلعي
مريم: وينه
سكرت فويها دقت مريوم مرثانيه

ساروه: اوهوه ماعرف دوريه لا تحشرني سكرت

دقت مرثالثه
ساروه: مريم بس
مريم: وين ادوره
ساروه: ماعرف باي

صوب منصوور

منصوور [ مرت عشر خلني ادقلها ]

ساروه[ بس عسب سالفه سخيفه وهم سبوني بعد بس ليش اشك فيهم هم ربيعاتي ودوم ربيعات يضاربن حليلهم والله]

ترررن تررررن

ساروه: اوف هاي الحشره
ساروه: الوووو
منصوور[ طاح قلبي من صوتها كان ناعم وعلى حيست يهال ]
ساروه: مريوووم قتلج ماعرف وينه يعني ماعرف ماتفهمين
منصوور [ هههه تتحراني وحده حليلها والله محلات صوتها ] احمم
ساروه[ اووويه ها احم مل ريال منووه هااااا ياربي منووه داق انا غبيه ماشوف الرقم شفت الرقم كان رقم شيوخي يعني كل الارقام متشابها الا رقم ]: امممم منووه معاي
منصور:[ تبا تذبحني هاي محلات صوتها وايد ناعم وطفولي اليوم شكله موتي شكلها ماعرفتني]: السلام عليكم والرحمة الله امم انا منص اااااا .. قصدي خالد
ساروه[ خااااااااااااااالد او ماي قوود ياربي دق اسميه صوته خشن طيح قلبي اول مره اسمع صوت ريال جيه رجولي وايد ]
منصور: اممم شمسه معاي ولا لا [ بلاها سكتت انصدمت شكلها من صوتي ]
ساروه: هيه
منصور : شحالج ..
ساروه: بخيير وانت [ يالله يالله طلعت ]
منصور: حمدالله بخير دام انى ارمسج الحييييييين
ساروه[ يبا يذبحني اليوم ها اممم احس الي اسويه كله غلط]
ساروه: خالد احس الي اسويه غلط
منصور: لييش غلط يا شمسه هالكثر صوتي يزيغ
ساروه: لا بس ماعرف
منصور [ تنهد] : شمسه اسمعيني عدل وحطي هالرمسه فبالج انا اذا بغيت افضحج فضحتج من زمان بس يا شمسه انتى غير
انتى علمتيني الصبر وانتى علمتيني المسؤؤليه انتى خليتني اعتمد فعمري انتى سويتي اشياء ماسواها ولا انسان لي
ساروه[ صوته وايد ريحني واييييييد بدرجه فضيعه ]: مشكوور
منصور: مب انتى لازم تشكريني انا لازم اشكرج والله تغيرت نبرة صوته من توفى ابويه الله يرحمه حسيت اني خيبت ضنه بكل شي حسيت اني انسان فاشل وايد حسيت اني ماقدرت اسوي شي انتى انتى غيرتني خليتني ارد قوي خليتني اصير ريال ليش افضحج
لو بفضحج بفضح عمري والله بفضح هلى بفضح كل حد اسمعي انا واثق منج يا شميه انج بنت زينه والله وبنت ناس واصل وفصل
والكل يتمناج يعني لا تاخذين هم وتفكرين انج خايسه ولا شي نحن يالسين نرمس بعض بحترام مب اكثر يا شمسه ]
ساروه[ رمسته صح والله ريحني وايد ماحسيت بعمري الا ارمس وياه ]: تسلم والله بس زيغني صوتك
منصور: هههه ليش شو فيه
ساروه: ماعرف
منصور: اول مره تسمعين صوت ولد صح
ساروه: اممم هيه فالتلفون
منصور: ههه عشان جيه بس انتى صوتج غير ماتوقعته جيه يعني
ساروه: كيف توقعته
منصور: توقعتج صوتج جيه يعني على وحده عاقله
ساروه: ليش انا مب عاقله
منصور: لا ابد مب قصدي بس تعرفين صوتج جني ارمس وحده عمرها 4 سنوات ناعم وفيه لحن طفولي
ساروه: ههه كل حد يقول جيه
منصور [ ذبحتني ضحكتها كانت ضحكه ماتنوصف لي الصراحه حسيت من ارمسها بطلت السماعات لصقت التلفون على اذني تربعت و كنت لابس جاكيت من البرد ربعت ايدي فصدري وانا اسمع ضحكتها حسيت قلبي يدق يدق يدق يدق بصوت عالى خفت تسمعه فالتلفون [
ساروه: شو العزبه
منصور:مب لين هناك
ساروه: ليش
منصور: حريم اعمامي غصصوا فيني اليوم
ساروه: ليش
منصور يتحروني بخذ وحده من بناتهم
ساروه [ ماعرف ليش تضايجت يوم سمعت جيه ]: اهم وبعدين
منصور: انا ماريد اعرس اولا وبعدين انا ماريدهن والله لو تشوفين كيف يدلعن جدامي وجيهمباهم
ساروه: انزين شو المشكله خلاص ارتاح انت تقرر بكيفي
منصور: المشكله مب جيه المشكله اخاف اميه تقوللي وانا ماقدر ارفضلها يمكن تكون مستانس
ساروه: خالد صدقني مستحيل امك بتزعل
منصور: كيف تعرفين
ساروه: كل ام تتمنى لولدها الشخص الي هوه يباه مستحيل تغصبك مثل ماترمس عنها حسيت انها وحده يعني تحب عيالها
ومابتغصبك على شي بتشاورك بس مابتغصبك
منصور: واذا قالتلى اعرس
ساروه: قوللها يوم بشوف البنت الي تناسبني بي ارمسج و لا تحاتين
منصور: تصدقين
ساروه: شوه
منصور: والله انه شورج فعمري مافكرت فيه تسلمين والله ريحتي بالي
ساروه: لا داعي واللله
منصور: تخيلي استانست اليوم
ساروه[ حليله يوم نطق مستانس حسيت صدق مستانس حسيت جيه قلبه نط ] يعله دوم من شوه
منصور : وياج امم سيف اخويه كنا نرمس عن شي و الصارحه عيبتني رمسته وقلتله شاطر وجيه قالت تربيتك الشاطره
حسيت انى سويت شي زين
ساروه:دومك تسوي اشياء زينه بس لعمرك لا
منصور: امم شو نسووي
ساروه: خالد ليش ما تيمع اخوانك وتقولهم عن رايهم فيك
منصور: امم كيف
ساروه:ي عني يقولولك شو اخطاءك و شو غلط في تربيتك وانت تصلحهم كل انسان يبا يسمع اخطاءه
منصور: امم فكره وايد حلوه تصدقين
ساروه: اممم هيه
منصور: والله بسويها [ نزلت عيوني فالارض وانا اسمع ساره تتنفس حسيت في شي فنفسها مش طبيعي ]
منصور: ساره ليش تتنفسين جيه
ساروه: هاه شوه ليش
منصور: ماعرف تتنفسين ويتقاطع نفسج
ساروه: لانه فيني ربوو
منصور:والله
ساروه: هيه ياني من فتره وقالت الدكتوره اتنشق الاوكسجين دوم لين مايروح روحه
منصور: اها وشو سويتي اليوم
ساروه: تيمعت ويا ربيعاتي
منصور: والله
ساروه: هيه
منصور: عسى ماستانستوا
ساروه: هيه اكيد استانسنا و تمينا نسولف
منصوور: فضووول ذابحني
ساروه: سوالف بنات
منصور: ابا اعرف
ساروه: خلووود وايد فضوول فيك امم طرواا اسم واحد ويالسين يرمسون عنه
منصور : منووو
ساروه: تعرف منصووور بن ناصر ال ..
منصور [ انصدم هاذا انا يرمسون عني شعرفهم فيني هه كيف ماعرف وبنات عمي ى يصوروني وينشرن اكيد انشهرت ويرمسن
عني اكيد ] اممم هيه قصدي لا ماعرفه ليش
ساروه: ماشي كانوا يسولوفون عنه
منصور [ ياسلام عليهن ]: شوه كانتوا تقولون
ساروه: كانوا يقولون انه خقاق والصارحه انا اشوفه خقاق
منصور [ قويه وايد هه ]: لييش
ساروه: امم مره شفته
منصور: وين شفتيه
ساروه:من بعيد وكان يعني مايسوى سالفة حق حد يعني يقولون عنه ماعنده سوالف بنات وجييه والبنات ربيعاتي كانن يقولون انه راعي بنات مستحيل واحد عنده فلوس مايسوي جيه والله بس انا كنت عكس رايهم
منصور : ليش
ساروه: لانه مب نحكم الشخص اذا عنده فلوس ولا لا يعني زين ولا مب زين كل شخص وشخصيته صح انه وايد خقاق وشايف عمره ماعرف منوه ويحط صوره و كل السياير عنده بس مب شرط اذا هوه ريال زين مابيرمس .
منصور: اها
ساروه: شكلك ترعفه
منصور: هااه هيه اعرفه عدل
ساروه: والله كيف
منصور: امم ربيعي الروح بالروح
ساروه: [ يالفشللللللللللللللللللللللللللللللله سبيته ] ااا سوري سبيته شوي
منصور[ ههه وانتى خليتي شي فديتج ]: هه لا ماعليه بس محد يعرفه عدل هوه انسان وايد زين
ساروه:اعرف
منصور: كيف
ساروه: امممممممم اخته ربيعتي
منصور: اختتتتتتتتتتتتتتتتته ربيعتج
ساروه: هيه ليش
منصور: شو اسمها
ساروه: مايخصك عيب اطري اسم البنت جدامك يمكن البنت ماتريد ماريد افضحها
منصور [ تعرف اختى كيف يعني يمكن اقدر اشوفها امم بسالها عنووود بس خلني استفسر شووي يارب شو هالصدفه تعرف اختى اذا تعرفها يعني اقدر اشوف كيف شكلها واخطبها ]: امممم كيف عرفتها
ساروه: اعرفها من سنين اخته و دوم ويها فالجامعه وقبل فالمدرسه ودوم اروح بيتهم بس ابداا ماشووف ها منصوور
منصور: اها [ يعني ماشفتها شكلي وايد بنات ايون عنود لازم اسالها لازم ]: اها
ساروه: المهم شكلي وايد طولت وياك اليوم
منصور: لا ماعليه شمسه عيل برمسج باجر
ساروه: اوكيه يالله عيل تيك كير
منصور: نوم العوافي و تيك كي رانتى بعد
ساروه: ولا تخلي شي يضايجك ياللله الله يحفضك
منصور وانتى بعد

منصور [ حسيت قلبي يدق بسرعه كل لحن في صوتها يرقص قلبي عليه شعوور قريب يوم سمعته ماعرف كيف اوصفه ههه سبتني وهيه ماتعرفني الله يعين لو تعرفني اسميها بتنصدم وماظن ترمسني اصلن لاني اخو ربيعها لازم ماتعرف ابدااا بس لازم تعرف اممم لازم اسال عنود عنها والحييين ]

في بوظبي

ساروه: الووو هلا عنووودي
عنووود : اهلين والله حياتي شحالج
ساروه: بخير وانتى
عنود : بخييير حياتي
ساروه: امم عنود احس عمري بصيح
عنود: سارونه شو فيج

منصوور: عنود اباج شويه
عنود: ارمس ربيعتي
منصوور: دقيقه بسالج شي بسرعه
عنود: اووووووووكيييه
عنود: ساروه بخليج عالهولد اخويه يباني
ساروه: ماعليه

[ بس عنود ماحطت هولد وكان ينسمع لساره]

منصور: خلصتي
عنود: هيه شو تبا
منصور: بسالج سؤال اممم منو اعز ربيعاتج
عنود: ليش
منصور: بس اسال
عنود: وايد
منصور: لا يعني هيه وياج وايد دوم فالثنويه و في الجامعه الحين وياج
عنود: منصوور عندي وايد وياي فالمدرسه والثانويه
منصور: لا اكثر وحده امممم تعرفين اسمها شمسسه

ساروه[ انا شو يالسه اسمع الحين لا شو يالس يقول ها كل الكلام الي قلته لخلود معقول كلن خلود وياه وخبراااه بس خلود
مايسويها ليش يا خالد ليييييييييييييييش ليش سويت جيه انت ليش تخبرهم باسمي حمدالله ماقلت الصدقي اكيد الحين بيقول عني خايسه
و بيخبر اخته و بيقولها لا ترابعيني وعنود بتنصدم منى انا شو سووييت يارب سامحني حرام عليك بعد ماثقت فيك يا خالد حرام عليك اقولكم عن حالتي سكرت التلفون وغلاقته مافيني عنود ترد وتنصدم وتجرحني روحه الي فيني كافيني دموعي تنزل مثل دم من كثر ماهي حاده قامت تجرح جفوني وشفايفي حرام عليه ليش جيه ياخالد ليش حرام عليك تعبت من كثر ماصيح اه يا راسي دخت وحسيت الدنيا كلها سوداا ... وماشوف غير ضباب السياره الي كنت قاعده فيها واختفى كل شي ]

كاااااااااااااات

شو تتوقعون يصير ؟؟

ابا ردود وايد ومابا رد بسيط ابا رد حلوو:^^

عسب انزل الجزء الثالث والرابع:169: