بسم الله الرحمن الرحيم

اتوجه بالشكر لهذا المنتدى الرائع من اداريين ومشرفين واعضاء ولا يهونون الزوار

حقيقة اخوكم في الله ما له في الجارمن نهائيا... فيوم من الايام تهورت وقلت ياولد خذ لك واحد يمكن يفيدك واخذت نوفي 3790 بسعر رائع جدا ورخيص ...

مالكم بالطويلة العلم وسلامتكم ...

اول شي سويته سجلت الجهاز بالموقع ونزلت السوفت وير الجديد 2.50 والخرائط يقولي بانها محدثه

بعد التجربة القصيرة صراحة شفت انه جهاز حلو الشكل و السرعة و الحجم
بالله ما اصلح محلل قناة رياضية هههههههه

لكن صراحة عندي بعض الاشياء ابغى شوركم ومساعدتكم فيها :

1- الجهاز ما يعترف بالدوار ... كيف؟
لما اطلب الذهاب الى نقطة معينه وهذه النقطة تتطلب مني المرور بدوار فان الخط الوردي ما يمشيني مع الدوار نظاميا لا ...
يطنش الدوار بمعنى المفروض اخذ نص الدوار وبعدين اروح يسار هو لا يعطيني يسار من قبل الدوار ؟؟؟؟؟
عارف نصكم يقول ياليتك منت مدرس :D

2- لما امشي مع الدائري بالمدينة المنورة طبعا الخط الوردي يجبرني للصعود للدوارات اللي بطريقي وبعدين ينزلني على الدائري مرة ثانية ؟؟؟
ليش ؟؟:confused:

3- ما يتقيد الجهاز بانظمة المرور :director:... لا احد يضحك والله من جد يعني مثال يبغاني اعكس مع الخط اجباري
والمفروض اروح للاشارة وبعدين ارجع ...
طيب لو مسكني ابو ساهر وش اقوله بالله عليكم:alarm: ؟؟؟؟

ملاحظة:
وقت الاحتساب على وقت اقصر
التجنبات اشرت بس على طرق غير معبده

4- الخرائط الموجودة هي :
mod

middle east dem

cn middle east & n africa nt 2011.10-me 3d

maps uploaded withe sendmap

cn middle east & n africa nt 2011.10- middle east

ممكن احد يعلمني وش هذي الخرائط وويش معناها؟
وعلى ذمة اللي اخذتها منه انها اصلية وهو والله كفو ونعم


طبعا فيه طلبات كثيرة مثل تنزيل الرادارات ونقاط الاهتمام (اسمع عنها بس ما اعرفها)
وكذلك تنزيل بعض الخرائط .
لكن هذي ابغاها بموضوع ثاني لما نحل المشاكل هذي

طلبتكم يارجال لاتردوني
تحياتي


سؤال اخير وش رايكم بالالوان ههههههههههههه