|
لماذا XBOX360 لكل جديد على الاكس وشرح دخول الLive السلام عليكم ورحمة الله وبركاته شحالكم عساكم بخير فبداية بأقول لكم تجربتي انا مثلا عندي السوني 3 والاكس بوكس 360 والصراحة ال360 برأي هو الأفضل بالأون لاين والسوني جدا جدا ضعيف بالنسبة لميزات الاكس بوكس انا على العموم قديم بالاكس بوكس لايف ادخل الاكس بوكس لايف من ايام الاكس القديم كنت العب هالو 2 والصراحة ذهلت بالنقلة النوعية الي انتقلها اللايف من الاكس القديم للجديد لماذا الXBOX 360 وما يميزه عن البلايستيشن 3 كما تعلمون البلايستيشن دخل قلوبنا من ايام الالأول والثاني فشيء طبيعي الواحد يتحمس للثالث ويأخذ فكرة عن الاكس بوكس سيئة بسبب فشل الاكس بوكس القديم انا اشبه هذه الحالة بمثل الي يستخدم طول عمره نوكيا وما يغيره ولما يجرب السوني اريكسون يقول ويني عنه من زماااااااااااااان الاكس بوكس يتميز بأشياء بالأون لاين غير موجودة بالسوني او موجودة ولكن ليس بمثل الاكس 1-قائمة الاصدقاء : للجديد عن الاون لاين قائمة الاصدقاء اشبه بقائمة الماسنجر تضيف يها اصحابك والي تلعب معهم وتعرفت عليه تروح تضيفه بالسوني 3 القائمة تتسع إلى 50 شخص فقط بالاكس بوكس تتسع إلى 100 بالسوني لو صديقك اون لاين تشوف وش قاعد يلعب وتقدر ترسل له مسج بالاكس بوكس بالقائمة تقدر تشوف وش قاعد يلعب وتشوف قائمة العابه وكل لعبة وين وصل بها هل ختمها او لا تشوف الاسكور حقه تشوف اصحابه لو كان فاتح الفرند حقه 2-الشات: بالسوني الشات ينقسم الى قسمين شات داخل الجيم وشات شخص لشخص ولكن حتى تعمل شات مع صديقك لازم تطلع للقائمة وتقطع لعبتك ولازم تتكلم وانت بالقائمة الرئيسية بالاكس بوكس الشات نوعين الاول زي السوني شات داخل اللعبة الثاني هو الشات شخص لشخص ميزته انك تقدر ترسل للشخص اونت داخل اللعبة وتكمل لعبك وتقعد تتكلم معه وممكن انت تكون تلعب جيرز اوف ور اون لاين مع 8 اشخاص وتروح ترسل شات لشخص قاعد يلعب لعبة ثانية مثلا هالو وتقعد تسولفون وكل واحد يلعب لعبة غير حتى لو كنت تلعب مع ناس اون لاين هذا السبب خلى اغلب الي اجهتزهم تبندت يشترون الألعاب السينقل مثلا مثل ديفل مي كراي اصلي عشان يسولف مع خويه وهو يلعب لانه صدقني والله لما تجرب الاكس اون لاين وتكون صداقات لما ترجع تلعب سنقل وانت بجهاز مبند اوف لاين والله تحس بدضيقة بالصدر ونفسك تلعب وتشوف كل واحد وش قاعد يلعب وتسولف 3-الرسائل بالسوني الرسائل لما تستقبلها بعض الالعاب تجبرك انت تفتحا من المنيو يعني تخرج من اللعبة وتقرأ الرسالة وبعضها تقرأها من داخل اللعبة الاكس بوكس بكل العابه النظام موحد عندك لما تضغط زر الX الي بوسط اليد تنفتح لك شاشاة صغيرة ممكن تدخل تشوف فيها اصحابك و رسائلك من غير ما تخرج من داخل اللعبة يعني ممكن استقبل اي مسج وانا العب اون لاين وأقرأه وارجع العب 4-الدعوة بالسوني الدعوة ببعض الألعاب لازم تكتب اسم الشخص كتابة وحتى لو كان عندك بالقائمة يعني الصراحة حاجة غبية ولكن بعض الالعاب تجيب لك قائمتك وتخليك تدعوا والمستقبل للرسالة ببعض الالعاب لازم يخرج للقائمة ويستقبلها بالاكس تدخل على قائمة الاصحاب وتروح لاسم صاحبك وتعمل له انفايت وطبعا لما يستقبلها تجيه على شكل رسالة وتقول له الشخص الفلاني يريد يلعب معك لعبة كذا واذا وافقت بيطلب منك ادخال الشريط لو ما كان داخل الجهاز 5-الترتيب السوني المنيو الرئيسي جدا بسيط والاستور ملخبط الحين رتبوه شوي الاكس بوكس المنيو ملون رهيب فيه خيارات كثيرة والماركت بليس جدا مرتب 6-التحديث السوني التحديث لايقل عن 100 ميغا وجدا مزعج بسبب كل شوي ينزلون تحديث ويريت يحدث تغير كامل الاكس التحديث ما يتعدا 4 ميغا ويسوي تغيير طبعا هناك اشياء ثانية كثيرة زي وجود تصفح بالسوني والاكس مافيه وفيه ماسنجر بالاكس واشياء كثيرة فرعية انا تطرقت بالأشياء الرئيسية والمهمة لدي نجي بعد ما كلمتكم عن المميزات طيب انا نويت على الاكس وش اشتري هناك 3 انواع XBOX ARCADE 900 ريال لا انصح به بسبب لا يحتوي على هاردسك إلا لو كان عندك جهاز مبند وناوي على اصلي خذه وانت مغمض لان اكيد بيكون عندك هارد Xbox 360 Pro Value Bundle ب1200 ريال انصح بة لانه يجي معه 20 جيجا XBOX ELite ب1600 والأفضل لانه فيه 120 جيجا طيب نجي تقولو لي وش ناخذ امريكي او اوروبي او ياباني ؟؟؟ طبعا انا اقول لكم PAL اي الأوروبي والسبب الضماااااااااااان ومهم الضمان مرة لان معروف مشكلة اللمبات الحمر مع انها الحمد لله شبه انقرضت بالاجهزة الجديدة بالذات الي تحتوي على HDMI بتقولوا لي الالعاب الموجودة كلها امريكية بأقول نعم ولكن وانتم عند المحل اسئلوا هل اللعبة تشتغل على الاوروبي ولا لأ لان اغلب الالعاب تشتغل والالعاب القليلة الا ما تشتغل المحلات يجيبون منها النسخة الاوربية نجي للايف كما تعرفون اللايف بفلوس مو زي السوني ولكن ندفع فلوس عشان خدمة انا انصح كبداية الي يشتري جهاز ياخذ هذا الاشتراك الي يجي معه كاميرا إقتباس:http://ecx.images-amazon.com/images/...500_AA280_.jpg سعره ب 300 ولكن ميزته يجي كاميرا وسماعة واشتراك سنة ولعبتين اركيد أهمها اونو و200 نقطة شرائية ولو تبغى الاشتراك الي من غير شيء قيمته ب190 على فكرة لك شهر مجاني لأول 3 اسماء تعملها بجهازك طريقة دخول اللايف الفيديو من عملSAaD 999 هنا الفيديو بجودة متوسطة بحجم 31 ميقا http://www.xbox4arab.com/join360low.wmv وهنا بجودة عالية بحجم 138 ميقا http://www.xbox4arab.com/join360.wmv اهم شيء تخلي اميلك بالهوت ميل لعنوان امريكي وعمرك فوق 18 لا تنسى وهذا هو العنوان الأمريكي اهم شيء يكون العمر فوق ال18 سنة مثلا 1980 تاريخ الولادة الدولة أمريكا UNITED STATES الولاية STATE: بنسيلفينيا PENNSYLVANIA zip code :17005 12345:Address 1 انصحكم شباب بالاكس بوكس لايف فيه فوق ال2000 عربي طبعا اهم الألعاب هي 1-Gears Of WAR 2-Call OF duty4 3-Halo 3 يعني هذه الالعاب لازم تشتريها كبداية وبالترتيب وبعدين اللايف مليان ديموهات تقدر تجرب اللعبة الي تبغاها وتحمل الديمو وتجربه اخوكم "المنصوري" لا تنسو الردود منقول |
مــاشــالله عــليكـ < أحــس تحــب هالاشيــا وعندكـ خبـِــِِـره فيــهـا ~~ يعطـِِـِـِـــِيك العِـِـِـأإأإفيِــِه ~ |
شـكــ وبارك الله فيك ـــرا لك ... لك مني أجمل تحية . |
| الساعة الآن 05:41 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir