منتدى استراحات زايد - كبــــــــــــــــــــــ لحم حاشي ــــــــــسة

السلام عليكم ورحمة الله وبركاتة

مساء الخير على الجميع حبينا نشارك معاكم وكان الود ان تكون طبخة مكشاتية في احد

الامكان لاكن للاسف حرارة الجو خلتها منزليه

نبداء بالمقادير

لحمة حاشي _ بصل _ثوم _طماطم_فلفل بارد مع حار

بهارات _لومي _دارسين

نقول بسم الله

اللحمة مع المقادير

نغسل اللحمة وننظفها

نحط البصل والثوم ونحمسهم

نضيف الطماط والفلفل البارد والحار

نضيف الدارسين واللومي الاسود ونقلب الحمسة شوي

هذي بهارات ممتازة للحمة بس مانكثر حلاوة طعم اللحم باللومي والدارسين

نحط اللحمة ونحط البهارات عليها ونسكر القدر ونحطها على نار هادئة
لمدة عشر دقايق بدون موية

بعد عشر دقايق تصير كذا هذي موية اللحمة صارت مونكه اللحمة وممتصة البهارات
واللومي والدارسين والكشنة

نضيف الماء ونتركها 40 دقيقة

بعد 40 دقيقة هذا شكل للحمة نكب الرز المنقع 30 دقيقة

نوازن الرز مع الحمة عشان تصير نثرية تمام

نسكر القدر ونتركها على نار عالية الين تشتغل الصفارة وبعدين نخلي النار
هاديه لمدة 15 اهم شي اقل من الوسط لاتحرق بعدها نفتح القدر
ونشوف الشغل

عاد اعذرونا على اخر صورة تخبرون الجوع ماخلنا نكمل تصويرها

نتمنا ان تحوز على رضاكم