منتدى استراحات زايد - ان كان راع الطير ماسنع الطير//يصعب على طيره لحوق الحباري

#poem_4c7f0fbc2ffc7 td {font-family: arial, helvetica, sans-serif;font-size: medium;font-weight: bold;} عزيز لك حشمه بقلبي وتقدير واللي سواتك للطويلات ضاري شرواك من بين العرب رفقته غير وان غبت لك عندي معزه وطاري كانك تبي مني للابيات تقرير فانا على ماقلت ناقد وزاري ياصاحبي للورد تلفي مصادير ولخافي المعنى تحرى المواري للحب شوق وللمكاسيرتجبير وللشوق وصل وللسحايب خباري للارض حول الشمس لفه وتدوير ونور القمر يرتاح له كل ساري مار انتبه للشعر من دون تكسير واعرف ترى للقاف كاتب وقاري للبيت معنى وللقصايد تفاسير واللي يقول القاف فاهم وداري والا القصيد اللي بليا تعابير محد يجيبه غير راع الهذاري القاف سبك وحبك هاجس وتفكير إلهام والا ماتجبيه جباري فضل من اللي ماخفته المقادير ماهو بمال وياصله كل شاري وان كان راع الطير ماسنع الطير يصعب على طيره لحوق الحباري واللي يبي يمشي طوال المشاوير لابد مايبخص دروب المساري هذا وسامحني اذا فيه تقصير واقبل سلامي عد رمل الذواري..