للي يبي ينقل رقمه من الاتصالات الى موبايلي؟؟؟ خدعه الاتصالات الجديده!!!
 

السلام عليكم ورحمه الله وبركاته:

كما تعلمون ان الاتصالات السعوديه قد قامت بسرقه المواطنين عيني عينك... يعني لا حسيب ولا رقيب... صح كلامي والا لا!!! والدليل؟؟؟

1. لو عندك شكوى على الفاتوره يقولون لك بمى معنى كلامهم (انقلع سدد الفاتوره وبعدين قدم شكواك)!!!

2. بعض الاحيان تدق بخمس دقايق وتطلع عليك بعشرين ريال!!!

3. عندك رصيد ائتماني ولما جو بيفعلو لك خدمه (كخدمه البلاك بيري مثلا) وتجاوزت الحد الائئتماني يفصلون خدمه البلاك بيري مع انك مقدم خدمه البلاك بيري 99 ريال مسبقه الدفع في الفاتوره يعني انك المفروض تستخدمها بس اذا وصلت الحد الائئتماني قطعو الخدمه ولما تقولهم ليه؟؟؟ يقولون سدد بعدين نرجع لك الخدمه!!! طيب انا دافع 99 ريال يعني تطير بالهواء؟؟؟

المهم ما علينا...

حاولت انقل رقمي للاتصالات وكل ما اروح عند موبايلي يقولون انرفضت بسبب (الجوال غير موجود بالخدمه)!!! مع ان جوالك شغال... ورحت كذا مره اسدد في الاتصالات الى لما يقولون باقي عليك قروش والا ريال والا ريالين سدد بعدين نتفاهم!!! (وقحين وبعد لهم عين يتكلمون)!!! المهم قالي واحد من الشباب روح وادفع لهم زياده فلوس عشان ينقلعون وتريح نفسك... ادفع 5 او 10 ريال عشان لا يزيد ولا تستخدم الجوال وسويتها بس طلعت خارج الخدمه... سلامات وش السالفه؟؟؟ وظليت حائر على ذي الحال الى لما تقدم لي واحد من الشباب وقالي الحل!!! قالي انت من الي يقولون لهم باقيلكم قروش تدفعونها وضحك خويي!!! يعني مسوينها مو معاي الا مع الكل!!! قال الحل عندي وبقولك ليه يقولون خارج الخدمه؟؟؟

هذي خدعه من الاتصالات... الحين الاتصالات مسويه بلوك على معظم (اذا ما كان كل) الارقام الي عندها عشان لا ينقلون لموبايلي... وتبون تتأكدون!!!

خلي الموظف يوريك رقمك في السيستم وبتلاقي رقمك مفعل وتحته رقم نفس رقمك بس غير موجود بالخدمه!!!

انا رحت بنفسي اسوي نفسي ابي اشوف ارقامي الي بأسمي ووراني ما فيه الا رقمي وصدق الرجال فيه رقم تحته نفسه بالضبط غير موجود بالخدمه!!!

شفتو مدى الحقاره يعني يبون يلخونكم عندهم بالغصب وينصبون عليكم الى لما ينهبون فلوسكم!!! وغير كذا يبون يطفشونكم عشان تسيبون الرقم الي دفعتم فيه فلوس وغير كذا ان الناس كلها تعرف انه رقمك!!!... والحل؟؟؟

الحل عندي

فيه فورم تعبيه وترسله لهيئه الاتصالات... ولما ترسله تدق عليهم على الارقام المدونه بالتعميم ويلعنون خامس الاتصالات الحقيرين الي ما يبون ينقلون رقمك... وبس يبون ينهبون حتى عروض يقدمونها مغشوشه... لا احد يسجل في عروضهم كم مره اكلتوها يا عالم... وقالو ووعدو وبيسوون وفي الاخير يطلعون حرميه حتى مشكله الاتصالات قبل بعد الدقيقه الخامسه يقفل الخط ويقولون بلاش!!!

والا الفواتير الي طلعت هل احد لقى لها حل؟؟؟

كل هذا والحين يخدعونكم بالخدمات الوهميه فأحذركم اللهم اني بلغت اللهم فأشهد!!!



هذا التعميم تقدرون تشوفونه...

http://www.citc.gov.sa/citcportal/Si...D/Default.aspx

وهنا الفورم حق الشكوى...

http://www.citc.gov.sa/NR/rdonlyres/...plaintForm.pdf

وبعدها يمكن إرسال الشكوى عن طريق البريد الالكتروني: ( [email protected] )

او ارساله على العنوان التالي:

نائب المحافظ للشؤون القانونية
هيئة الاتصالات وتقنية المعلومات
ص.ب 75606 الرياض 11588
فاكس:014618033

ولمراجعه شكاويكم بعد ثلاثه ايام من تقديم الطلب... يمكنكم الاتصال على:

01/4618200
01/4618344
01/4618022

وهذا كله ارجو نشره في جميع المنتديات رجاء خاص... وانا الي مسويه الموضوع وجايب الروابط بنفسي وجامعها... وليس عليه حقوق ولاكن لكي ابرهن ان الاتصالات ليسو سوى شركه سرقه ونهب للمواطن السعودي...

لنقف يد واحده ضد جشع الاتصالات اللا محدوووووووووووووووووود...


اخوكم !Final!