آخر موضة لقلى البطاطس
 

راح أقول لكم على طريقه روعه لقلي البطاطس

تجيبن البطاطس وتقشريها طبعا و تقطعيها أصابع

وبعدين أثناء التقطيع حطي قدر به ماء و مقدار مناسب من الملح على

النار ولما تغلي المويه تضعي عليها مقدار فنجان قهوه خل ابيض

وتضيفي البطاطس وتتركيها لمدة خمس دقائق تغلي

بعدين تصفيها من الماء و تسخني الزيت وتقليها عادي

وراح تاخذ وقت اطول شوي من العادي في الزيت

لكن لا تنتظرين حتى تأخذ لون أحمر

طلعيها وهي شبه صفراء لأنك راح تلاحظي انها راح تكون مقرمشه جداً من الخارج وبنفس الوقت طريه من الداخل

يعني لو تركتيها لتاخذ اللون الأحمر او الذهبي الداكن راح تطلع يابسه زياده عن اللازم


جربيها وما راح تغيرين هالطريقه


وعلى فكره هالطريقه بتكون راااااائعه مع تقطيع البطاطس حلقات رقيقه جداً مثل الشيبس

جربي مع الحلقات الرقيقه لكن طبعاً مع تقليل مدة الغلي

وراح تحصلي على طبق شيبس ولا اروع

وبالف عـــآآفيـــة’

تسلمين فديتج ع الطرح الحلوو

ويعطيج الف العااافيه

ولاتحرميني من جديدج

الطريقة وايد حلوة انا جربتها و صراحة النتااايج ولا احلى ..

تسلمييين الامييرة و ما قصرتي ..

تسلمين الغالية على الطريقة :)