افكار حلوه للصدقه في رمضان
 

- تاخذ لك ذبيحه كامله وتقطعها ثلاجه وقسمها في اكياس وزن كيلو ورح للاحياء الفقيره وبتحصل الي ينتظرونك عند الابواب وكل بيت مد اهله بكيس

والله بيدعون لك

تقدر تطبق الطريقه هاذي على لحم والا دجاج والا حاشي او حتى فواكه مثل الجح او الرطب متوفر هاليومين وما راح احد يردك

ولا تنسى تاخذ الصغار معك تعودهم على الصدقه
فالصدقه فيها

- دفع للبلا
- شفاء للمريض
- نماء المال وزيادته
-بركه في المال
- تقي مصارع السوء

والي يسال عن الاحياء الفقيره في الرياض
منها
العود ومنفوحه والمنطقه الي حول شارع عسير هذا في جنوب الرياض
وحنا في رمضان شهر خير ورحمه فأرو الله منكم خير