الشاعر اللي كتب
 

الشاعراللي كتب فوق الورق حبره
افهم حروفه وماتعني عباراته

من لايقيس الامورو ياخذ العبره
يضيمه الوقت ويكبر معاناته

ومن لايجرب ويكسب فالزمن خبره
تضحك عليه العرب وتصير شماته

واللي بدرب المراجل قاصره شبره
محدن من الناس يفرح في موالاته

ومن كان عزمه ضعيف ونافدن صبره
يبطي وهو مايحقق ربع غاياته

واللي يغره زمانه واتضح كبره
يبلاه رب الملا في شر سياته

عمرالفتى دورة الايام تختبره
ويجول في زحمة الايام مع ذاته

كانه تعب في الصغر يرتاح في كبره
وان كان راحت عليه تضيع هقواته

صحيح بعض الحظوظ تكون منثبره
تشح عند الفتى باصغر طموحاته

وان كان بالوقت جاء ظني على خبره
من قل ماله تعاف الناس جياته

احيان حزن القلوب تبينه نبره
واحيان بعض الوجيه يعلم سكاته

يارب قالوا عليك الحل والدبره
اغفر خطايا العباد احيا ومواته.