والله هزئني وانا شايف حالي حبتين !!!
 

حياكم الله يأخوان والصراحه اكلمكم وانا طايح وجهي بس عاد العذروالسموحه
الموضوع وما فيه كنت رايح الخميس افطر عند الوالده باالقصيم كاالعاده إنفاذا لأوامرها الساميه علي كل افراد العائله من كل خميس المهم صليت العصر باالرياض وحركت علي القصيم وطبعا سيارتي جيب لكزز 2009وهنا مربط الفرس مالك باالطويله كنت حاط رجلي شوي يعني دايس وماسك المسار الأيسر وش علي محد قدي صافط طبلون الكزز دايس علي سرعة 220 المهم مادريت إلا موتر يكبس لي يعني افتح الخط واطالع باالمرايه اثاري السياره كابرس قديم لا بعد ولموزين اللمبه الي فوق تبي تطير من السرعه فتحت الخط وماني مصدق وش عنده ذا انا الصراحه خذاني الغرور وقلت خله يروح شوي وابي اشطفه نعلمه قدره خليته يروح هو عداني وانا ادوس وانزل علي 240واكبس باالنور علشان يفتح الخط يوم جيت جنبه ويدوس ويتعداني وانا ماشي 240 قسم باالله انقهرت والي قاهرني اكثر انه مركب معه 5 افغانيه موديهم طلب للقصيم وماقدرت اطوف عليه الصراحه ضاع وجهي والأفغانيه يتلفتون علي ويظحكون وشلون ارد اعتباري اتهزئت يررجاله ...
شاكر مروركم لو ان الموضوع ماله اهميه بس حبيت مشاركتكم باالي صار معي وانكم ما تتوهقون وتحتقرون احد ....