|
)) برو بآباءكم تبركمـ ابنائكم (( قصة عقوق .. بسم الله الرحمن الرحيم الحمد لله رب العالمين والصلاة والسلام على نبي المرسلين اما بعد : ــــــــــــــــــــــــــــــ : لا أطيل عليكم : ـــــــــــــــــــــــــــ )) برو بآبائكم تبركم ابنائكم (( ــــــــــــــــــــــــ القصة تتكلم عن شاب ,, هداه الله ,, كان يسكن معه والده فتزوج هذا الشاب فسكن في نفس الفله التي كان يسكن مع والده فلما تزوج هذا الشاب ومرت الايام قالت زوجة الشاب يا فلان ما تحس ان ابوك مضايقنا في السكن و البيت صغير والحين عندنا ولد وبكره بيجي عيال اكثر انشاء الله ! يعني لو تقول لابوك يطلع من البيت !! الشاب في اول مره نهرها وقال ماتبين ابوي الباب يوسع جمل .. فسكتت زوجته ومرت الايام فكررت زوجة الشاب هذا الكلام يابو فلان ما تحس ابوك مضايقنا في البيت .... الخ .. ! فنهرها مرة اخرى ! فكررت الزوجه الموال وبد يوسوس الشيطان لهذا الشاب فذهب الشاب لوالده الطاعن في السن شايب مسكين .. الخ .. فقاله يايبه تعرف العيال بدو يكثرون ولله يابوبي لو تسكن في الدور الي تحت وحنا فوق !! فالشايب مله نفس يجادل ولده !! وقال ولله ياوليدي زي ما تشوف ! فسكن هذا الشايب تحت ومرت الايام ومرت الايام ومرت الشهور ومرت الشهور ! قالت زوجة الشاب يابو فلان ولله العيال كثروا لو تطلع ابوك من البيت فقال الشاب ! لالالا ! فكررت عليه الزوجه ووسوس له الشيطان فذهب الشاب لوالده المسن قال ولله يايبه العيال كثروا ماودك تطلع للملحق !! قال الشايب المسكين ولله ياوليدي زي ماتشوف فسكن الشايب في هذ الملحق الخرب يالله حصل سرير فمرت الايام والشهور !! وسوس الشيطان لهذا الشاب فنسي والده فاصبح يزوره في الاسبوع مره والشايب ما يقدر يمشي وفقير ويالله الشاب يجيب لبوه الاكل ! المهم الشايب ما عنده الا ثلاث فنايل واصبح الله يكرمكم اذا عرقت فنيله غيره لثانية والثانية بدلها لثالثه ! وعلى نفس الحال ! فدخل مره هذا الشاب على والده ورآه متوفى فغسلوه و كفنوه وقبروه وصلو عليه وعزوه ولما خلص العزاء دخل هذا الشاب لغرفة والده وو لد هذا الشاب الذي يبلغ من العمر 9 سنوات ! ويوم خلصوا منظفين الغرفه وجد هذا اشاب ولده ممسك بصحن جده الذي ياكل فيه وكان هذا الصحن متهالك فقال الشاب لولده ياوليدي هات الصحن نذبه قال الولد لالالالا يايبه ابي هالصحن قال والده وش تبيبه هاته بس نذبه ياوليدي خربان الصحن هات نذبه قال لالالا ابيه قال والده وش تبي بها الصحن الخربان قال الولد ابيه قال وش تبيبه قال الولد خله اذا كبرتا يايبه احط اكلك فيه !!! فانصدم الشاب صدمه غير طبيعيه فتذكر ما فعل بوالده وبكى بكائاًً شديداً فذهب و دعا ربه ان يتجاوز عنه مافعله وما عق به والده وتذكر (( وقل ربي ارحمهما كما ربياني صغيراُُ )) ــــــــــــــــــــــ اتمنى اني وفقت في كتب هذه القصه وعمت الفائده على الجميــع ـــــــــــــــــــــ تقبلوا تحياتي اخوكمـ / واوك :good2: |
| الساعة الآن 01:48 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir