حصل لي قبل يومين
 

<div><div align="center">بسم الله الرحمن الرحيم

قدر الله علي قبل يومين اني اطلع لصيد ( الفري ) بعد محاولات وواسطات ومناحل

قلت ياولد اطلع معاهم علمهم وشلون الصيد والرمي و و و و .... الخ

طبعا العيال اعمارهم 20 وتحت نفرين ومجهزين كل شي من ( شوازل + ماطور + جهاز للفري + كشافات + الفشق + محول كهرب ) .... الخ

وانا لقطت بيدي البيكال ودستتين فشق وتوكلت علي الله والوعد بالسالمي

المهم رمينا وستانسنا وصليت الفجر ويوم شق النور قلت مشينا نبي الدواجن فيها خير باذن الرحمن

المهم انا علي موتري وهم علي موترهم وديتهم عند قصب ومنقع ماي يتجمع عليها الطيور

وانا رحت من يسارها ووقفت السياره وقمت اتمشي ادور الفري بالدركال ( حصا وجذوع شجر )
اشوي ولا الرمي اشتغل 5 * 5 ويهجد الرمي ثواني ويرجع يشتغل 5*5 والمشكله مسكت الارض لاني تقريبا علي مرماهم وناظر ابيلي شي طاير بالسما غير ( الزرزور ) مافي

المهم يوم وقف الرمي رحت يمهم وقلت علامكم :
قالو والله طحنا بالصيد ورمينا لين تعبنا : ؟؟؟؟؟