منتدى استراحات زايد - تأجير المزارع ليش وإلى متى ؟؟؟؟؟

بسم الله الرحمن الرحيم .....

والصلاة والسلام على اشرف الانبياء والمرسلين نبينا محمد وعلى أله وصحبه أجمعين

ياهل القنص حتى هوايتنا صار بها تجارة .... النزل (هجرة الطيور ) بشكل عام نعمة من رب العالمين

لكن هل المزارع اللي مايخافون الله يستغلونها استغلال بشع جدا وبشراهة

انا أقول لك المزراع مثلا بقبه اقلها هاللحين 600 واعلاها وصل 1500 لليوم

وشو هالخبال ؟؟؟؟؟؟؟

ياناس والله مايستاجرها إلا هالمدن اللي توهم طايحين بالصيد يروح يستأجر المزرعه ويقعد له يومين بالله وش لون يحس بطعم الصيد

الصيد حلاته بتدويره مابين الشعبان والسهول والمزارع والتعب :D والله كذا له طعم

لكن ناس لاهي للصيد ولاتعرف له

المهم تبون تقولون من حقهم الناس يزعجون :p انا أقول صحيح في بعض الناس مزعج بشكل غير طبيعي

انا أقول اللي يزعجك قم واطرده حلالك .... واللي جاي يتصيد واديب ياخي خله يتصيد منها اجر ومساعده للناس وذي هوايه جيده وهواية رجال ومطانيخ ساعد عليها

وأنا مستعد أبرز بطاقة الهوية لصحاب المزرعه بس يدخلني اتصيد أذا كا خايف اخرب ولا شي وغير برضه مستعد

اما أنك تصير شرهه وحالتك حاله .... حاطن دون المزرعه جيبين وعمال ومسكر المزرعه وملاحق لا وخباثة كلام ونفس ... والله اللي يشوفه يقول ذي محميه ولا حديقة عوايل؟؟؟؟؟؟؟ باقي شوي ويحط صعيدي ومعه خيزرانه وميكرفون :director: ينادي تقل بعرس ؟؟؟؟؟؟؟؟

الاعتراف بالحق فضيلة الحقيقة ما أملك السيولة لأستجار مزرعة بالأقيام ذي :)

لكن يشهد الله لومعي مادفعت ولا ريال لهم يبطووووون :no2:

والله وصلت الدناءة فيهم إلى تدخيل الناس وحسب الوقت عليهم يعني أدخل ساعه وب 100 ريال تقب بملاهي الحكير ؟؟؟؟؟؟؟ :looney:

والله مصيبه

والمفروض أنا وغيري مانتسأجر عشان مايتمادون بأسعار خياليه :mad:

لو قلنا ان استجار المزرعه يوم ب 200 ممكن نقبل ونتغاضا :jلكن 1500 ريال استهبال هو ؟؟؟ :eek:

ولا النفر ب 100 ريال ساعهه وحده ؟؟؟؟ :eek:

اانا أٌقووول وقفوهم عند حدهم :good2:

وفيه ناس بمنتدانا أصحاب مزارع ويسووون تشهير للمكانهم مو تشهير للمزرعه للمكان اللي حول المزرعه عشان تجي ;)

أنا أطلب من المنتدى والقايمين عليه يحذفون المشاركات اللي زي كذااا تأجير مزرعه ولا تشهير للمناطق بشكل مو طبيعي زايد عن حجمه

واطلب محد يحذف موضوعي :p:D

وابي ياشباب تفاعلكم و ردودكم هل تأييد تأجير المزارع للصيد ؟؟؟ وشاركونا

وتقبلوا خالص ودي واحترامي للجميع