منتدى استراحات زايد - قصيدة ترحيبية

السلام عليكم ورحمة الله وبركاته
هذه القصيدة ترحيبية بصاحب السمو الملكي الامير ممدوح بن عبدالعزيز عندما كان اميرا لمنطقة تبوك

سميت باسم الله ونويت انا اجيب *** ومن بعد ذكر الله نبدا الاجابه
يامرحبا بممدوح مليون ترحيب *** واعداد ماهل المطر من سحابه
امدحك ياممدوح ياراعي الطيب *** ابوك قبلك هامله واعتلابه
اليا هام في يمناه يدم المخاليب *** حرن اليا جا الصيد قام يعثابه
يلقاه من ينصاه عند المصاعيب *** وقت عديم وقت لين جنابه
فولاذ من فولاذ عطب المضاريب *** وقت الحرابه كل قومن تهابه
وقت المغازي ماحسب للمكاسيب *** كسبه روابي نجد عذى جنابه
عذى جناب الدار عن الاجانيب *** وصارت لها قيمة ويحسب احسابه
عقب ماكانت بين نهبن وتخريب *** نهج الشريعه بالمسير اهتدابه
صقر الجزيرة هام شرقن وتغريب *** ومن قادها للعز قالت هلابه
بقيادة اللي شرفوها عن العيب *** تجملت والعز لبست ثيابه
ومدحي لهم من دون شكن ولاريب *** هم اهله والهرج يعرف صوابه
وختامها ذكرت من يعلم الغيب *** من تاب يبي ارضاه ماصك بابه
وصلاة ربي عد مابا لمكاتيب *** على شفيعن لامته والصحابه

شعر غدير عضيب الجعفري العنزي