|
من يوم وخذت ناقتي ضايق البال\. قصه عوض السبيعي بسم الله الرحمن الرحيم السلام عليكم ورحمه الله وبركاته اخواني من مشرفين واعضاء وزوارهذا منتدى الكبير لقد سمعتم وسمعنا قصص كثيره عن الكرم والشجاعه وكرم الاجداد الذي يكتبه لنا الموروث من احرف من ماء الذهب قصه اليوم هي او دعوني اقول لكم تختلف عن باقي ما طربت مسامعنا من قصص الابطال قصه عوض بن علي السبيعي كان هناك المزكيه الي يلفون على الباديه ويزكون حلالهم وطلبو من عوض قيمه النصاب . وكان في ذلك الوقت قيمه النصاب خمسه ريالات فرنسيه وكانت متداوله في ذيك الايام وعوض في ذاك الوقت ما عنده فلوس وكان عوض يبحث عن شخص يسلفه الخمسه ريالات ولاكن ما حصل احد وقالت المزكيه نبي نا خذ من اطيب نياقك مقابل هذا النصاب وقال عوض ياجماعه الخير ما ظلمتوني وهذا حق من حقوقي الله على وهو ثالث اركان الاسلام وواجب على وعلى غيري اني اجيبه ولكن ياجماعه الخير الخمسه ريالات ما قدرت اوفرها والناقه الي انتم طلبتوها هي اطيب حلالي وانتم تعرفوف محبه البدو لي نياقه بس الله لا يهينكم امهلوني إلى باكر وانشالله اجيب الي انتم طلبتوه وتخلون الناقه الغاليه عندي قالو خلاص حنا نبي نمهلك إلى باكر . ويوم امهلوه راح عوض يدور من الي يسلفه وقام يسئل فلان من تتوقع انه يسلفني الفلوس الي انا ابي وذكروله ربعه إلى واحد يقاله دغيم الصانع ودغيم معروف في الكرم والشجاعه والسمعه الطيبه وكان من الشعراء الكبار وكان يتداولونه الناس عند كرمه ومواقفه المشرفه ورجل موفق في فعل الخير ويساعد المحتاج وراح عوض السبيعي عند الرجال وقاله انا ابيك تسلفني خمسه ريالات الفرنسيه إلا ان الله ييسر الامور وابيع من حلالي واسددك الفلوس وكان دغيم فيه ذاك الوقت يوم جاه عوض ما معه شي لا فلوس ولا غيره لكنه من خصايله الطيبه ومن حرصه لي الفزعه قاله ابشر باخيرإنشالله وقال لازم اقضي لزوم هذا المحتاج يوم جا في بيتي وقام دغيم الصانع فك محزمه بندقيته وطلع منها خمسه امشاط فشق رصاص وباع منها خمسه امشاط وكل مشط بريال مقابل خمسه الريالات الفرنسيه وعطاه عوض وراح عوض ولحق على المزكيه وعطاه الفلوس واتركو ناقت خلف الطيبه وعوض السبيعي قال هذا الرجال قضى لزومي وماعندي شي اجازيه فيه إلا اقوله ابيات واتمنى اني اوفيه بعض حقه وفعلاقال عوض ابيات جميله الله من قلب غداله دمنمال وإن حال ياعرب بالي ما دريبي من يوم وخذت ناقتي ضايق البال مالي زداء ياربي انك حسيبي لولا دغيم جابها كان محتال ياسعد عيني يوم حبلي قصيري ابو سعود الي من الربع رجال لاشاف الامر ماكايد ما يهيبي والقصيده يا اخواني اطول من كذا ولاكن يعلم الله ما حفظت إلا الكم بيت ارجو ان السالفه حازت لكم واسمحولي على الاطاله وتقبلو تحيات محبكم اخوكمـ محمد الظاهري،،، |
| الساعة الآن 02:40 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir