الصقر يبيك انت ولا يبي العلف الي عندك ؟ ....رايك يهمنا
 

بسم الله الرحمن الرحيم ...السلام عليكم ورحمة الله وبركاته ..اولا مبارك عليكم الشهر واسال الله ان يتقبل منا ومنكم الصيام والقيام.

سؤالي اليوم هو هل الصقر يبيك انت لانه يحبك ولا يبي العلف الي عندك ؟؟
انا كنت جالس مع واحد من الربع الله يذكر بالخير وقعدنه نسولف فقالي والله يا خوك الطير لابد ان يحب راعيه ولا ما يجيه ..وانا اقوله كلامك سليم مافيه شي لكن هالطير مو قطه او كلب او خيل (تكرمون النعمه والسامعين) هذا طير حر ...والشي الوحيد الي بينك وبينه العلف لا صار الطير جوعان يطيعك ويجيك لكن لو شبعان والله ما يعرفك ...قالي انزين شلون ؟ قلتله انا مرة علفت الطير زيادة ..وجيت ابدعيه اليوم الثاني (وعلما الطير كان معي سنه وشوي) ويوم طار ما جاء صوبي واصيح واصيح ولا هو بصوبي ..فانا اقول الطير ما يطيعك لانه يبيك ويحبك .. الطير يبي العلف الي عندك فقط لا غير!!

طبعا يالربع انا كلامي ممكن خطا وممكن كلام خويي صحيح ...فقلت اطرح الموضوع وان شاء الله تعطونه اراؤكم...والعلم عند الله .

جزاكم الله الف خير يالنشاما واشكركم شكرا جزيلا
تحياتي الطيبة اخوكم فالكن 1