|
عندنا مبدعين هنا طيب ليه مايصلحون لنا (( خريطة مكشات )) السلام عليكم ورحمة الله وبركاته كل عام وانتم بخير بارك الله لنا ولكم في رمضان .... الصراحة كثير ماافكر واتسائل بيني وبين نفسي اقول : عندنا كثير من الشباب هنا من اعضاء المنتدى ماشالله مبدعين وفيهم من الذكاء والامكانيات والعلم والطموح الشي الكثير اللي يخليهم يفككون الخرائط والاجهزة وماتعوق معهم اي مشكله الله يجزاهم كل خير :r طيب ليه مايتعاونون بينهم ويصممون لنا خريطة صحراوية بريه خاصة لمكشات تفيد المنتدى وتفيد الاعضاء والناس وتفك الكثير من جشع الوكلاء واستغلالهم ؟ وبعد مانتمكن من التصاميم وتنجح الفكرة مكن تتطور الفكرة ويتم استقدام اجهزة خاصة من الصين باسم اجهزة ( مكشات ) محمل عليها برنامج وخرائط مكشات الخاصة ويكون ريعها اوفائدتها لادارة المنتدى والاخوة المشاركين بالتصميم والانتاج ويكون سعرها معقول وفي متناول الجميع :good2: وممكن نتبرع لدعم الفكرة والمشروع باي مبلغ معقول تحدده الادارة واظن الكثير راح يساندون الدعم والتبرع والله اعلم لانها بتفكهم من جشع الوكلاء وابتزازهم واستغلالهم عند الشراء اوالتحديث وكذلك بتكون كاملة والكامل وجه الله بدون مشاكل او اخطاء وتكون المرجع الوحيد لهم هي فكرة راودتني من ناحية الخرائط وحبيت تشاركوني فيها وتعطون ارائكم بين القبول او الرفض :) |
| الساعة الآن 09:41 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir