http://www.iraqup.com/uploads/ym5HG-K2b470941.gif

ابجمع مابقى مني لحبـك والزمـان إن طـال
يذكرك الحروف اللي بوصفك كيف صاغنـك

عساني ماخلا منك فديتـك والبيـوت جـزال
قصيد الوجد لعيونـك وبنـات الفكـر يتلنـك

غناتي يابعد عمري نصيتك والحمـول إثقـال
جيوش الضيق والغربه وبٌعـدك جـن يبغنـك

ابا.. الضيقه على صدرك تحن وتعلن الترحال
وأحس اني من ضلوعك قريب وارتوي منـك

ولا بظمى مادام اني رويت من الـزلال زلال
رويتك ياغلا وجدي وبيوت الشعـر يرونـك

وابا الغربه لياشفتك وطن واسع ولي منزال
ابسكن داخل عيونك عساني ما ابتعد عنك

أبنسى مامضى لأجلك من ايام مضـت وليـال
وأغنيلك من ابياتـي قصيـده عمرهـا فنـك

وأنا .. من قبل اعرفك ماعرفت إن الليال طوال
وعشت البعـد وليالـه عساهـن لـي يردنـك

وابا.. بعدك لياجيتي يعوض مامضى بوصـال
يعوض باقي أيامي وجروحي كيف يرضنـك

وعساني ماخلا منك ليامنـك شرحـت البـال
غناتي يابعد عمـري عسانـي ماخـلا منـك


http://www.iraqup.com/uploads/ym5HG-K2b470941.gifغناتي يابعد عمـري عسانـي ماخـلا منـك http://www.iraqup.com/uploads/ym5HG-K2b470941.gif



.+ شــمــوخ عــراقــيــه +.




http://www.iraqup.com/uploads/ym5HG-K2b470941.gif