|
جاتنا متقاطره وكنها غربان....فرزقني الله بالقمراء الكبيره,,,,,,,ذراع الذيب بسم الله الرحمن الرحيم ماشالله تبارك الله السلام عليكم ورحمة الله وبركاته,, مساكم\وصبحكم الله بالخير جميعا مشرفين واعضاء وزوار منتديات مكشات اسعد الله اوقاتكم بالخير والمسرات وكل عام وانتم بخير ومبروك عليكم شهر الصيام ويجلعنا وياكم من صوامه وقوامه كيف حالكم عساكم طيبين كلن بأسمه من,, الصغير للكبير جيتكم اليوم بموضوع سطرت فيه مشوار مقناصي لمطراد الوحش,, عام 1430 هـ العام الماضي وارجو من الله ان يحوز موضوعي على رضاكم ويرتقي,, لذائقتكم الطيبه ,, مع بداية شهر شوال العام الماضي جاتنا بشاير الخير من الطيور المهاجره من حرار,, وشواهين وجانا ذكر طرحها اولا بالشمال وكانت تجيني اتصالات من يمهم يبشروني,, بطرحها وكل ماجاني خبر عن طرح طير افز الفزه اللي مابعدها وكل مره يزيد شوقي,, والتياعي وانا وقتها اداوم بالعمل واجازتي كان موعدها 21 \10 هـ وكن ذاك اليوم,, موعد انفراجي من سجن اعوذ بالله ماهيب اجازه اتحراه بشوق ولهفه ومن ضمن,, الاتصالات اللي كانت تجيني وكنت اتمنى للي يتصل علي من الطواريح ان يبشرني انه,, طرح طير واتصل علي الساعه 9 صباحا صديقي العزيز محمد الحويطي من طواريح منطقه الوجه وقالي ابشرك ياخوي طرحت قرناسه تامه قبل ثواني بيض الله وجهه,, على طول اتصل علي يعلم علي الله اني فرحت وكنه انا اللي طارحها وراحت بقيمه طيبه,, , , , يستاهل كل خير وهذي صورتها , , , وهذي صوره ثانيه لها وبقي اسبوعين عن اجازتي واشوفها شهور ماهي اسبوعين,, وكل يوم تزيد الاتصالات ويزيد الطرح هههه ماشالله تبارك الله وخوياني وكنهم يبون يحرقون اعصابي,,, ههههه الله يسعدهم دنيا واخره وجاني هالخبر ماشالله تبارك الله وهي قنبلة الموسم,, للشواهين القرانيس طرح صلا اول قرناسه انطرحت والاغلى بذاك الوقت يستاهلها راعيها,, ابوثنيان السهلي ومتبوعه ماهي مجبوعه والله يرزقه كل سنه بالطير الطيب ويرزق المسلمين اجمعين,, راحت باربعين الف ماشالله تبارك الله وهذي صورتها,, وانبير الحراره وصل اتش ههههه ويريد الله وتبدا اجازتي واتوجه للساحل وكني غبت,, عنه شهور وسنين , , , وهذي الصور في ايام رمضان كنا نجتمع وندرب طيورنا على العقب,, والحقبيات والطرادات العليميه نعلمها اول شي على الشبابيط ,, وبداية تعليمه على الشبوط مهم جدا الين يتعود شي فشيا,, , , , http://www.mekshat.com/pix/upload04/..._kdkdk (9).jpg وهذي فرخ شياهين لاخونا ماجد شرف(سواح) شيهانه طيبه ماشالله عليها , , , وهذا طرادي ردام ياكم تعلمو على يده وكاره وشياهين ههههه , , , تعليم الطراد على العقب اهم شي لاواجه الحر العاصي مايشوفه شي وهذي الشيهانه لخوينا بن رشدان ماشالله عليها فيها شجاعه ماعمري شفتها بطير,, العقب الحبشيات تحولها تحويل ولاتهاب وهي عند العقب الحبشيه كنها عصفور عند طير ويقول شاعرنا المعتزل ووكريه وشيهانه ندربها على التلحيق ............................................اذا من الوحش علا يصيبه منها رجه نعلمها فنون الطرد والترديد والتعليق ................,,,,,,,,,,,,,,,,... ومنه يخاف مايقوى على الروغه ولا الهجه وهذي الصوره في ايام رمضان كنا جالسين نتحرى اذان المغرب الله يسقي ذيك الايام تسوى عندي كل شي بسبب انها مقبلين على مقناص وتطليق طراداتنا وطعمها الخاص برمضان وفروخ الشواهين جاهزه وردام جاهز وفي يوم من الايام وكان اول اسبوع لي بالساحل سرحت من العزبه مع شقة النور وكنت متوجه غرب ويوم جيت لابيار العد واتركد وانا خارج من فج والارض قدامي مكشوفه ووقفت قلت خلني اتمركز واسبر المنطقه ويريد الله واشد الدربيل يم ضلع واللي هاك الوقع الطيب اللي متنكره عيني واقربله واشد الدربيل مره ثانيه والا هاك الطير اللي يقول وينك يامدورني قرناس حر وانا اقول في نفسي ابشر بسعدك ياذراع الذيب واحذف له الزريق والا الطير ماتونا هد والنور مابعد فسر,, وشفت بالطير شي ازعلني وافرحني في نفس الوقت والا سبوق يلاوح,, بياديه وازهم على الجهاز على اللي مضيع له طير وكان راعيه بمكان قريب منا والطير تنكر عليه بالامس وراح الطير بالجبال ويريده الله واطرحه وكسب الجميله هي الاهم ومبروك العقيله ياراعيه وبعد مامسكنا الطير ويزهم واحد من القنوص في نفس الوقت يطلب الفزعه حصل قرناسه شياهين ونتوجهله ويصفون الفزوع مع بعضهم هذا اللي يصير وقت المحاول تنظيم وتقف المواتر مع بعضها , , , ويحاول الطير ابوهاشم والطير موجود بوسط الصوره لكنه ماهو واضح ويريد الله ويجينا ابو قبيع ضباب خلانا ماعاد نشوف شي وتطير الشيهانه وضيعناها بوسط الضباب مثلوثه ماعليها حسايف لكن عسا الله يرزق راعيه بابرك منها وانطرحت بالبحر , , , وهذي السرحه اللي دايم نحب نجتمع فيها بالقوايل ونسبر الحوم فيها العزبه موجوده وقريبه لكن مجلاسنا بهالمكان له طعم خاص ويقول شاعرنا القرناس المهاجر ياكم تواعدنا بزين المقاييل.....وياكم تمركزنا وجينا حراويه , , , وهذا انا وردام في احد برق صلا نراقب ونرجي الله لعل يجينا طير من عالي الحوم ومراقبه طيبه من ردام يرصد لكل عابر بهالمنطقه ماشالله تبارك الله,, ويقول شاعرنا ابوعون والطير مستانس مهلا يتفلا يقلب ليامن شاف حوم الظهيرة ردام لسان حاله يقول ايييه ياذراع الذيب لنا كم يوم ماشفنا شي بالحوم ماغير هالحقبيات والعقب والشبابيط ماودك نتوجه جنوب والله ابشر بسعدك ,, يالله توكلنا على الله ,, , , , وجينا قانصين في ابوشداد او ابوشدادين هالجبل اللي سطر التاريخ والتاريخ سطره الرشايده بالسودان يذكرونه في قصايدهم وسبب تعلقهم به لانهم كانو,, يسكنون بهالمنطقه قبل لايرحلون للسودان وهذا الجبل اللي بات تحت سفحه المرحوم محيسن العاكور قبل اكتشافه لمنطقة مجيرمه وسبب هالتسميه لانه يشبه لشداد البل ويقع بمنطقة الشعيبه,, وهذا الطير من اغلى الطيور اللي انطرحت فيه وهو طير ثامر الحربي بيع 380000 الف هالجبل ملفى للنوادر ياجعل المشاريع,, والبنيان مايصله اللهم امين , , , للموضوع بقيه ارجو الانتظار |
| الساعة الآن 12:30 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir