منتدى استراحات زايد - فزعتكم الله يخليكم

السلام عليكم ورحمة الله وبركاته
ابارك للجميع هذا الشهر الفضيل
نسأل الله أن يعيده علينا أعوام عديده وسنين مديده
وأن يكون البياض سمة أعمالنا في هذا الشهر ومابعده وأن نتخلص من جميع الذنوب والخطايا ماعظُم منها وماصغر
وكل عام وانتم بخير

مشكلتي ياشباب حاجتين

انا معي جيب gx شاريه من اليحيى يعني خليجي
موديل 2009 6 اسرندل
جديد الموتر

المشكله الله يطول بااعماركم ويمدها بالصحة والعافيه

عندي صوت بالمكيف يطلع من عند المكرهـ من عند رجلين الراكب
رحت فيه لم احد الورشات قال يمكن فيه قرطاسه او شي عالق فيه ويطلع صوت
طبعا الصوت يظهر احيانا اذ ضربت مطب او يظهر تلقائي على حسب مزاجه :D

المشكله الثانيه اللي يسلمكم

فيه صوت عندي بالمكينه
من يوم شريته

الصوت لا دعست يطلع تك تك تك كل ما زدت بالسرعه زادت
لكن الصوت مره خافت

انا ملاحظها من اول ماشريته بس قلت يمكن كل الجيوب فيها كذا

انا تحليلي لها يمكن فيه تنسيم بالقزوز

لكن تفاجئت يوم جيت من السفر قبل مده ان الصوت اختفى
بعد يوميين رجع

ياترى وش يكون هذا

انتظر تعليقاتكم الله يسعدكم