@يابحر@
 

يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..

ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..

وأقسى من جروح الزمان .. العطايب !!

وإن كان تنشدني فأنا .. مقدر أخفيك ..

دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..

إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..


ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..

يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..

ولاتنشد اللي غاب .. وين أنت .. غايب

وإن شفتني غايب .. عن حدود .. شاطيك ..

أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..

لأني .. أنا .. والموج .. صرنا .. حبايب !!
.................................................. ......................
منقووووول

الســــــــــــلام عليكم ورحمة الله وبركاته

صح إلسانكـ

واعتلى شانكـ

تسلم ع القصيده الغاااااااااااااويه ..

الله يعطيكـ ألف عاااااااافيه

تحياتي لكـ

فــــــــــــــــــــزاع

تسلمين الغلا

http://up.joreyat.org/10Jan2008/567b...6d991e2218.gif

http://up.joreyat.org/31Dec2007/r15r...antic10059.gif

[ صح منطوق الشاعــر ]

كلمات بأحساس حزين

ربي يعطيك الف عافيه ع الطرح الراائع

اختيار موفق في الطرح

وربي لايحرمنى من يديدك

السموحه ع القصور

اختكم

الميث

[ تم نقل الموضوع للقسم المناسب ]


http://up.joreyat.org/31Dec2007/r15r...antic10059.gif

http://up.joreyat.org/10Jan2008/11ba...0203d5de33.gif