|
حال بنات هالايام بعد مشاركتي الاولى في منتدى الحوار والنقاش وبعد ما شفت ان في ناس قاعده تشوف وتقرا معظم المواضيع فيه حبيت اضيف هالموضوع ولو انه في بنات ما بيعيبهم هالموضوع لا وشباب بعد. اذا لاحظتو يا اخوان في هالايام معظم البنات الي تبا تطلع عالسوق والا تتمشى تحط كل انواع المكياج في ويها والعطور والملابس الي الله يعين عليها طبعا احنا ما قلنا شي لان البنات مفروض ويستحسن انها تتعدل وتترتب وتكون حللوه بس مب فالسوق والا فالمول فالبيت وعند ربيعاتها . لا والي رايح فيها الشباب الي ما يصدق يشوف بنيه الا سار يرقمها وبصراحه ما لوم الشباب العتب على البنات لان الواحد منا كم بيمسك نفسه عن هذي والا هذي والا هذيك وين ما يصد يشوفله وحده لا واذا كان منحوس راح في عينها يا ان البت تسبه والا ان التحريات بالمرصاد واذا كان مركز فالبنت وهو يسووق راحت السيارة اسالو المجرب . وانا ما اريد البنات يزعلون عينا علا هالطرح بس حبينا نبه البنات والشباب الوحد يحاول يمسك نفسه والا انه راح فيها وهذي حكمه سمعتها من الشيبه (الشجره الي ما فيها ثمره محد يها ولا تنرمى بالحصى) واتمنى من جميع الاخوان والاخوات المشاركه وابداء الرأي والسموحه |
صدقت آلسآع أخؤي ahamad ؤآآيد بنآت جي >> رؤحي بنت بس مب مثلهم آلحمدالله .. أحمد ربي وأشكرة اني مب مثلهم .. و لازم البنت تحاسب على عمرها .. يعني تحط كحل و شوية جلس .. .. بس بنات هالأيام اللي يشوفهم يقول رااايحه عرس مب رايحه السوق ولا المول و الشباب .. يمسكون اعمارهم .. كل ما شافوا وحده راحوا وراااها .. >> حمدالله ان مب كل الشباب جي مشكؤؤؤر اخويهـــ ع آلطرح المفيد تقبل مروري تحياتي Bno0ota |
السلام عليكم ورحمه الله وبركاته في البدايه أشكرك على هالطرح المميز :) بالنسبه للبنت اللي تسير السوق والمولات بالمكياج أعتقد إن المكياج المفرط فيه ماله داعي في الأماكن العامه وخاصه جدام الشباب أولا لان هالشي حرام وثانيا بتاخذ ذنب هي والناس اللي تجوفها المفروض تكون محتشمه ومرتبه وبالنسبه عالمغازل ترا الريال ما بيتجرأ يغازل وحده محترمه ( والصراحه في زمنا الحين البعض منهم وليس الكل الريال صار يستحي والبنت لأ ) والله يهدي الجميع ان شاء الله والسموحه |
اشكرك على هالطرح المميز بس حبيت اقولك مب كل البنات جي طبعا انا مب من البنات الي اتحط ف ويها اطحيين !!! ما اقول غير الله يهديهم .. واحمد ربي اني ما وصلت لهالحاله !! ^ ^ |
يقولك .. البنيه ترتاح نفسيتها لمن تحطي الميك أب .. و تكشخ ع الآخر .. و عقبها تظهر ع السوق و لا المولات .. نفسيتها ترتاح لمن يشوفونها الشباب و لا يسوولها حركات .. ماتصدق الا هه .. ممكن اذا ظهرت السوق بلا ميكاب .. ما بتكون واثقه من عمرها كثر ما بتكون لمن بتحطي هالصبغه في ويها ^^ الحجه ---->->-> عايشات حياتهن ^^ لكن بالمجلوب ؟؟؟!!!!!!! :unsure: |
| الساعة الآن 12:07 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir