منتدى استراحات زايد - سيارتي كابريس 2000 ss وعندي استفسارات محتاج اجابها لها ؟

السلام عليكم ورحمه الله وبركاته وبعد ،،،
كل عام والامة الاسلامية بخير ونعمة ورمضان مبارك على الجميع ،،

---------------------------

سيارتي كابريس 2000 SS والحمدلله ماشية طيبة معي ولكن في الفترة الاخيرة ظهرت 3 لمبات تحذيرية على الطبلون مزعجة نوعا ما وهي :

- لمبة الراديتر شغالة على طوال علما بان موية الراديتر لم تنقص ولايوجد تهريب للراديتر ،،،
- لمبة SRS حقت الوسادة الهوائية ولاادري مالسبب ..

- لمبة Service engine soon ماادري وش السبب .

وديتها لورشة سهم بالدمام (الخضرية) ودفعت 200 ريال فحص شامل وطلعولي لستة وش طولها تكلفة شغل اليد 4900 ريال من غير القطع . انهبلت صراحة .

- فية برضة اذا كان المكيف شغال ودعست على الموتر شوي ،، مثلا اذا كنت واقف عند اشارة وتحركت يكتم المكيف حوالي 15 ثانية وبعدها يدفع هواء مرة ثانية ويستمر الى ان اوقف مرة اخرى . ماادري وش السبب.

اللي عندة نصيحة اخوية لايبخل علينا فيها ..