منتدى استراحات زايد - آآآآآآآآخ يالقهر خسرت 7 الآف ريال وماصلح الدفرنس

السلام عليكم ورحمة الله وبركاته

اسعد الله اوقات الجميع بكل خير

عندنا سوبربان موديل 2003 وارد العيسى

السيارة نظيفه جداً ودائماً في البايكة وما مشت الا 100 الف كيلو

المهم السيارة طلع فيها صوت عند سرعة 40 إلى 60 ويستمر

وديتها لثلاث ورش وكلهم قالوا الدفرنس لازم يوظب

قلت توكلنا على الله ووديته لورشه بالقرب من البيت وشركة مشهورة

قالوا شغل اليد 1200 ريال والقطع كل شيء بالفواتير

المهم اشتغلوا فيه وعطيتهم حسابهم 7000 ريال

استلمت الموتر وفعلاً راح الصوت

بس بعد كم يوم بدأ يطلع الصوت مره ثانية

وديته لهم وقالوا بسيطة بس وزن الكارونه ويطلع تمام

اخذته منهم مره ثانية وفعلاً الصوت راح بس بعد ثاني مشوار طلع الصوت

خفيف ويبدأ يزيد إلى ان اصبح صوت مزعج

وعندما اشيل رجلي عن الدعسه يطلع خرفشه

في العامود او الدفرنس

وديته لهم مره واثنين وثلاث ونفس المشكلة ما انحلت

كل مره يقولون وزن كارونه وتظبط الأمور

ولا كن للأسف مليت منهم وطفشت

الخلاصه السيارة واقفه عند البيت ولا زالت المشكلة فيه

الوالد الله يحفظه يقول بيع الموتر بمشكلته وريح راسك

بس قلت ابسأل اول شيء اهل الخبره

عن احد يقدر يصلح الدفرنس بدون مبالغ باهضة

انا ساكن في الرياض فإذا احد يعرف ورشة متخصصة في ذا الأمور

اكون من الشاكرين

واذا احد يبغى يشتري السيارة بمشكلته وهو يصلحه بمعرفته

فلا مانع وماراح نختلف علماً ان السيارة شبه جديده خارجياً وداخلياً

في انتظار اهل الخبرة فلا تبخلوا علينا

تحياتي