منتدى استراحات زايد - الجامعة الامريكية في الشارجة

اقتباس:

السلام عليكم.. اشحالكم؟؟؟

و عليكم السلام و الرحمة

بخير الحمدللله و انتي شحالج حبووبة ^.^

مبرووك اول شي ع التخرج م المدرسة و النجااح

^.^

اقتباس:

ابا مساعدتكم.. ابا اسألكم عن الجامعة الامريكيةو
مع العلم انه انا علمي وافضل المواد عندي فيزيا ورياضيات بس ضعيفة وايد فالانجليزي
ف شو التخصص اللي تنصحوني ادخله

مم احسن تخصص للي يحبون فيزيا و رياضيات هو الهندسه بشكل عام لكن بخصوص اي هندسه بالضبط ماآدري هذا القرار يعود لج ..

اقتباس:

ولازم اكون ماخذة التوفل من برع ولا عادي لو خدته من عندهم؟

التوفل يفضل تاخذينه من الجاامعة .. لو يبتيه من برع احتمال ما يقبلوونه "ما يقبلون الا اماكن معينه و اظن لازم تكونين مخبرة الجامعة قبل انج بتسوين توفل فالمكان الفلاني .. "

اقتباس:

ولو كانت عندي منحة بياخذون فلوس من عندي بعد ولا لا يعني بحتاج ادفع زيادة من عندي؟

اتوقع لازم تدفعين شوويه في كل فصل .. 200 او 300 درهم لبعض الاشيا الصغيرة

لكن الكتب + السكن + الدراسة يدفعونهم معظم المنح اللي انا اعرفهم .. ويعتمد على منحتج طبعاً

اقتباس:

والتوفل بيكون ضمن المنحة؟؟

ما اعرف والله يا ختيه

اقتباس:

ولو كنت في السكن بيسمحولي اطلع من السكن للشغل يعني وظيفة مع علم ولي الامر؟؟ وطبعن في الوقت اللي يكون مخلص فيه دوام الجامعة...

عآدي تطلعين من السكن فأي وقت تبينه .. محد يحاسبج ع الطلعة و الدخلة .. بس اعتقد بعد الساعة 12 الليل مب مسموحلج تطلعين :w00t:

اقتباس:

ولازم اكون يايبة في اول وثاني وثالت ثنوي فوق 80؟ لانه انا اول ثنوي يبت 75 بس الباقي اوكي

ماآدري .... اللي اعرفه انه نسبة الثانوية العامة مهمة .. بس يمكن يكون هالشي تغير "سمعت شي بهالخصوص بس مب متأكدة" انه ياخذون المعدل العام من الصفوف الثانوية ال3

اقتباس:

ومن كم لين كم دوامهم؟

في أول فصل المشرف او الادفايزر مالج هو اللي بيحطلج الجدول و الاوقات ع اساس انج يديدة و ما تعرفين .. لكن الفصول اللي بعدها انتي ترتبين جدولج على كيفج و اختاري الوقت اللي تبينه :d-uae0(1):

اقتباس:

والمنحة كيف ياخذونها ولا اوردي يعطونها حق الطالبات اللي يايبين فوق 80؟؟ ولا لازم اقدم على شي؟؟؟؟

انتي من اي امارة اختيه ؟؟

لو كنتي مثلاً من دبي: تروحين لـ ديوا و تطلبين منهم منحة للهندسه .. هم يعطونج
و لو كنتي فبوظبي .. ما أعرف بس فبوظبي وآآآآآآآآآيد اماكن تعطي منح
و لو كنتي فالشارجة .. عندج سيوا او الديوان

و و ايد غيرهم

في وحدة فالجامعة موظفة متخصصة بالمنح .. تروحين لها و هي تدورلج منحة مناسبة لإمارتج

اقتباس:

واذا كانت منحة لازم اييب علامة معينة في الجامعة واذا مايبتها ادفع من عندي ولا كيف ؟؟

هيه المنحة تشترط عليج بس لو كنتي شاطرة ما بيأثر عليج هالشي ابداً .. لو نقصتي عن المعدل اللي يبونه بيعطونج انذار 1 و لو كملتي الفصل اللي بعده و ما يبتي العلامه اللي يبونها بعد بيعطونج اانذار 2 و اذا تكرر بعد مرة اعتقد يسحبون عنج المنحة

بس في وايد منح متسااهلة و تعطي واايد انذاراات و تمشي السالفة للطلاب و تتفهمهم ..

اقتباس:

وابا اعرف كيف نظام هالجامعة بالضبط؟

نظامها اول شي تمتحنين التوفل خلال اجازة الصيف هذي يعني قبل الدوام الرسمي .. اذا نجحتي فيه تدخلين التخصص على طول و اذا ما نجحتي بيدخلونج برنامج لغة انجليزية لمدة فصل كامل

و اذا رسبتي فنهاية الفصل بعد بيعيدولج هالبرنامج في الفصل اللي عقبه

و هذا يكون مدفوع من المنحة

يوم تدخلين التخصص .. يعطيج جدول مقترح للدراسة و يقسمه على 4 سنين او 5

الجدول عبارة عن مواد مختلطة و متطلبات للتخصص + متطلبات عامة ... مثلاً 15 ساعة من المواد الاجتماعية و الانسانية .. و 15 ساعة مواد انجليش .. و 120 ساعة مواد التخصص مالج "مثلاً هندسه او بزنس او غيره"

بس على كيفج يعني ترتبين جدولج في كل الفصول .. المهم عندهم في النهاية انج انتي يوم تتخرجين تكونين خلصتي ال120 ساعة او 130 ساعة و المواد كلها اللي حددوها لج

مثال:

تختارين في فصل معين انج تاخذين هالمواد:

رياضيات - مادة للتخصص
عربي - مادة اجتماعية اتوقع
انجليش رايتنج - مادة اساسية بعد
مقدمة هندسه - مادة للتخصص
و اي مادة خامسة

يعني على راحتج اذا تبين العربي في هالفصل او الفصل اللي عقبه بس المهم تاخذينه خلال سنوات الدراسة ^.^

و هذا اللي عندي

واي شي تبينه اسإليه فهالموضوع و انا برد عليج لاني طالبة في هالجامعة من سنتين

بس انا مب منحة عسب جي يمكن ما اعرف كل المعلومات عن المنح

يا حبذا لو تتصلين فالجامعة و تسإلينهم عن اي شي تبين تعرفينه عسب ما تضيعين

~ محرووومة منهم ~