اول طلعة والحكومة استدعته
 

السلام عليكم ورحمة الله وبركاته وصلى الله وسلم على نبينا محمد وعلى اله وصحبه وسلم تسليما كثيرا
وبعد

اخواني في الله اليوم واحد من اصحابي طلع بالبوت من مركز ذهبان علما ان الطلعة هذه هي اول طلعة له من ذهبان
المهم اللي صار انه كان قاعد يجلب والله أعلم في منطقة ممنوعة او قريبة من قصر الامير نايف
المهم جاله يخت فيه ضابط وطلب منه التصريح فالضابط كتب على التصريح (مراجعة مخرج اليخت الملكي)
خوينا الله يهديه لمن رجع المركز ' سلم التصريح للعسكري في المركز (والعسكري ما انتبه للختم ) ومشي من دون ما يشعر العسكري اللي استلم اوراق الرجال ' وخوينا استلم الحجة حقته ودربراسه
اتصلت انا على صاحبي ابغا اتطمن والا الرجال يقولي مارحت ولا ابغا اروح لهم والعسكري اللي استلم مني التصريح حق الرجعة ما انتبه واعطاني اوراقي وانا الحين راجع في الخط
قلت لصاحبي ارجع قبل ما تصير على العسكري اللي استلم الاوراق منك وسلمك الحجة مشكلة من ثم المشكلة تصير على المركز من ثم المركز يحط كل حرته فيك
مع العلم اننا بكرة باْذن الله طالعين انا وياه البحر
وما ادري ايش اللي راح يصير
كيف يا أخواني السواة لو اكتشفوا موضوع صاحبي
هل راح يتوقف البوت والا كيف
اعطوني رأيكم الله لا يهينكم
زجزاكم الله خير
اخوكم ابو فهد