|
قصييده بين الشيخ جابر الاحمد الصباح ومرشد البذال قصايد حكم وعبر السلام وعليكم ورحمته الله وبركاته عندي هذي القصيد بين الشيخ جابر الاحمد الصباح ومرشد البذال انشاء الله تعجبكم : هذه القصيدة اول مره تنشر للشيخ جابر الاحمد الصباح ,,,قريتها بمجلة الفارس وحبيت اكتبها لكم اهني الشعر ديوان العرب وهو متنفس مشاعرهم الجميلة هذا اذا ماقاله غامه الناس لكن ان كان قد صدر من عليه القوم ومن رأس رؤوس الاكابر فانه سيفوح بعطر استنثائي كما هو الان ونحن امام قصيدة لسمو امير البلاد الغالي الشيخ جابر الاحمد الجابر الصباح وذلك عندما رد ع الشاعر مرشد سعد البذال الرشيدي وقد اثبت الشيخ جابر رحمه الله علو كعبة في الشعر وعذوبة الفاضه ينتقيها شعر وادبا هو بذلك يعيد لنا ماثر امراء العرب والمسلمين الاوائل الذين يهتمون بالشعر والصيد والفروسية كما تحكي القصيدة .. هذه القصيدة لمرشد البذال :: شاعر الكويت لا والله الا ذعذعن الصفاري,,,,,هب البراد وقربت نقلة الطير ذكر الحباري له نخزر الحداري,,,,اول عوانيها لقوها المداوير كل اشقر في تلك السبق ضاري,,,,متكسر قلبه ع الطلع تكسير ذكرتهم مسري بهاك الغداري,,,,مع جابر الاحمد طويل الاشابير يابو مبارك ماطرى لك طواري,,تحيي الرسوم الاوله بالمظاهير ياشيخ لاتنسى هذيك المساري,,يومك تصلي الصبح فوق من الصير تشوف فيه من العواين مواري,,,,تلقى جرايدهن بروس العثامير كل ورا جابر بسيره يداري,,,,اهل الطيور للشيخ جابر مناظير ماحلا مغداهم بعشب وخباري,,,,باول طلوع النبت عشبه دواوير وماحلا معاياهم بصوت جهاري,,,,الشيخ نشمي والجماعة مناعير هذي طراة العمر قبل العزاري,,,,دنياك من غير الطرب مابها خير وهذا رد الشيخ جابر الاحمد الصباح::-- قولك تراه اليوم صاير وجاري .....الله يجزي ذيك الايام بالخير ياما سرينا يم ذكر الخباري,,,,مجهامنا كل يوم مثل النواطير مانعرف التنتات هي واللواري...لهن دوي يشبهن الزنابير نمر يالريضان خضر فقاري.. زاه عشبها مع فياضن مزاهير لامن طلع مختار عقب المساري,,,في موقع مافيه جرة مظاهير اوهد صوب الروض وسط النهاري....غمر وصفف ياحسين التصاوير واليا نزل عينه تشعشع بناري....نشوفهم جنب الذواري مخامير مثل الملك جالس وحوله جواري...والله ما اصخي به بخيشه دنانير ماهمنا برد ولاهوب ذاري....يوم ان للمقناص بالنفس تأثير واليوم كل واحد يصيد العفاري....وصارو جميع الناس كلهم صقاقير اصبر تشوف الطير فوق القاري....مطلعه راعية مع سكة الجير اميرنا بهذه القصيده يشتاق للماضي وحياة البر والمقناص وللماضي الجميل بالكويت الجميله وايام الشباب وراحة البال اشتياق اميرنا لذاك الوقت كاشتياقنا لها الان .. رحمة الله عليه ويرد على المرحوم مرشد سعد البذال .. شاعر الكويت الكبير احد اكبر اعلام الشعر على مر الشعر النبطي الله يرحمك يابومبارك ان شاء الله بجنات النعيم .. ويرحم البذال وجميع موتى المسلمين ومشكووورين على قراءت الموضوع وشكرا اخوكم بالله : killerkw |
| الساعة الآن 09:07 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir