[ لـَو عَشَقْـت إنْـسـَانْ مـَاهـو منْ نصـِيبـكْ ! ]
 

http://ma7room.org/up/images/284apipc7mctl3lxlhmj.gif


وش تسوي لو عشقت انسان ماهو من نصيبـك
لا لك بهالوضع يد .. و لا له بهالوضع سبه !!

وشهو ذنبك لو غدى من بين خلـق الله حبيبـك
تعرف إن قربه محال .. و قلبك مصمم يحبه !!


و انته متأكد و عارف يب يجي يوم و يسيبـك
يعني متوقع بأي لحظه يغيب و تغتـرب بـه !!


كل دربٍ يرحل بطيفه .. على وجهـك يجيبـك
كل حرفٍ يُكتب لغيره .. تحسه منكتـب بـه !!


كن كل عيون خلـق الله عيـون ٍ لـه تذيبـك
تنثر احساسك جمر ملح وْعلى جرحك تصبـه !!


واللي كاسر ظهر قلبك و بشقا الدنيا مصيبـك
عارفٍ بانّك تحب .. و ما يعَـرْف انّـك تحبـه !!


ساكن ٍ بأصغر تفاصيلك و قلبه مـا دري بـك
ماكن ٍ بأقصى معاليق الكيان اللـي لعـب بـه !!


وش تسوي لو مرضت بعشق من وصله طبيبك
و انتْ عارف لو ذبحك العشق ما داواك طبه !!


:: وليد الجسمي ::

صح لسان شاعرها

وتسلم يمينك على النقل، وينقل للقسم المناسب

صح إلسانك أخوي ..

تســـلم يمينك عالنقل المميــــــز ..

نتريا كل يديد من صوبك ...