|
حبكـة شـياطـين ,, قصيدة الفتاوى السلام عليكم ورحمة الله وبركاته هذه قصيدة تحاكي ماحصل من ظهور بعض الفتاوى الغريبه ممن تلبسوا بثياب العلماء والله المستعان,, والحقيقه اعجبتني القصيدة فأحببت أن اوردها لكم . حبـكة شياطين ورموها علينا حبكه ومنتجها زبون المخاسير قامت بني علمان يومه سليـنا مع كاس هالعالم جموع وطوابير تقول فرصـتنا ترى في يدينا نحدث على الشعب المبرمج تغايير نبدا بهم في الدين والله يعينا على فعول اهل اللحى والمعاسير لامن تعزووا قولوا حق بغينا قولوه حتى النار تطفى من الغير لكن وقت الجد قمنا وطفينا قمنا نجيب العذر ويالتبارير من بعدها والصبح صارت تجينا فتوى من اللي يطلبون التشاهير يالله دخيلك يوم قمنا وقرينا جمع الفتاوى مثل حر المجامير حداهم اللي قال حل لقينا نملا الوظايف والكراسي الدواوير سوق العمل يحتاج هند ولينا محتاج والله للبنات المزاهير وخل الشباب اللي بشانه بلينا يبدا تجارة خبز ولاكوافير واللي يقول اني اخاف الغبينا واشوف بنتي مع ولد هند وكشمير خبٌره بان الشيخ حل الضغينا الحل ينهل من نهود مزابير وإن قلت ياربعي دوام وقضينا إسمع لهيفاء حللوها المزامير البومها في كل صوب لقينا مره بلاش ومر عشرة دنانير يارب عذنا منهم بكل حينا ماشفت منهم غير ذم(ن) وتقصير ولاية(ن) غيرك ترى مارجينا يارب نرجي منك علم وتباشير ماقلت غير الحق يالسامعينا عجزت احلل للفعول التفاسير والقصيدة للشاعر عبدالملك بن محمد الكثيري |
| الساعة الآن 11:54 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir