سؤال لشباب
 

السلام عليكم و الرحمه

نبدأ فالموضوع من البدايه هذا موضوع الاخت زهور 2007

بسم الله الرحمن الرحيم

السلام عليكم ورحمة الله وبركاته


انا عندي سؤال لكل البنات بس ودي انكم اجاوبون بكل صراحه وبكل صدق


طبعا الوحده يوم تنخطب لازم تبا تعرف كل شي عن خطيبها فطبيعي بتقعد تسأله وهو يسألها

وطبيعي مافي ريال ما مر في اخطاء ولا في مواقف تأثر فيها وايد وتعلق فيها بس تيي فتره على الريال خلاص يعرف الصح من الغلط ويرجع عن كل شي غلط

افترضنا انج انتي قاعده تتكلمين مع خطيبج فهو قالج انا ودي اصارحج بشي عشان اكون واضح معاج من البدايه

فقالج انا بصراحه قبل سويت كل شي بهاي الدنيا شربت و تعاطيت مخدرات وكنت صايع وايد و و و ............ الخ

بس انا الحين انسان ثاني وعارف ربي وعرفت غلطتي وخلاص تبت من كل شي حرام ومب زين

شو بتكون ردة فعلج ؟

هل انج بتسامحينه وبتقولين انه خلاص هو تاب وجي وما بيرجع لهاي الاشياء ؟

او

انج بتقولين لا يمكن يرجع على هاي الاشياء وبيرجع اخس عن قبل بعد ؟

ودي اسمع ردودكم وبكل صراحه



تمـــاسيــــــــــــح بعد يقـــــدرون يشــــأركون...هـــــب بس بنـــــــــات

(م)



منقول من الاخت زهور 2007

انا سؤالي يقول لو كان العكس ملجت و اعترفتلك انها كانت تشرب و ادخن و و و و و و و و ...............الـــــــــــــــــــــــــــــخ

بتقول عفى الله عما سلف و كل انسان يغلط و نفرض انها تابت و مستحيل ترد

شو بتكون رده فعلك بتسامح و بتقول اذا الله يسامح ليش نحن ما نسامح و بتنسى الموضوع شفنا ردود البنات و نتريا ردود الشباب و تعليقهم ع الموضوع

وعليج السلام ورحمة الله وبركاتة



صراحه احييج على الموضوع وفكره طيبة ، بس للأسف فكرة الموضوع مكرره
وانطرحت من قبل واللي تتكلم عن " ماضي البنت "



الله يعطيج العافيه ونتريا منج الزود



النعيمي