|
◊۩¯− (( أجمل القصائد في وصف الطير + صوت)) −¯۩◊ جـ الشمال ــرح تحية طيبة وبعد ,,, هذه القصيدتين من افضل القصائد في وصف الطير حيث تم وصف الصقور بملوكنا وامرائنا حفظهم الله ,, * * * * * * * * * * * * (( قصيدة للشاعر: الحلو بن فرحان الشمري )) تخيروا يأهل القنص حر له شان=مسرولٍ ريشه على الساق ضافي أقطم عديمٍ كامل الوصف مليان=وافي الجناح من العذاريب صافي من ماكرٍ ماينوجد كود بإيران=صتيمة من يمة الفرس لافي إن فرعوه بفية وسط ديوان=جلسة (فهد) في كامرات الصحافي من كف (عبد الله) على كفه ألوان=ماناش كفه مايشوف العوافي متفهقٍ صدره مثل صدر (سلطان)=شافي ولا غيره بالأوصاف شافي تقدح سنا عينه مقابيس نيران=من عين (نايف) ماعليه اختلافي مستقعد متنه مثل متن (سلمان)=وافي ولاغيره بالأوصاف وافي وعليه من (أحمد) بالأوصاف نيشان=غزة رقبته لاتطلع وشافي إن جاك هذا مايثمن بالأثمان=جميع ماتدفع ماهو فيه كافي "" القصيدة صوتيه "" * * * * * * (( قصيدة للشاعر: سميحان الشمري )) يامحلا يازيد بالبر ياامسيت = بارض خلاء مستانس غير خايف في ديرة مابه دواعي ولابيت = الا الزبيدي با لفياض النضايف بدار الشيوخ اللي قديم لهم صيت = اهل الوفاء ستر البنات العفايف والصبح في راس الجذيبه تشافيت = وشفت الحباري بالشعيب المهايف ومعك سريعا للندب كان هديت = يودع مدابيح الحباري علايف اليا خذيت لبرقع الحر سميت = ثم هز جسمه من حدود الكتايف اقفاء وياخذ بالجناحين توقيت = ياما يصير لمجمل الصيد شايف واليا اعتلا بالجو ثم صحت ووميت = يشوش ثم ياتي سريعا مسايف جول الحباري راح بالجو تشيت = يبي السلامه صار للارض عايف ادلابهن في سرعة العين يااغضيت = وفرق شتات اللي قديم ولايف واللي ضرب بالجو في لحظته ميت = من الجو ياتي للشعيب أمتهايف والحر لونه منوتك ياتمنيت = ابيض ولا به للمناظر حوايف اليا وضعته فوق كفك وراعيت = يطري عليك من التواصيف (نايف) ابن الامام لوصفه الحر خصيت = حرا مقره عاليات النوايف يشبه (لنايف) كان بالوصف حليت = عدل المناكب كامل للوصايف ومعك عيال بالخــلاء لو تماديت = مستانسين ولا وراهم وظايف وهرجا بادب ماهي علوم تفاويت = ولاهم يجيبون السوالف نصايف كل يرد ان كان بالصوت ناديت = قضى لزومك بالعجل له زهايف وياشفت نور الصبح لله صليت = طاعه وانت لغير مولاك خايف وصلوا عدد من مر كل المواقيت = على النبي ماهب نسناس طايف "" القصيدة صوتيه "" * * * تقبلوا ارق تحياتي اخوكم جرح الشمال :) |
| الساعة الآن 08:48 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir